ನವೆಂಬರ್ 13, ಧನ್‌ತೆರೇಸ್‌: ಈ ದಿನದಂದು ಏಕೆ ಚಿನ್ನಕೊಳ್ಳಬೇಕು ಅಂತಾರೆ?

ಪೌರಾಣಿಕ ಕತೆ

ಒಂದು ಕಾಲದಲ್ಲಿ ಹಿಮಾ ಎಂಬ ಹೆಸರಿನ ರಾಜನಿದ್ದ, ಅವನ ಮಗನಿಗೆ 16 ವರ್ಷ ಮಾತ್ರ ಆಯುಸ್ಸು ಇತ್ತು. ಆತ ಮದುವೆಯಾಗುತ್ತೇನೆ. ಜ್ಯೋತಿಷಿಗಳು ಆತ ಮದುವೆಯಾದ ನಾಲ್ಕನೇ ದಿನ ಹಾವು ಕಚ್ಚಿ ಸಾಯುವುದಾಗಿ ಹೇಳುತ್ತಾರೆ. ಇದನ್ನು ತಿಳಿದ ರಾಜ ಹಾಗೂ ರಾಜನ ಮಗನನ್ನು ಮದುವೆಯಾದ ತುಂಬಾ ಚಿಂತೆ ಮಾಡುತ್ತಾರೆ.

ರಾಜಕುಮಾರನನ್ನು ಮದುವೆಯಾದ ರಾಜಕುಮಾರಿ ಪತಿಯನ್ನು ಹೇಗಾದರೂ ಮಾಡಿ ಬದುಕಿಸಬೇಕೆಂದು ನಿರ್ಧರಿಸುತ್ತಾಳೆ. ಆಕೆ ಅರಮನೆಯಲ್ಲಿರುವ ಅಷ್ಟೂ ಚಿನ್ನಾಭರಣಗಳನ್ನು ಸಂಗ್ರಹಿಸುತ್ತಾಳೆ. ಅದನ್ನು ಮುಖ್ಯದ್ವಾರದ ಬಳಿ ಇಟ್ಟು ರಾಜಕುಮಾರನಿಗೆ ನಿದ್ದೆ ಮಾಡದಂತೆ ಸೂಚಿಸಿ ಆತನ ಜೊತೆಯೇ ಕೂರುತ್ತಾಳೆ. ಆತನಿಗೆ ನಿದ್ದೆ ಬಾರದಿರಲು ಸುಂದರವಾದ ಕತೆಗಳನ್ನು ಹೇಳುತ್ತಾಳೆ.

ರಾಜ ಕುಮಾರನ ಪ್ರಾಣ ತೆಗೆಯಲು ಬಂದ ಯಮ

ಇತ್ತ ರಾಜಕುಮಾರನ ಪ್ರಾಣ ತೆಗೆಯಲು ಯಮ ಹಾವಿನ ರೂಪದಲ್ಲಿ ಬರುತ್ತಾನೆ. ಮುಖ್ಯದ್ವಾರದ ಬಳಿ ಬಂದಾಗ ಚಿನ್ನದ ಹೊಳಪಿನಿಂದಾಗಿ ಹಾವಿಗೆ ಕಣ್ಣು ತೆರೆಯಲು ಸಾಧ್ಯವಾಗುವುದಿಲ್ಲ, ಅಲ್ಲದೆ ರಾಜಕುಮಾರಿ ಹೇಳುತ್ತಿರುವ ಸುಂದರ ಕತೆಗಳನ್ನು ಕೇಳುತ್ತಾ ಹಾವು ತಾನು ಬಂದು ಕಾರ್ಯ ಮರೆತು ಕತೆ ಕೇಳುತ್ತಾನೆ. ಹೀಗೆ ಬೆಳಕು ಹರಿಯುತ್ತದೆ, ಯಮನಿಗೆ ನಿರ್ಧರಿಸಿದ ಸಮಯದಲ್ಲಿ ಪ್ರಾಣವನ್ನು ಕೊಂಡೊಯ್ಯಲು ಸಾಧ್ಯವಾಗುವುದಿಲ್ಲ. ಹೀಗೆ ರಾಜಕುಮಾರನ ಪ್ರಾಣ ಉಳಿಯುತ್ತದೆ.

ಹೀಗೆ ಧನ್‌ತೆರೇಸ್ ಎಂಬ ಸಂಪ್ರದಾಯ ಆಚರಣೆಗೆ ಬಂದಿತ್ತು ಎಂದು ಹೇಳಲಾಗುತ್ತದೆ.

ಧನ್‌ತೆರೇಸ್‌ನ ದಿನ ಪೂಜೆ

ಧನ್‌ತೆರೇಸ್ ದಿನ ಮನೆ ಮುಖ್ಯ ದ್ವಾರದಲ್ಲಿ ದೀಪವನ್ನು ಹಚ್ಚಿ, ಚಿನ್ನವನ್ನು ಇಟ್ಟು ಪೂಜಿಸುತ್ತಾರೆ. ಈ ದೀಪವನ್ನು ಯಮ ದೀಪವೆಂದು ಕರೆಯುತ್ತಾರೆ. ಹೀಗೆ ದೀಪ ಹಚ್ಚಿ ಇಡುವುದರಿಂದ ಯಮ ಹಾಗೂ ಲಕ್ಷ್ಮಿ ಕೃಪೆ ನಮ್ಮ ಮೇಲೆ ಇರುತ್ತದೆ, ಮನೆಗೆ ಒಳಿತಾಗುತ್ತದೆ.

ಧನ್‌ತೆರೇಸ್ ಏನು ಮಾಡಬಾರದು?

• ದಂತೆರೇಸ್ ದಿನ ಗಿಫ್ಟ್ ಕೊಡುವುದು, ತಗೊಳುವುದು ಮಾಡಬಾರದು.
• ಸ್ಟಿಲ್ ಹಾಗೂ ಕಬ್ಬಿಣದ ವಸ್ತುಗಳನ್ನು ಕೊಳ್ಳಬಾರದು
• ಕೊಂಡ ಪಾತ್ರೆಗಳನ್ನು ಖಾಲಿ ಕೊಂಡೊಯ್ಯಬಾರದು, ಏನಾದರೂ ಹಾಕಿ ಕೊಂಡಯ್ಯಬೇಕು.
• ಈ ದಿನ ವಾಹನಗಳನ್ನು ಕೊಳ್ಳಬಾರದು.
• ಈ ದಿನ ಎಣ್ಣೆಯನ್ನು ಸ್ವಲ್ಪ ಬಳಸಬೇಕು.
• ಕಪ್ಪು ಬಣ್ಣದ ಉಡುಪು ಧರಿಸಬೇಡಿ.