ನಾಯಿಯ ಹೊಟ್ಟೆ ನೋವಿನ ಸಮಸ್ಯೆಗೆ ಪರಿಹಾರ

ಅದರಲ್ಲೂ ಜಾತಿ ನಾಯಿಯಂತೂ ಆಹಾರ ವಿಷಯದಲ್ಲಿ ತುಂಬಾ ಸೂಕ್ಷ್ಮವಾಗಿರುತ್ತದೆ. ಆಹಾರದಲ್ಲಿ ಸ್ವಲ್ಪ ಹೆಚ್ಚು ಕಮ್ಮಿಯಾದರೂ ಹೊಟ್ಟೆನೋವು, ವಾಂತಿ, ಬೇಧಿ ಮುಂತಾದ ತೊಂದರೆಗಳು ಕಾಣಿಸಿಕೊಳ್ಳುತ್ತದೆ. ಈ ರೀತಿ ಉಂಟಾದರೆ ಮನೆ ಗಲೀಜಾಗುತ್ತದೆ. ಅಲ್ಲದೆ ನಾಯಿ ಸುಸ್ತಾಗಿ ಹೊರಳಾಡುತ್ತಾ ಒಂದು ಕಡೆ ಮಲಗಿ ಬಿಡುತ್ತದೆ. ನಾಯಿಗೆ ಈ ರೀತಿಯ ಸಮಸ್ಯೆ ಕಾಣಿಸಿದರೆ ಕೆಳಗಿನ ಮನೆಮದ್ದಿನಿಂದ ನಾಯಿಯ ಹೊಟ್ಟೆ ನೋವಿನ ಸಮಸ್ಯೆಯನ್ನು ಹೋಗಲಾಡಿಸಬಹುದು.

ನೀರು: ವಾಂತಿ ಮತ್ತು ಬೇಧಿ ಹಿಡಿದರೆ ನಾಯಿಗೆ ನೀರನ್ನು ಕುಡಿಯಲು ಕೊಟ್ಟು ನಾಯಿಯ ದೇಹದಲ್ಲಿ ತೇವಾಂಶವನ್ನು ಕಾಪಾಡಬೇಕು.

ತೆಳು ಆಹಾರ: ಚಾಕಲೇಟ್, ಚಿಕನ್, ಖಾರ, ತರಕಾರಿಗಳನ್ನು ಕೊಡಲು ಹೋಗಬಾರದು. ಚಿಕನ್ ಕೊಡುವುದಾದರೆ ಬೋನ್ ಲೆಸ್ ಚಿಕನ್ ಅನ್ನು ತುಂಬಾ ಬೇಯಿಸಿ ಕೊಡಬೇಕು. ಹಸಿಮಾಂಸ ಮತ್ತು ಹಸಿ ತರಕಾರಿ ತಿನ್ನಲು ಕೊಡಬಾರದು.

ಹೊಸ ಬಗೆಯ ಆಹಾರ ಕೊಡುವುದಾದರೆ ಆ ಆಹಾರ ನಾಯಿಗೆ ಮೊದಲು ಸ್ವಲ್ಪ ಕೊಟ್ಟು ನೋಡಬೇಕು. ಒಂದು ವೇಳೆ ನಾಯಿಗೆ ಆ ಆಹಾರ ಸೇರದೆ ವಾಂತಿ ಮಾಡಿದರೆ ಅಥವಾ ಹೊಟ್ಟೆ ನೋವು ಕಾಣಿಸಿಕೊಂಡರೆ ಆ ಬಗೆಯ ಆಹಾರಕೊಡಬಾರದು. ನಾಯಿಗೆ ಹೊಟ್ಟೆ ನೋವು ಕಾಣಿಸಿಕೊಂಡರೆ ಹುಲ್ಲು ಅಥವಾ ಎಲೆ ತಿನ್ನುತ್ತದೆ. ಹೀಗೆ ತಿನ್ನಲು ಬಿಡಬೇಡಿ. ನಾಯಿಗೆ ಹೊಟ್ಟೆ ನೋವು ಕಾಣಿಸಿಕೊಂಡರೆ ಕಡಿಮೆಯಾಗಬಹುದೆಂದು ಹಾಗೇ ಬಿಡದೆ ವೈದ್ಯರನ್ನು ತೋರಿಸುವುದು ಒಳ್ಳೆಯದು.