ಸಾಕಿದ ಹೆಬ್ಬಾವನ್ನು ಕಚ್ಚಿ ಅರೆಸ್ಟಾದ ಅಮೆರಿಕನ್!

ಕ್ಯಾಲಿಫೋರ್ನಿಯಾದ ಡೇವಿಡ್ ಸೆಂಕ್ ಎಂಬ ಭೂಪ ತಾನು ಸಾಕಿದ ಹೆಬ್ಬಾವನ್ನು ಕಚ್ಚಿ ಗಂಭೀರವಾಗಿ ಗಾಯಗೊಳಿಸಿದ ತಪ್ಪಿಗೆ ಈಗ ಜೈಲಿನಲ್ಲಿದ್ದಾನೆ. ಸುಮಾರು ಮೂರು ಅಡಿ ಉದ್ದವಿರುವ ಹಾವಿನ ಲಿವರ್ ಕಾಣುವಷ್ಟು ಹರಿತವಾಗಿ ಈತ ಎರಡು ಬಾರಿ ಕಚ್ಚಿದ್ದಾನಂತೆ. ಇದರಿಂದ ಹಾವಿನ ಪಕ್ಕೆಲುಬುಗಳು ಗಂಭೀರವಾಗಿ ಗಾಯಗೊಂಡು ಆಸ್ಪತ್ರೆಯಲ್ಲಿ ತುರ್ತು ಚಿಕಿತ್ಸೆ ನೀಡಲಾಗಿದೆ.

ಹಾವನ್ನು ಅಮಾನುಷವಾಗಿ ಅಂಗಹೀನನನ್ನಾಗಿ ಮಾಡಿದ ಅಪರಾಧಕ್ಕೆ ಸೆಂಕ್ ನನ್ನು ಬಂಧಿಸಲಾಗಿದೆ. ಆದರೆ ಜೈಲಿನಲ್ಲಿರುವ ಸೆಂಕ್, ತನಗೆ ಈ ಅವಘಡದ ಬಗ್ಗೆ ನೆನಪಿಲ್ಲ, ನಾನು ಆ ಸಮಯದಲ್ಲಿ ಮದ್ಯಪಾನ ಮಾಡಿದ್ದೆ ಎಂದು ಹೇಳಿಕೊಂಡಿದ್ದಾನೆ. ಅದರ ಮಾಲೀಕರು ಸಿಕ್ಕರೆ ಕ್ಷಮೆ ಯಾಚಿಸಿ ಅದರ ಚಿಕಿತ್ಸಾ ಶುಲ್ಕವನ್ನೂ ಭರಿಸುತ್ತೇನೆ ಎಂದಿದ್ದಾನೆ.

ಸದ್ಯ ಹೆಬ್ಬಾವು ನಗರದ ಸಾಕ್ರಮೆಂಟೋ ಪ್ರಾಣಿ ಸಂರಕ್ಷಣಾ ಸಂಸ್ಥೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದೆ.