ಸಂಪತ್ತು ವೃದ್ಧಿಗಾಗಿ ಮನೆಯಲ್ಲಿ ಸ್ವಸ್ತಿಕ ಚಿಹ್ನೆ ಎಲ್ಲೆಲ್ಲಿ ಇಡಬೇಕು?

ಸ್ವಸ್ತಿಕವನ್ನು ಮನೆಯ ಮುಂಭಾಗದಲ್ಲಿ ಹಾಕಿದರೆ

ಮನೆಯಲ್ಲಿ ವಾಸ್ತು ದೋಷವಿದ್ದರೆ ಮನೆಯ ಮುಂಭಾಗದ ಎರಡೂ ಬದಿಯಲ್ಲಿ ಸ್ವಸ್ತಿಕ ಚಿಹ್ನೆಯನ್ನು ಹಾಕಿದರೆ ಒಳ್ಳೆಯದು. ಈ ರೀತಿ ಮಾಡುವುದರಿಂದ ವಾಸ್ತು ದೋಷ ನಿವಾರಣೆಯಾಗುವುದು. ಮನೆಯ ಮುಂಭಾಗದಲ್ಲಿ ಸ್ವಸ್ತಿಕ ಚಿಹ್ನೆ ಬಿಡಿಸುವುದರಿಂದ ಮನೆಗೆ ಶುಭವಾಗುವುದು. ಮನೆಯಲ್ಲಿ ಸಂತೋಷ, ಸಮೃದ್ಧಿ ಹೆಚ್ಚುವುದು.

ಸಗಣಿಯಿಂದ ಮನೆಯ ಮಧ್ಯಭಾಗದಲ್ಲಿ ಸ್ವಸ್ತಿಕ ಚಿಹ್ನೆ ಬರೆದರೆ

ಮನೆಯ ಮಧ್ಯಭಾಗದಲ್ಲಿ ಸಗಣಿಯಿಂದ ಸ್ವಸ್ತಿಕ ಚಿಹ್ನೆ ಬರೆದರೆ ತುಂಬಾ ಶುಭ.ವಾಸ್ತು ಶಾಸ್ತ್ರದ ಪ್ರಕಾರ ಪಿತೃಪಕ್ಷದ ಸಮಯದಲ್ಲಿ ಈ ರೀತಿ ಬರೆದರೆ ಪೂರ್ವಜರ ಆಶೀರ್ವಾದ ಸಿಗುವುದು. ಅಲ್ಲದೆ ಈ ರೀತಿ ಸ್ವಸ್ತಿಕ ಚಿಹ್ನೆ ಬರೆಯುವುದರಿಂದ ಮನೆಯಲ್ಲಿರುವ ನೆಗೆಟಿವ್‌ ಎನರ್ಜಿ ಹೋಗಲಾಡಿಸಲು ಸಹಕಾರಿ.

ಮನೆಯ ಪೂಜಾ ಸ್ಥಳದಲ್ಲಿ ಸ್ವಸ್ತಿಕ ಇಟ್ಟರೆ

ಮನೆಯ ಪೂಜಾ ಕೋಣೆಯಲ್ಲಿ ಸ್ವಸ್ತಿಕ ಚಿಹ್ನೆ ಬಿಡಿಸಿದರೆ ತುಂಬಾನೇ ಶುಭ. ದೇವರ ಕೋಣೆಯಲ್ಲಿ ಸ್ವಸ್ತಿಕ ಇಡುವುದರಿಂದ ದೇವರ ಕೃಪೆಯಿಂದ ತುಂಬಾನೇ ಒಳಿತಾಗುವುದು.

ಇನ್ನು ದೇವರಿಗೆ ಕಳಸ ಇಡುವಾಗ ಸ್ವಸ್ತಿಕ ಚಿಹ್ನೆ ಬರೆದ ಬಳಿಕವಷ್ಟೇ ಇಡಬೇಕು.

ಮನೆಯ ಕಬೋರ್ಡ್‌ನಲ್ಲಿ ಸ್ವಸ್ತಿಕ ಚಿಹ್ನೆ

ಮನೆಯ ಕಬೋರ್ಡ್‌ನಲ್ಲಿ ಸ್ವಸ್ತಿಕ ಚಿಹ್ನೆ ಇಡುವುದು ತುಂಬಾನೇ ಶುಭ ಎಂದು ಪರಿಗಣಿಸಲಾಗಿದೆ. ದೀಪಾವಳಿಯಲ್ಲಿ ಕಬೋರ್ಡ್‌ನಲ್ಲಿ ಸ್ವಸ್ತಿಕ ಚಿಹ್ನೆ ಬರೆಯುವುದರಿಂದ ಸಂಪತ್ತು ವೃದ್ಧಿಸಲಿದೆ ಎಂಬುವುದು ನಂಬಿಕೆ.

ಮನೆಯ ಮುಂಬಾಗಿಲಿನ ಎರಡೂ ಬದಿಯಲ್ಲಿ ಸ್ವಸ್ತಿಕ ಚಿಹ್ನೆ

ಬೆಳಗ್ಗೆ ಎದ್ದು ಮನೆಯನ್ನು ಶುದ್ಧ ಮಾಡಿದ ಬಳಿಕ ಮನೆಯ ಎರಡೂ ಬದಿಯಲ್ಲಿ ಸ್ವಸ್ತಿಕ ಚಿಹ್ನೆ ಹಾಕಿದರೆ ಲಕ್ಷ್ಮಿ ಒಲಿಯುತ್ತಾಳೆ ಎಂದು ಹೇಳಲಾಗುವುದು. ಮನೆ ಬಾಗಿಲಿಗೆ ಸ್ವಸ್ತಿಕ ಚಿಹ್ನೆ ಹಾಕುವುದರಿಂದ ನಕಾರಾತ್ಮಕ ಶಕ್ತಿ ಹೋಗಲಾಡಿಸಬಹುದು

* ಸ್ವಸ್ತಿಕ ಚಿಹ್ನೆ ಮನೆಗೆ ಧನಾತ್ಮಕ ಶಕ್ತಿಯನ್ನು ತುಂಬುವುದು.

* ಸ್ವಸ್ತಿಕ ಚಿಹ್ನೆ ಮನೆ ಮುಂದುಗಡೆ ಇದ್ದರೆ ಮನೆಯಲ್ಲಿ ಸುಖ, ಶಾಂತಿ, ನೆಮ್ಮದಿ, ಸಂಪತ್ತು ಇರುತ್ತದೆ.

* ಈ ಸ್ವಸ್ತಿಕ ಚಿಹ್ನೆ ಆರ್ಥಿಕ ಸಂಕಷ್ಟ ಹೋಗಲಾಡಿಸುತ್ತೆ

* ವ್ಯಕ್ತಿಯ ಏಳಿಗೆಗೆ ಧನಾತ್ಮಕ ಶಕ್ತಿ ತುಂಬುವುದು.