ಅಡುಗೆಮನೆಯ ಪರಿಕರಗಳ ಸ್ವಚ್ಛತೆ ಲೀಲಾಜಾಲವಾಗಿ ಮಾಡಿ!

ಫ್ರಿಡ್ಜ್ ಸ್ವಚ್ಛತೆ

ಫ್ರಿಡ್ಜ್ ಸ್ವಚ್ಛಮಾಡುವುದು ಕೊಂಚ ಕಷ್ಟಕರ ಕೆಲಸಾಗಿದೆ. ಇಲ್ಲಿರುವ ಸಾಮಾಗ್ರಿಗಳನ್ನೆಲ್ಲಾ ಹೊರತೆಗೆದು ಅವನ್ನು ಸ್ವಚ್ಛಮಾಡಿ ನಂತರ ಹಾಗೆಯೇ ಇಡಬೇಕು. ಅದಕ್ಕೆಂದೇ ಸರಳ ಟಿಪ್ಸ್ ನೀಡಿದ್ದೇವೆ, ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಫ್ರಿಡ್ಜ್ ಸ್ವಚ್ಛತೆ

ಅರ್ಧ ಲೋಟ ಶಿರ್ಕಾ (ವಿನೆಗರ್)ಮತ್ತು ಎರಡು ಲೋಟ ನೀರು ಬೆರೆಸಿ ಕೆಲವು ಹನಿ ಲಿಂಬೆಯ ರಸ (ಸುಮಾರು ಕಾಲು ಲಿಂಬೆ) ಸೇರಿಸಿ. ಈ ಮಿಶ್ರಣವನ್ನು ಫ್ರಿಜ್ಜಿನ ಒಳಭಾಗಕ್ಕೆ ಸಿಂಪಡಿಸುವ ಬಾಟಲಿಯ ಮೂಲಕ ಸಿಂಪಡಿಸಿ ತಕ್ಷಣವೇ ಸ್ವಚ್ಛ ಬಟ್ಟೆಯಿಂದ ಒರೆಸಿದರೆ ಸಾಕು. ಇದಕ್ಕೆ ಫ್ರಿಜ್ಜಿನ ಎಲ್ಲಾ ವಸ್ತುಗಳನ್ನು ಹೊರಗಿಡುವ ಅಗತ್ಯವಿಲ್ಲ.

ಕಟ್ಟಿಂಗ್ ಬೋರ್ಡ್

ಅಡುಗೆ ಮನೆಯಕಟ್ಟಿಂಗ್ ಬೋರ್ಡ್ ಸ್ವಚ್ಛಗೊಳಿಸಲು, ಇಲ್ಲಿದೆ ನೋಡಿ ಸರಳ ಟಿಪ್ಸ್ - ಮೊದಲುಬೋರ್ಡ್ ಮೇಲೆ ಕೊಂಚ ನೀರು ಹಾಕಿ ತೇವಗೊಳಿಸಿ ಇಡಿಯ ಬೋರ್ಡ್ ಮೇಲೆ ಉಪ್ಪು ಸಿಂಪಡಿಸಿ. ಬಳಿಕ ಒಂದು ಲಿಂಬೆ ಹಣ್ಣನ್ನು ಅರ್ಧವಾಗಿ ಕತ್ತರಿಸಿ ಒಳಭಾಗ ತಾಗುವಂತೆ ಕೊಂಚ ಒತ್ತಡದಿಂದ ಇಡಿಯ ಹಲಗೆಯನ್ನು ಉಜ್ಜಿ. ಒಂದು ಹಲಗೆಗೆ ಒಂದು ಲಿಂಬೆ ಸಾಕು... ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಕಟ್ಟಿಂಗ್ ಬೋರ್ಡ್

ಕೊಂಚ ಸಮಯ ಬಿಟ್ಟು ಗೋಡೆಯುಜ್ಜುವ ಸ್ಕ್ರಾಪರ್ ಅಥವಾ ಅಂತಹ ಯಾವುದಾದರೂ ಸಲಕರಣೆ ಬಳಸಿ ಉಪ್ಪನ್ನು ಕೆರೆದು ತೆಗೆಯಿರಿ. ಬಳಿಕ ಕೊಂಚ ಬಿಸಿಯಿರುವ ನೀರು ಹಾಕಿ ಪಾತ್ರೆಯುಜ್ಜುವ ಸ್ಪಂಜ್ ಬಳಸಿ ಸ್ವಚ್ಛಗೊಳಿಸಿ.

ಪರಿಶ್ರಮವಿಲ್ಲದ ಓವನ್ ಕ್ಲೀನಿಂಗ್

ಕೆಲವೊಮ್ಮೆ ಓವನ್‎ನೊಳಗೆ ಇಟ್ಟ ಆಹಾರ ಸುತ್ತಲೂ ಹರಡಿಕೊಳ್ಳುವ ಸಾಧ್ಯತೆ ಇರುತ್ತದೆ. ಈ ಕೊಳೆ ಎಷ್ಟು ಗಟ್ಟಿಯಾಗಿರುತ್ತದೆ ಎಂದರೆ ಅದನ್ನು ಸೋಪು ಅಥವಾ ಇತರ ರಾಸಾಯನಿಕ ಬಳಸಿ ಸ್ವಚ್ಛಮಾಡುವುದು ಅಷ್ಟೊಂದು ಸೂಕ್ತವಲ್ಲ, ಅದೂ ಆಹಾರವನ್ನು ಬಿಸಿ ಮಾಡಲು ನೀವು ಬಳಸುತ್ತಿರುವಾಗ ಇದು ಹಾನಿಕರವಾಗಿರುತ್ತದೆ. ಲಿಂಬೆ ಮತ್ತು ನೀರಿನ ಮಿಶ್ರಣದಲ್ಲಿ ಸ್ಪಾಂಜ್ ಅನ್ನು ಮುಳುಗಿಸಿಡಿ. ಇದೇ ಮಿಶ್ರಣವನ್ನು ಓವನ್ ಒಳಗೂ ಸ್ಪ್ರೇ ಮಾಡಿ. 5 ನಿಮಿಷಗಳ ಕಾಲ ಓವನ್ ಅನ್ನು ಆನ್ ಮಾಡಿ. ನಂತರ ಸ್ಪಾಂಜ್ ಅನ್ನು ತಣಿಯಲು ಬಿಡಿ. ನಂತರ ಪರಿಶ್ರಮವಿಲ್ಲದೆ ಓವನ್ ಒಳಭಾಗವನ್ನು ಒರೆಸಬಹುದಾಗಿದೆ.

ಕಬ್ಬಿಣದ ಪ್ಯಾನ್ ಸ್ವಚ್ಛತೆ

ನಿಮ್ಮ ಕಬ್ಬಿಣದ ಬಾಣಲೆಗೆ ಸೋಪು ನೀರು ಅಷ್ಟೊಂದು ಒಳ್ಳೆಯದಲ್ಲ, ಆಲೀವ್ ಆಯಿಲ್ ಮತ್ತು ಉಪ್ಪಿನ ಮಿಶ್ರಣದಲ್ಲಿ ಈ ಬಾಣಲೆಯನ್ನು ಸರಳವಾಗಿ ಸ್ವಚ್ಛಮಾಡಿ. ಪಾತ್ರೆಗೆ ಒಂದು ಸ್ಪೂನ್‎ನಷ್ಟು ಆಲೀವ್ ಆಯಿಲ್ ಹಾಕಿ, ನಂತರ ಕಲ್ಲುಪ್ಪು ಸೇರಿಸಿ ಬಟ್ಟೆಯಿಂದ ಉಜ್ಜಿ. ನಂತರ ಉಪ್ಪನ್ನು ದಪ್ಪನೆಯ ಬಟ್ಟೆಯಿಂದ ಒರೆಸಿ ನಂತರ ಆಲೀವ್ ಆಯಿಲ್ ಅನ್ನು ಬಾಣಲೆಗೆ ಪಸೆ ಮಾಡಿಕೊಳ್ಳಿ.