For Quick Alerts
ALLOW NOTIFICATIONS  
For Daily Alerts

ಅಡುಗೆ ಮನೆಯ ಸ್ವಚ್ಛತೆಯಲ್ಲಿ ನೈಸರ್ಗಿಕ ಉತ್ಪನ್ನಗಳ ಕಮಾಲ್

By Jaya subramanya
|

ನಿಮ್ಮ ಸುಂದರ ಮನೆಯಲ್ಲಿ ಅಡುಗೆ ಕೋಣೆ ಎಂಬುದು ಪವಿತ್ರ ಸ್ಥಳವಾಗಿದ್ದು ಇಲ್ಲಿನ ಸ್ವಚ್ಛತೆಗೆ ನಾವು ಆದ್ಯತೆಯನ್ನು ನೀಡಲೇಬೇಕಾಗುತ್ತದೆ. ಮನೆಮಂದಿಯ ಸ್ವಾಸ್ಥ್ಯವನ್ನು ಕಾಪಾಡುವ ಈ ಕೋಣೆಯು ಪೂಜನೀಯವಾದುದು. ಬೆಳಗ್ಗೆಯಿಂದ ರಾತ್ರಿಯವರೆಗೆ ಬಗೆ ಬಗೆಯ ಖಾದ್ಯಗಳನ್ನು ಸಿದ್ಧಪಡಿಸುವ ಈ ದೇಗುಲದ ಪಾವಿತ್ರ್ಯತೆಯನ್ನು ಮನೆಯೊಡತಿ ಮಾತ್ರ ಕಾಪಾಡದೇ ಮನೆಯ ಸರ್ವಸದಸ್ಯರೂ ಕಾಪಾಡಬೇಕು.

Things You Should Keep Clean In Your Kitchen 24/7

ಅಡುಗೆ ಮಾಡಿದ ನಂತರ ಕೋಣೆಯ ಸ್ವಚ್ಛತೆಯನ್ನು ಪ್ರತೀದಿನ ನೀವು ಮಾಡಲೇಬೇಕಾಗುತ್ತದೆ. ಕಸವನ್ನು ಸ್ವಚ್ಛಮಾಡುವುದು, ಅಡುಗೆ ಕಟ್ಟೆಯನ್ನು ತೊಳೆಯುವುದು, ಗ್ಯಾಸ್ ಅನ್ನು ಒರೆಸುವುದು, ಧೂಳು ಹಿಡಿದ ಜಾಗವನ್ನು ಚೊಕ್ಕಟ ಮಾಡುವುದು ಹೀಗೆ ಉದಾಸೀನ ಮಾಡದೇ ಅಡುಗೆ ಕೋಣೆಯನ್ನು ನೀಟಾಗಿ ಇಟ್ಟುಕೊಳ್ಳಬೇಕಾಗುತ್ತದೆ.

ಅಡುಗೆ ಮನೆ ಸ್ವಚ್ಛಮಾಡಲು ನೀವು ರಾಸಾಯನಿಕಗಳನ್ನು ಬಳಸುವ ಬದಲಿಗೆ ನೈಸರ್ಗಿಕ ಸಾಮಾಗ್ರಿಗಳನ್ನು ಬಳಸಿಕೊಳ್ಳಬಹುದಾಗಿದೆ. ಲಿಂಬೆ ರಸ ಮತ್ತು ಬೇಕಿಂಗ್ ಸೋಡಾವನ್ನು ಬಳಸಿ ಅಡುಗೆ ಕೋಣೆಯ ಸ್ವಚ್ಛತೆಯನ್ನು ನೈಸರ್ಗಿಕವಾಗಿ ಹಾನಿಯಿಲ್ಲದೆ ಮಾಡಿಕೊಳ್ಳಬಹುದಾಗಿದೆ. ಹಾಗಿದ್ದರೆ ಈ ವಿಧಾನಗಳಲ್ಲಿ ಅಡುಗೆ ಮನೆಯ ಸ್ವಚ್ಛತೆಯನ್ನು ಮಾಡುವುದು ಹೇಗೆ ಎಂಬುದನ್ನು ಇಂದಿಲ್ಲಿ ತಿಳಿಸಿಕೊಡುತ್ತಿದ್ದು ಅದನ್ನು ನೋಡೋಣ.

ಸ್ಲಾಬ್ ಸ್ವಚ್ಛತೆ
ನಿಮ್ಮ ಅಡುಗೆ ಕೆಲಸಗಳನ್ನೆಲ್ಲಾ ಮುಗಿಸಿಕೊಂಡ ನಂತರ, ಮೃದುವಾದ ಬಟ್ಟೆಯನ್ನು ಬಳಸಿ ಮನೆಯಲ್ಲೇ ತಯಾರಿಸಿದ ಡಿಟರ್ಜೆಂಟ್ ಅಂದರೆ ಲಿಂಬೆ ರಸವನ್ನು ಉಪಯೋಗಿಸಿ ವಾಸನೆ ಮತ್ತು ಸ್ಲಾಬ್ ಕಲೆಯನ್ನು ನಿವಾರಿಸಿಕೊಳ್ಳಬಹುದಾಗಿದೆ.

ಗ್ಯಾಸ್ ಸ್ಟವ್ ಸ್ವಚ್ಛತೆ
ಪ್ರತೀ ದಿನವೂ ಗ್ಯಾಸ್ ಸ್ಟವ್ ಅನ್ನು ನೀವು ಸ್ವಚ್ಛಮಾಡಬೇಕಾಗುತ್ತದೆ. ಅಡುಗೆ ಮಾಡುವಾಗ ಆಹಾರ ಪದಾರ್ಥಗಳು ಇಲ್ಲಿ ಚೆಲ್ಲುವ ಸಾಧ್ಯತೆ ಇದ್ದು, ಕೂಡಲೇ ಆ ಜಾಗವನ್ನು ಸ್ವಚ್ಛಮಾಡಿ. ಇದರಿಂದ ಸ್ಟವ್ ಹಾಳಾಗುವುದನ್ನು ತಪ್ಪಿಸಬಹುದಾಗಿದೆ.

ಮೈಕ್ರೋವೇವ್ ಸ್ವಚ್ಛತೆ
ನೀವು ಬಳಸಿದ ಕೂಡಲೇ ಮೈಕ್ರೋವೇವ್ ಅನ್ನು ಕೂಡ ಸ್ವಚ್ಛಮಾಡಬೇಕು. ಇದರಿಂದ ಮೈಕ್ರೋವೇವ್ ವಾಸನೆ ಬರುವುದನ್ನು ತಪ್ಪಿಸಬಹುದಾಗಿದೆ ಅಂತೆಯೇ ಬೇರೆ ಜೀವಿಗಳು ಇಲ್ಲಿ ವಾಸಿಸುವುದನ್ನು ನಿವಾರಿಸಿಕೊಳ್ಳಬಹುದು. ಬೇಕಿಂಗ್ ಸೋಡಾ ಮತ್ತು ಉಪ್ಪನ್ನು ಸವರಿ ಬಳಸಿ ಮೃದುವಾದ ಬಟ್ಟೆಯಿಂದ ಮೈಕ್ರೋವೇವ್ ಅನ್ನು ಸ್ವಚ್ಛಮಾಡಿ.

ಸಿಂಕ್ ಸ್ವಚ್ಛತೆ
ಪಾತ್ರೆಗಳನ್ನು ತೊಳೆದ ನಂತರ, ಸಿಂಕ್ ಮೇಲೆ ಕಲ್ಲುಪ್ಪನ್ನು ಸ್ವಲ್ಪ ಚೆಲ್ಲಿ. ಉಪ್ಪಿನ ಮೇಲೆ ಕಪ್ಪು ವಿನೇಗರ್ ಅನ್ನು ಚಿಮುಕಿಸಿ, ನಂತರ ಬ್ರಶ್ ಬಳಸಿ ಸಿಂಕ್ ಅನ್ನು ಉಜ್ಜಿ. ಸಿಂಕ್‌ನಿಂದ ಬರುತ್ತಿರುವ ವಾಸನೆಯನ್ನು ವಿನೇಗರ್ ತೊಡೆದುಹಾಕುತ್ತದೆ ಮತ್ತು ಕಲೆಗಳ ನಿವಾರಣೆಯನ್ನು ಉಪ್ಪು ಮಾಡುತ್ತದೆ.

ಪಾತ್ರೆಗಳನ್ನು ತೊಳೆಯುವುದು
ರಾತ್ರಿ ಪೂರ್ತಿ ಸಿಂಕ್‌ನಲ್ಲಿ ನೆನೆಯುವಂತೆ ಪಾತ್ರೆಗಳನ್ನು ಇರಿಸಬೇಡಿ ಇದು ನಿಮ್ಮ ಅಡುಗೆ ಪಾತ್ರೆಗಳನ್ನು ಹಾಳುಗೆಡವಬಹುದು. ನೀವು ಅವುಗಳನ್ನು ಬಳಸಿದ ಕೂಡಲೇ ಪಾತ್ರೆಗಳನ್ನು ತೊಳೆದಿಡಿ.

English summary

Things You Should Keep Clean In Your Kitchen 24/7

Cleaning your kitchen can make your home feel happier. It is said that if you keep your kitchen clean, you can avoid all types of insects and pests from destroying your humble abode. To keep your kitchen clean, there are certain rules you need to simply follow on a daily basis. So, what are you waiting for, take a look at some of the best ways in which you can keep your kitchen clean and some of the most important things you should keep clean 24/7
Story first published: Thursday, May 26, 2016, 19:37 [IST]
X
Desktop Bottom Promotion