ಡಿಶ್ ಸೋಪ್‌ ಬಳಸುವ ಮುನ್ನ ಸ್ವಲ್ಪ ಇತ್ತ ಗಮನಿಸಿ

ನಿಮ್ಮ ಕಾರ್ ಸ್ವಚ್ಛ ಮಾಡಬೇಡಿ

ನಿಮ್ಮ ಕಾರಿನ ಪೇಂಟ್ ಡಿಶ್ ಸೋಪಿನ ಬಳಕೆಯಿಂದ ಕಿತ್ತು ಬರುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಕಾರನ್ನು ಸ್ವಚ್ಛ ಮಾಡಲು ಹೋಗಬೇಡಿ. ಕಾರನ್ನು ಸ್ವಚ್ಛ ಮಾಡಲು ಮೈಲ್ಡ್ ಶಾಂಪೂವನ್ನು ಬಳಸಿ, ಡಿಶ್ ಸೋಪನ್ನು ಬಳಸಲು ಹೋಗಬೇಡಿ. ಕಾರ್ ಡಿಶ್ ಸೋಪ್ ಬಳಸಬಾರದಂತಹ 5 ಸ್ಥಳಗಳಲ್ಲಿ ಒಂದಾಗಿರುತ್ತದೆ.

ಬಟ್ಟೆ ಒಗೆಯಲು ಬಳಸಬೇಡಿ

ಹಠಮಾರಿ ಕಲೆಗಳನ್ನು ನಿವಾರಿಸಲು ಬಟ್ಟೆಗಳಿಗೆ ಕಠಿಣವಾದ ಡಿಟರ್ಜೆಂಟ್ ಬೇಕಾಗುತ್ತದೆ. ಈ ಡಿಶ್ ಸೋಪ್ ತೀರಾ ಮೈಲ್ಡ್ ಆಗಿರುತ್ತದೆ. ಆದ್ದರಿಂದ ಬಟ್ಟೆಗಳಲ್ಲಿರುವ ಕಲೆಗಳನ್ನು ನಿವಾರಿಸಲು ಇದರಿಂದ ಸಾಧ್ಯವಾಗುವುದಿಲ್ಲ. ಡಿಶ್ ವಾಶ್ ಸೋಪ್ ಲೋಹ, ಗಾಜು ಅಥವಾ ಪ್ಲಾಸ್ಟಿಕ್‌ನಲ್ಲಿರುವ ಕಲೆಗಳನ್ನು ನಿವಾರಿಸಲು ಮಾತ್ರ ಇದು ತಯಾರು ಮಾಡಲಾಗಿರುತ್ತದೆ. ಬಟ್ಟೆಗಳಿಗೆ ಇದನ್ನು ಬಳಸಿದರೆ, ಅದರಲ್ಲಿರುವ ನಾರು ಮತ್ತು ಎಳೆಗಳು ಕಿತ್ತು ಬರುವ ಸಾಧ್ಯತೆ ಇದಕ್ಕೆ ಇರುತ್ತದೆ. ಆದ್ದರಿಂದ ಡಿಶ್ ಸೋಪನ್ನು ಬಟ್ಟೆಗಳಿಗೆ ಬಳಸಲು ಹೋಗಬೇಡಿ.

ಕೈತೊಳೆಯಲು

ಡಿಶ್ ಸೋಪ್ ಬಳಸದಂತಹ ಐದು ಸ್ಥಳಗಳಲ್ಲಿ ಮುಂದಿನ ಸ್ಥಾನದಲ್ಲಿರುವುದು ಕೈ ತೊಳೆಯುವುದು. ನಿಮ್ಮ ಕೈಗಳನ್ನು ತೊಳೆಯಲು ಡಿಶ್ ಸೋಪ್ ಬಳಸಬೇಡಿ. ಇದು ಅನಾರೋಗ್ಯಕರ ಮತ್ತು ತ್ವಚೆಗೆ ಹಾನಿಕಾರಕ. ಇದನ್ನು ಯಾರು ಕೈತೊಳೆಯಲು ಬಳಸುತ್ತಾರೋ, ಅವರ ಕೈಗೆ ಫಂಗಲ್ ಇನ್‍ಫೆಕ್ಷನ್ ಬರುವ ಸಾಧ್ಯತೆ ಹೆಚ್ಚಿರುತ್ತದೆ. ಏಕೆಂದರೆ ಈ ಸೋಪಿನಲ್ಲಿ ಪಾತ್ರೆ ತೊಳೆಯುವಾಗ ಅಂಟಿಕೊಂಡಿರುವ ಕೊಳೆ ಇರಬಹುದು ಅಥವಾ ಸೋಪಿನಲ್ಲಿರುವ ಪ್ರಬಲ ರಾಸಾಯನಿಕಗಳು ಇರಬಹುದು, ಇವು ನಿಮ್ಮ ಉಗುರುಗಳ ಕೆಳಗೆ ಸಿಕ್ಕಿಕೊಂಡು, ಅದಕ್ಕೆ ಫಂಗಲ್ ಇನ್‍ಫೆಕ್ಷನ್ ತರುತ್ತವೆ. ಆದ್ದರಿಂದ ಇದನ್ನು ಬಳಸಲು ಹೋಗಬೇಡಿ.

ಚರ್ಮ ಅಥವಾ ಸೋಫಾ ಮತ್ತು ಕುರ್ಚಿಗಳಲ್ಲಿರುವ ಅಫೋಲ್‌ಸ್ಟ್ರಿ

ಚರ್ಮ ಅಥವಾ ಸೋಫಾ ಮತ್ತು ಕುರ್ಚಿಗಳಲ್ಲಿರುವ ಅಫೋಲ್‌ಸ್ಟ್ರಿ ಮೇಲೆ ಡಿಶ್ ಸೋಪ್ ಬಳಸಿದರೆ, ಅವುಗಳ ಬಣ್ಣವು ಹಾಳಾಗುತ್ತದೆ. ಜೊತೆಗೆ ಆ ಉತ್ಪನ್ನಗಳು ಹಾಳಾಗುತ್ತವೆ. ಚರ್ಮದ ಮೇಲೆ ಇರುವ ಹೊಳಪು ಸಹ ಹಾಳಾಗುತ್ತದೆ. ಆದ್ದರಿಂದ ಡಿಶ್ ಸೋಪನ್ನು ಇವುಗಳ ಮೇಲೆ ಬಳಸಲು ಹೋಗಬೇಡಿ.

ವಾಶಿಂಗ್ ಮಷಿನ್ ಮತ್ತು ಡಿಶ್ ವಾಶರ್

ಡಿಶ್ ವಾಶ್ ಸೋಪ್ ವಾಶಿಂಗ್ ಮಷಿನಿನಲ್ಲಿ ಸಿಕ್ಕಾಪಟ್ಟೆ ನೊರೆಯನ್ನುಂಟು ಮಾಡುತ್ತದೆ. ಜೊತೆಗೆ ಇದು ಡಿಶ್ ವಾಶರ್‌ಗು ಸಹ ಹಾನಿಯುಂಟು ಮಾಡುತ್ತದೆ. ಆದ್ದರಿಂದ ವಾಶಿಂಗ್ ಮಷಿನಿನಲ್ಲಿ ಡಿಟರ್ಜೆಂಟ್ ಪೌಡರ್ ಬಳಸಿ ಮತ್ತು ಡಿಶ್ ವಾಶರ್ ಸೋಪನ್ನು ಡಿಶ್ ವಾಶರ್‌ನಲ್ಲಿ ಬಳಸಿ, ಹೆಚ್ಚಿನ ಹಾನಿಯನ್ನು ತಪ್ಪಿಸಿ. ನಾವು ತಿಳಿಸಿರುವ ಸ್ಥಳಗಳಲ್ಲಿ ಡಿಶ್ ವಾಶರ್ ಸೋಪನ್ನು ಬಳಸುವುದನ್ನು ತಪ್ಪಿಸಿ, ನಿಮ್ಮ ವಸ್ತುಗಳಿಗೆ ಆಗುವ ಹಾನಿಯನ್ನು ತಪ್ಪಿಸಿ.