ಮೊಟ್ಟೆ ಚಿಪ್ಪು ಎಸೆಯದಿರಿ, ಅದರ ಉಪಯೋಗ ತಿಳಿಯಿರಿ!

ನಿಮ್ಮ ಕಾಫಿಗೆ

ನಿಮ್ಮ ಕಾಫಿಯ ರುಚಿಯು ಹೆಚ್ಚು ಕಹಿಯಾಗಿದ್ದರೆ ಆಗ ಮೊಟ್ಟೆ ಚಿಪ್ಪು ನೆರವಿಗೆ ಬರುತ್ತದೆ. ನಿಮ್ಮ ಬ್ಲ್ಯಾಕ್ ಕಾಫಿ ಕುಡಿಯಲು ತುಂಬಾ ಕಹಿಯಾಗಿದ್ದರೆ ಈ ಸಲಹೆಗಳನ್ನು ಬಳಸಿ.

ಗಾಯಕ್ಕೆ

ಮೊಟ್ಟೆ ಚಿಪ್ಪಿನಲ್ಲಿರುವ ಒಳಚರ್ಮವು ಗಾಯಕ್ಕೆ ಅತ್ಯುತ್ತಮವಾದ ಬ್ಯಾಂಡೇಜ್. ಮೊಟ್ಟೆಯನ್ನು ಒಡೆದು ಅದರ ಪೊರೆಯನ್ನು ತೆಗೆದು ನಿಮ್ಮ ಗಾಯಕ್ಕೆ ಸುತ್ತಿ. ಇದು ಕೆಲವೇ ಸಮಯದಲ್ಲಿ ನಿಮ್ಮ ಗಾಯವನ್ನು ಒಣಗಿಸುತ್ತದೆ.

ಲಾಂಡ್ರಿಗೆ

ಕೆಲವೊಂದು ಮೊಟ್ಟೆ ಚಿಪ್ಪುಗಳನ್ನು ಒಡೆದು ಹಾಕಿ ಅದನ್ನು ಲಾಂಡ್ರಿಯಲ್ಲಿಡಿ. ನೀವು ಬಿಳಿ ಬಟ್ಟೆಗಳನ್ನು ಒಗೆಯುವಾಗ ಅದರಲ್ಲಿರುವ ಗಾಢವಾದ ಕೊಳೆಯನ್ನು ಅದು ತೆಗೆಯುತ್ತದೆ.

ಚಹಾ/ಕಾಫಿ ಕಲೆ

ನಾಲ್ಕು ಮೊಟ್ಟೆ ಚಿಪ್ಪುಗಳನ್ನು ಸರಿಯಾಗಿ ಹುಡಿ ಮಾಡಿ. ಅದರ ಹುಡಿಯನ್ನು ಒಂದು ಲೋಟಕ್ಕೆ ಹಾಕಿ ಮತ್ತು ಅದಕ್ಕೆ ಬಿಸಿ ನೀರು ಹಾಕಿ. ರಾತ್ರಿಯಿಡಿ ಹಾಗೆ ಇರಲಿ. ಇದು ಲೋಟದಲ್ಲಿರುವ ಚಹಾ ಅಥವಾ ಕಾಫಿ ಕಲೆಯನ್ನು ಹೀರಿಕೊಳ್ಳುತ್ತದೆ. ಮರುದಿನ ಕಲೆಗಳು ಮಾಯವಾಗಿರುತ್ತದೆ.

ಹೂದಾನಿಗಳ ಸ್ವಚ್ಛಗೊಳಿಸಲು

ಬಿಸಿ ನೀರಿನಿಂದ ಹೂದಾನಿಗಳನ್ನು ಅದ್ದಿಡಿ ಮತ್ತು ಅದಕ್ಕೆ ಕೆಲವೊಂದು ಹುಡಿ ಮಾಡಿದ ಮೊಟ್ಟೆಚಿಪ್ಪುಗಳನ್ನು ಹಾಕಿ ಮತ್ತೆ ಬಿಸಿ ನೀರು ಹಾಕಿ. ಇದರ ಬಳಿಕ ವಾಷಿಂಗ್ ಸೋಪ್ ನ ಹನಿಗಳನ್ನು ಹಾಕಿ. ಮೊಟ್ಟೆ ಚಿಪ್ಪಿನ ಹುಡಿಯನ್ನು ಸರಿಯಾಗಿ ಅಲುಗಾಡಿಸಿ ಮತ್ತು ತೊಳೆಯಿರಿ.

ಕೀಟಗಳ ನಿಯಂತ್ರಣ

ಮೊಟ್ಟೆ ಚಿಪ್ಪಿನ ಉತ್ತಮ ಉಪಯೋಗವೆಂದರೆ ಕೀಟಗಳನ್ನು ನಿಯಂತ್ರಿಸುವುದು. ತರಕಾರಿ ಮತ್ತು ಹೂಗಳ ಸುತ್ತಲು ಮೊಟ್ಟೆಚಿಪ್ಪಿನ ಹುಡಿಯನ್ನು ಹರಡುವುದರಿಂದ ಹುಳು, ಕೀಟಗಳನ್ನು ದೂರವಿಡಬಹುದು. ನಿಮ್ಮ ಕೈತೋಟಕ್ಕೆ ಬೆಕ್ಕುಗಳು ನುಗ್ಗದಂತೆ ಕೂಡ ತಡೆಯಬಹುದು.

ಗೊಬ್ಬರ

ಮೊಟ್ಟೆಚಿಪ್ಪಿನಲ್ಲಿ ಕ್ಯಾಲ್ಸಿಯಂ ಸಮೃದ್ಧವಾಗಿದೆ. ಮೊಟ್ಟೆಚಿಪ್ಪಿನಲ್ಲಿರುವ ಇತರ ಪೌಷ್ಠಿಕಾಂಶಗಳು ಸಸ್ಯಗಳಿಗೆ ತುಂಬಾ ಒಳ್ಳೆಯದು. ಮೊಟ್ಟೆಚಿಪ್ಪುಗಳನ್ನು ಒಡೆದುಹಾಕಿ ಅದನ್ನು ಸರಿಯಾಗಿ ಹುಡಿ ಮಾಡಿ ಗೊಬ್ಬರಕ್ಕೆ ಸೇರಿಸಿ.

ಪಾತ್ರೆಗಳಿಗೆ

ನಿಮ್ಮ ಪಾತ್ರೆಗಳು ಮತ್ತು ಬಾಣಲೆಗಳಲ್ಲಿ ಅಂಟಿಕೊಂಡಿರುವ ಕಲೆಯನ್ನು ತೊಳೆಯಲು ಮೊಟ್ಟೆಚಿಪ್ಪನ್ನು ಬಳಸಿ. ಇದು ಕಲೆ ನಿವಾರಣೆಯಲ್ಲಿ ಅತ್ಯುತ್ತಮವಾಗಿ ಕೆಲಸ ಮಾಡುತ್ತದೆ.