ಕೊರೊನಾ: BA.3 ವೈರಸ್‌ನಿಂದ ಮತ್ತೊಂದು ಗಂಡಾಂತರ ಕಾದಿದೆ

ವಿಶ್ವದಲ್ಲಿ ಪತ್ತೆಯಾಗುತ್ತಿರುವ ಒಮಿಕ್ರಾನ್‌ ಉಪ ರೂಪಾಂತರಗಳು

ಇದೀಗ ವಿಶ್ವದ ಹಲವು ಕಡೆ BA.1, BA.1.1ಮತ್ತು BA.2 ರೂಪಾಂತರ ಪತ್ತೆಯಾಗಿದೆ. ಅಲ್ಲದೆ BA.3 ಮತ್ತು ಇತರ ಉಪ ರೂಪಾಂತರಗಳು ಕಂಡು ಬಂದಿದೆ. ಇದರ ಕುರಿತು ಅನೇಕ ಸಂಶೋಧನೆಗಳು ನಡೆಯುತ್ತಿವೆ. ಜಪಾನಿನಲ್ಲೂ ಇದರ ಕುರಿತು ಅಧ್ಯಯನ ನಡೆಸಲಾಯಿತು. ಇದರ ಕುರಿತು ವಿಶ್ವ ಆರೋಗ್ಯ ಸಂಸ್ಥೆಯ ತಜ್ಞೆ ಮರಿಯಾ ವ್ಯಾನ್‌ ಕಾರ್ಖೋವೆBA.3 ವೈರಸ್‌ನ ಅಪಾಯದ ಬಗ್ಗೆಯೂ ಎಚ್ಚರಿಸಿದ್ದಾರೆ.

BA.1, BA.1.1 ಮತ್ತು BA.2 ನಡುವೆ ದೊಡ್ಡ ವ್ಯತ್ಯಾಸವಿಲ್ಲ

ಒಮಿಕ್ರಾನ್‌ ಉಪ ರೂಪಾಂತರ BA.1, BA.1.1 ಮತ್ತು BA.2 ಸೋಂಕಿತರ ಮೇಲೆ ಅಧ್ಯಯನ ನಡೆಸಿದಾಗ ಈ ಉಪ ರೂಪಾಂತರಗಳಲ್ಲಿ ದೊಡ್ಡ ವ್ಯತ್ಯಾಸವೇನೂ ಇಲ್ಲ ಎಂಬುವುದು ತಿಳಿದು ಬಂದಿದೆ, ಹಲವು ದೇಶಗಳಲ್ಲಿ BA.1 ತಗುಲಿದ ಸೋಂಕಿತರನ್ನು BA.2 ತಗುಲಿದ ಸೋಂಕಿತರೊಂದಿಗೆ ಹೋಲಿಸಿದಾಗ ರೋಗ ಲಕ್ಷಣಗಳಲ್ಲಿ ದೊಡ್ಡ ವ್ಯತ್ಯಾಸವೇನೂ ಇಲ್ಲ ಎಂದು ತಿಳಿದು ಬಂದಿತ್ತು.

ಹೊಸ ಅಧ್ಯಯನ ಪ್ರಕಾರ BA.3 ಅಪಾಯಕಾರಿಯಾಗಲಿದೆ

ಜಪಾನಿನಲ್ಲಿ ನಡೆಸಿದ ಹೊಸ ಅಧ್ಯಯನ ಪ್ರಕಾರ ಒಮಿಕ್ರಾನ್ ರೂಪಾಂತರ BA.3ಹೆಚ್ಚು ಅಪಾಯಕಾರಿಯಾಗಲಿದೆ ಎಂದು ತಿಳಿದು ಬಂದಿದೆ. ಹ್ಯಾಮ್‌ಸ್ಟರ್‌ನಲ್ಲಿ ಕೊರೊನಾ ಸೋಂಕಿತರು ಹೆಚ್ಚಾಗಲು ಈ ರೂಪಾಂತರ ಕಾರಣವಾಗಲಿದೆ ಎಂದು ಹೇಳಿದೆ.

ಜಪಾನಿನಲ್ಲಿ ನಡೆಸಿದ ಅಧ್ಯಯನದಲ್ಲಿ ತಿಳಿದು ಬಂದ ಪ್ರಮುಖ ಅಂಶಗಳು

* ಒಮಿಕ್ರಾನ್‌ ರೂಪಾಂತರ BA.3 ನಿಂದ ಕೊರೊನಾ ಸೋಂಕು ಗಂಭೀರವಾಗುವ ಸಾಧ್ಯತೆ ಇದೆ ಎಂದು ಹೇಳಿದೆ.

* BA.1 ಗಿಂತ BA.3ನ ವೈರಾಲಾಜಿಕಲ್‌ ಗುಣಲಕ್ಷಣಗಳು ಭಿನ್ನವಾಗಿದೆ ಎಂದು ತಿಳಿದು ಬಂದಿದೆ.

ಒಮಿಕ್ರಾನ್‌ ಮೈಲ್ಡ್ ಅಂತ ತಳ್ಳಿ ಹಾಕುವಂತಿಲ್ಲ, BA.3 ಹೆಚ್ಚು ಅಪಾಯಕಾರಿಯಾಗುವ ಸಾಧ್ಯತೆ ಇದೆ ಎಂದು ಹೊಸ ಅಧ್ಯಯನ ಎಚ್ಚರಿಸಿದೆ.