ಕೊರೊನಾ ಲಕ್ಷಣಗಳಿದ್ದರೆ ಕೋವಿಡ್‌ 19 ಲಸಿಕೆ ಪಡೆಯಬಹುದೇ?

ಕೋವಿಡ್‌ ಲಕ್ಷಣಗಳು ಕಂಡು ಬಂದರೆ ಲಸಿಕೆ ಪಡೆಯುವುದನ್ನು ಮುಂದೂಡಿ

CNBC-TV18 ಮಾತನಾಡಿರುವ ಅಪೊಲೋ ಹೋಮ್‌ ಹೆಲ್ತ್‌ಕೇರ್‌ನ ಸಿಇಓ ಡಾ. ಮಹೇಶ್‌ ಜೋಷಿಯವರು ಕೊರೊನಾ ಲಕ್ಷಣಗಳು ಕಂಡು ಬಂದರೆ ಲಸಿಕೆ ತೆಗೆಯಬಹುದೇ ಇಲ್ಲವೇ ಎಂಬುವುದರ ಬಗ್ಗೆ ಸ್ಪಷ್ಟ ಮಾಹಿತಿ ಇನ್ನೂ ಸಿಕ್ಕಿಲ್ಲ, ಆದರೆ ಕೊರೊನಾ ಲಸಿಕೆಗಳು ಕಂಡು ಬಂದರೆ ಕೊರೊನಾ ಲಸಿಕೆಯನ್ನು ಪಡೆಯುವುದು ಮುಂದೂಡಿ ಎಂಬ ಸಲಹೆ ನೀಡಿದ್ದಾರೆ.

ಮ್ಯಾಕ್ಸ್ ಆಸ್ಪತ್ರೆಯ ಪ್ರಿನ್ಸಿಪಲ್ ಡೈರೆಕ್ಟರ್ ಆಗಿರುವ ಡಾ. ವಿವೇಕ್ ನಂಗಿಯಾ ಅವರು ಕೂಡ 'ಕೋವಿಡ್‌ನ ಚಿಕ್ಕ ಲಕ್ಷಣಗಳು ಕಂಡು ಬಂದರೂ ಲಸಿಕೆ ಪಡೆಯುವುದನ್ನು ಮುಂದೂಡಿ' ಎಂದು ಸಲಹೆ ನೀಡಿದ್ದಾರೆ.

ಲಸಿಕೆ ಪಡೆಯಲು ಆತುರ ಬೇಡ

ಲಸಿಕೆಯನ್ನು ಪಡೆಯಲು ನೀವು ಆತುರ ಪಡಬೇಕಾದ ಅವಶ್ಯಕತೆಯಿಲ್ಲ. ಏನಾದರೂ ಅನಾರೋಗ್ಯವಿದ್ದರೆ ಅಂದರೆ ಜ್ವರ, ಕೆಮ್ಮು ಈ ರೀತಿಯ ಸಮಸ್ಯೆಗಳಿದ್ದರೆ ಅದು ಕಡಿಮೆಯಾಗಿ ವೈದ್ಯರ ಸಲಹೆ ಪಡೆದು ತೆಗೆದುಕೊಳ್ಳಿ. ಇನ್ನು ಕೊರೊನಾದಿಂದ ಚೇತರಿಸಿಕೊಂಡಿದ್ದರೆ 12 ವಾರಗಳ ಬಳಿಕ ಲಸಿಕೆ ಪಡೆದುಕೊಳ್ಳಿ. ಲಸಿಕೆಯನ್ನು ಪಡೆಯಲು ತಡ ಮಾಡಿದಷ್ಟು ಒಳ್ಳೆಯದು ಎಂದು ಅಧ್ಯಯನ ಹೇಳಿದೆ.

ಮೇ. 1ರಿಂದ 18 ವರ್ಷ ಮೇಲ್ಪಟ್ಟವರಿಗೂ ಲಸಿಕೆ

ಏಪ್ರಿಲ್ 19ಕ್ಕೆ ಕೇಂದ್ರ ಸರ್ಕಾರವು ಮೇ.1ರಿಮದ 18 ವರ್ಷದ ಮೇಲ್ಪಟ್ಟವರಿಗೆ ಲಸಿಕೆ ಸಿಗಿಲಿದೆ ಎಂದು ಘೋಷಿಸಿದೆ. ಆದರೆ ಗರ್ಭಿಣಿಯರು, ಎದೆ ಹಾಲುಣಿಸುವ ತಾಯಂದಿರು ಈ ಲಸಿಕೆ ಪಡೆಯುವಂತಿಲ್ಲ.

ಕೊರೊನಾ ನಿಯಂತ್ರಣಕ್ಕೆ ಲಸಿಕೆ ಪಡೆಯುವಷ್ಟೇ, ಮುನ್ನೆಚ್ಚರಿಕೆಯೂ ಅವಶ್ಯಕ

ಕಳೆದ ಒಂದು ವಾರದಿಂದ ದೇಶದಲ್ಲಿ ಕೊರೊನಾ ಪ್ರಕರಣಗಳು ತುಂಬಾನೇ ಹೆಚ್ಚಾಗುತ್ತವೆ. ಇದಕ್ಕೆ ಜನರ ನಿರ್ಲಕ್ಷ್ಯವೇ ಒಂದು ಕಾರಣವಾಗಿದೆ. ಲಸಿಕೆ ಪಡೆದವರು ಕೂಡ ಕೆಲವು ವಾರಗಳವರೆಗೆ ಹೊರಗಡೆ ಹೋಗುವಾಗ ತಪ್ಪದೆ ಮಾಸ್ಕ್‌ ಧರಿಸಬೇಕು, ದೈಹಿಕ ಅಂತರ ಕಾಯ್ದುಕೊಳ್ಳಬೇಕು, ಸ್ಯಾನಿಟೈಸರ್ ಬಳಸಬೇಕು.

ಆದರೆ ಜನರು ಈ ನಿಯಮಗಳನ್ನು ಪಾಲಿಸದೇ ಇರುವುದು ಕೊರೊನಾ ಹೆಚ್ಚಾಗುತ್ತಿರಲು ಪ್ರಮುಖ ಕಾರಣವಾಗಿದೆ.

ಇನ್ನು ಮುಂದೆ 18 ವರ್ಷ ಮೇಲ್ಪಟ್ಟವರಿಗೆ ಲಸಿಕೆ ಸಿಗುವುದರಿಂದ ಕೊರೊನಾವನ್ನು ಭಾರತವು ಸಮರ್ಥವಾಗಿ ನಿಭಾಯಿಸಲು ಸಾಧ್ಯವಾಗಬಹುದು. ಆದರೆ ಪರಿಸ್ಥಿತಿ ಮೊದಲಿನಂತೆ ಆಗುವವರೆಗೆ ನಿಮ್ಮ ಎಚ್ಚರಿಕೆಯಲ್ಲಿ ನೀವಿರಿ.

Source:Mpneycontrol.com