ಚಿಕ್ಕ ವಯಸ್ಸಿನಲ್ಲಿ ಅಧಿಕ ಕೊಲೆಸ್ಟ್ರಾಲ್! ಇದನ್ನು ತಡೆಯುವುದು ಹೇಗೆ?

1. ವ್ಯಾಯಾಮ

ಜಡ ಜೀವನಶೈಲಿಯು ಅಧಿಕ ಕೊಲೆಸ್ಟ್ರಾಲ್ ಮಾತ್ರವಲ್ಲ, ಬೊಜ್ಜು, ಸ್ನಾಯುವಿನ ಶಕ್ತಿಯ ಕೊರತೆ ಮತ್ತು ಸಹನೆ ಕಳೆದುಕೊಳ್ಳುವುದಕ್ಕೆ ಕಾರಣವಾಗುತ್ತದೆ. ಪ್ರತಿದಿನ ಕನಿಷ್ಠ 30 ನಿಮಿಷಗಳ ಕಾಲ ಹುರುಪಿನ ಚಟುವಟಿಕೆ ಅಥವಾ ಸರಿಯಾದ ವ್ಯಾಯಾಮ ವನ್ನು ಮಾಡಿ ಜೊತೆಗೆ ನೀವು ಹೊಂದಿರುವ ದೇಹದ ಹೆಚ್ಚುವರಿ ಕೊಬ್ಬನ್ನು ಕರಗಿಸಿ. ಒಂದು ಸರಿಯಾದ ಆಕಾರದಲ್ಲಿ ನಮ್ಮ ದೇಹವನ್ನು ಇರಿಸಿಕೊಳ್ಳುವುದು ಹೆಚ್ಚಿನ ಕೊಲೆಸ್ಟ್ರಾಲ್ ಅನ್ನು ತಪ್ಪಿಸುವ ಅತ್ಯುತ್ತಮ ವಿಧಾನಗಳಲ್ಲಿ ಒಂದಾಗಿದೆ.

2. ಕೆಟ್ಟ ಕೊಬ್ಬುಗಳನ್ನು ಬೇಡವೆಂದು ಹೇಳಿ

ಸ್ಯಾಚುರೇಟೆಡ್ (ಪರಿಷ್ಕರಿಸಿದ) ಕೊಬ್ಬುಗಳು ಮತ್ತು ಟ್ರಾನ್ಸ್ ಕೊಬ್ಬುಗಳು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ ಮತ್ತು ಎಲ್ ಡಿಎಲ್ ಮಟ್ಟ ಹೆಚ್ಚಳಕ್ಕೆ ಇವು ಕಾರಣವಾಗುತ್ತವೆ. ಮೊನೊಸಾಚುರೇಟೆಡ್(ಏಕಪರ್ಯಾಪ್ತ) ಕೊಬ್ಬು ಮತ್ತು ಒಮೆಗಾ -3 ಕೊಬ್ಬಿನಾಮ್ಲಗಳಂತಹ ಪಾಲಿಅನ್ಸಾಚುರೇಟೆಡ್ ಕೊಬ್ಬಿನಂಶವು ನಿಮ್ಮ ಹೃದಯದ ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಎಲ್ ಡಿಎಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಅತಿಯಾಗಿ ಹುರಿದ ಆಹಾರವನ್ನು ಸೇವಿಸುವುದನ್ನು ನೀವು ಬಿಡಬೇಕು ಮತ್ತು ಮೀನು, ಆಲಿವ್, ಮತ್ತು ಬೀಜಗಳಂತಹ ಆರೋಗ್ಯಕರ ಕೊಬ್ಬಿನ ಮೂಲಗಳನ್ನು ಆಹಾರವಾಗಿ ಅವಲಂಬಿಸಬೇಕು ಎಂದು ಇದು ಸೂಚಿಸುತ್ತದೆ.

3. ಹೆಚ್ಚು ಫೈಬರ್ (ನಾರಿನಂಶ) ನ್ನು ಪಡೆಯಿರಿ

ಹಣ್ಣುಗಳು, ತರಕಾರಿಗಳು, ಧಾನ್ಯಗಳು, ಬೀಜಗಳು ಆಹಾರಗಳಲ್ಲಿ ನಾರಿನಂಶ ಸಮೃದ್ಧವಾಗಿವೆ. ನಾರಿನಂಶವುಳ್ಳ ಆಹಾರವು ಎಚ್ಡಿಎಲ್ ಮಟ್ಟವನ್ನು ಹೆಚ್ಚಿಸುವಾಗ ಎಲ್ಡಿಎಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ ಎಂದು ತಿಳಿದುಬಂದಿದೆ - ಇದು ನಿಮ್ಮ ಹೃದಯದ ಆರೋಗ್ಯಕ್ಕೆ ಅತ್ಯಂತ ಉತ್ತಮ. ಪ್ರತಿದಿನ ಕನಿಷ್ಠ ಐದು ಬಾರಿಯ ತಾಜಾ ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇವಿಸಿ ಮತ್ತು ನಿಮ್ಮ ಆಹಾರದಲ್ಲಿ ಧಾನ್ಯಗಳು, ಬೀಜಗಳನ್ನು ಸೇರಿಸುವುದರಿಂದ ನಿಮ್ಮ ಎಲ್ಲಾ ಆರೋಗ್ಯ ಸಮಸ್ಯೆಗಳೂ ನಿವಾರಣೆಯಾಗುತ್ತವೆ.

4. ಧೂಮಪಾನವನ್ನು ತ್ಯಜಿಸಿ

ಧೂಮಪಾನವು ನಿಮ್ಮ ಶ್ವಾಸಕೋಶದ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು ಮಾತ್ರವಲ್ಲ, ಈ ಕೆಟ್ಟ ಅಭ್ಯಾಸವು ಎಚ್ಡಿಎಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ ಮತ್ತು ಒಟ್ಟಾರೆ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತದೆ ಎಂದು ಅಧ್ಯಯನಗಳು ತೋರಿಸಿವೆ. ಧೂಮಪಾನಿಗಳಲ್ಲಿ ಅಪಧಮನಿಗಳು ಮುಚ್ಚುವ ಸಾಧ್ಯತೆಯಿದೆ, ಇದು ಹೃದ್ರೋಗಗಳಿಗೆ ಹೆಚ್ಚಿನ ಅಪಾಯಕಾರಿ ಅಂಶವಾಗಿದೆ. ಧೂಮಪಾನವನ್ನು ತ್ಯಜಿಸುವುದರಿಂದ ಅಂತಿಮವಾಗಿ ಈ ಎಲ್ಲಾ ಆರೋಗ್ಯ ಸಮಸ್ಯೆಗಳನ್ನು ಹಿಮ್ಮೆಟ್ಟಿಸಬಹುದು. ಆರೋಗ್ಯಕರ ಜೀವನವನ್ನು ನಿಮ್ಮದಾಗಿಸಿಕೊಳ್ಳಬಹುದು.

5. ಮದ್ಯಪಾನವನ್ನು ಮಿತಿಗೊಳಿಸಿ

ಮಧ್ಯಮ ಪ್ರಮಾಣದಲ್ಲಿ (ಮಹಿಳೆಯರಿಗೆ ದಿನಕ್ಕೆ ಒಂದು ಪಾನೀಯ ಮತ್ತು ಪುರುಷರಿಗೆ ದಿನಕ್ಕೆ ಎರಡು ಬಾರಿ) ಆಲ್ಕೊಹಾಲ್ ಕುಡಿಯುವುದನ್ನು ವಿಶ್ವದಾದ್ಯಂತದ ಆರೋಗ್ಯ ವೃತ್ತಿಪರರು ಶಿಫಾರಸು ಮಾಡದಿರಲು ಒಂದು ಕಾರಣವಿದೆ. ಇಂತಹ ಮಧ್ಯಮ ಪ್ರಮಾಣದಲ್ಲಿ ಅಥವ್ ಮಿತಿಗೂ ಮೀರಿ ಮದ್ಯವನ್ನು ಸೇವಿಸುವುದರಿಂದ ಹೃದಯದ ಆರೋಗ್ಯವನ್ನು ಸುಧಾರಿಸಬಹುದು ಎಂದು ಅನೇಕ ಅಧ್ಯಯನಗಳು ತೋರಿಸಿವೆ, ಆದರೆ ಪ್ರತಿದಿನ ಹೆಚ್ಚು ಕುಡಿಯುವುದು ವ್ಯತಿರಿಕ್ತ ಪರಿಣಾಮವನ್ನು ಉಂಟುಮಾಡುತ್ತದೆ. ಇದು ನಿಮ್ಮ ಎಲ್ ಡಿಎಲ್ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ನಿಮ್ಮ ಯಕೃತ್ತನ್ನು ಸಹ ಹಾನಿಗೊಳಿಸುತ್ತದೆ. ಆದ್ದರಿಂದ ನಿಮ್ಮ ಮದ್ಯಪಾನ ಸೇವನೆಯನ್ನು ಮಿತಿಗೊಳಿಸುವುದು ಅತ್ಯಂತ ಮುಖ್ಯವಾಗಿದೆ.