ಸೋಂಕಿತನ ಎದುರು ನಿಂತು ಒಂದು ನಿಮಿಷ ಮಾತನಾಡಿದರೂ ಕೊರೊನಾ ಹರಡುತ್ತೆ: ಅಧ್ಯಯನ

ಅಧ್ಯಯನ ವರದಿ

ಬೆಂಗಳೂರಿನಲ್ಲಿ ICTS (Stockholm and the International Centre for Theoretical Sciences), IISc (Indian Institute of Scienceನ ವಿಜ್ಞಾನಿಗಳು NORDITA (Nordic Institute for Theoretical Physics) ಸಂಯೋಗದೊಂದಿಗೆ ನಡೆಸಿದ ಅಧ್ಯಯನದಲ್ಲಿ ಕೊರೊನಾ ಸೋಂಕಿತ ವ್ಯಕ್ತಿ ಮಾಸ್ಕ್‌ ಧರಿಸದಿದ್ದಾಗ ಅವರೊಂದಿಗೆ ಒಂದು ನಿಮಿಷ ಮಾತನಾಡಿದರೂ ಕೊರೊನಾ ಸೋಂಕು ಹರಡುತ್ತದೆ ಎಂದು ತಿಳಿದು ಬಂದಿದೆ.

ನಾಲ್ಕು ಅಡಿ ಅಂತರ ಕಾಯ್ದುಕೊಂಡರೂ ಹರಡಬಹುದು ಕೊರೊನಾ

ಎರಡು ಅಥವಾ ನಾಲ್ಕು ಅಡಿ ಅಂತರದಲ್ಲಿ ಇದ್ದರೂ ಮಾಸ್ಕ್‌ ಧರಿಸದಿದ್ದರೆ ಹರಡಬಹುದು.

ವ್ಯಕ್ತಿಗಳ ಎತ್ತರ ಕೂಡ ಕೊರೊನಾ ಹರಡುವಿಕೆಯ ಸಾಧ್ಯತೆ ಹೆಚ್ಚು ಅಥವಾ ಕಡಿಮೆ ಮಾಡುತ್ತೆ

ಈ ಅಧ್ಯಯನದಲ್ಲಿ ತಿಳಿದು ಬಂದ ಅಂಶವೆಂದರೆ ಇಬ್ಬರು ಒಂದೇ ಎತ್ತರ ವ್ಯಕ್ತಿಗಳು ಎದುರು-ಬದುರು ನಿಂತು ಮಾತನಾಡಿದರೆ ಹರಡುವ ಸಾಧ್ಯತೆ ಹೆಚ್ಚು.

ಇಬ್ಬರ ಎತ್ತರದಲ್ಲಿ ಅರ್ಧ ಇಂಚಿನ ವ್ಯತ್ಯಾಸವಿದ್ದರೆ ಹರಡುವ ಸಾಧ್ಯತೆ ಸಮಾನ ಎತ್ತರ ಇರುವವರ ನಡವೆ ಹರಡುವುದಕ್ಕಿಂತ ಸ್ವಲ್ಪ ಕಡಿಮೆ ಇರುತ್ತದೆ.

ಎತ್ತರದಲ್ಲಿ ತುಂಬಾ ವ್ಯತ್ಯಾಸವಿದ್ದರೆ ದೂರ ನಿಂತು ಮಾತನಾಡಿದರೆ ಹರಡುವ ಸಾಧ್ಯತೆಯೂ ಕಡಿಮೆಯಾಗುವುದು.

ಚಿತ್ರಗಳಲ್ಲಿ ವಿವರಿಸಿದ್ದಾರೆ ನೋಡಿ.

ವ್ಯಕ್ತಿ ಕೆಮ್ಮಿದಾಗ-ಸೀನಿದಾಗ ಮಾತ್ರ ಹರಡುತ್ತೆ ಎಂದು ನಂಬಲಾಗಿತ್ತು

ಈ ಹಿಂದೆ ಕೊರೊನಾ ವೈರಸ್‌ ಸೋಂಕಿತರು ಕೆಮ್ಮಿದಾಗ, ಸೀನಿದಾಗ ಹರಡುತ್ತದೆ ಎಂದು ಹೇಳಲಾಗಿತ್ತು. ಕೆಲವೇ ಕೆಲವು ಅಧ್ಯಯನಗಳು ಅಷ್ಟೇ ಕೊರೊನಾವೈರಸ್ ಗಾಳಿಯ ಮುಖಾಂತರ ಕೂಡ ಹರಡುತ್ತದೆ ಎಂದು ಹೇಳಿತ್ತು. ಇದೀಗ ಈ ಅಧ್ಯಯನ ಕೂಡ ಕೊರೊನಾವೈರಸ್‌ ಗಾಳಿಯ ಮೂಲಕ ಹರಡುತ್ತದೆ ಎಂಬುವುದನ್ನು ಬಲಪಡಿಸಿದೆ.