Covishield vs Covaxin : ಕೊರೊನಾ ಲಸಿಕೆಗಳ ನಡುವಿನ ವ್ಯತ್ಯಾಸ, ಇದು ಸುರಕ್ಷಿತವೇ, ಎರಡನೇ ಡೋಸ್‌ ಯಾವಾಗ ಪಡೆಯಬೇಕು?

ಲಸಿಕೆ ತಯಾರಕರು

ಕೋವಿಶೀಲ್ಡ್ ಲಸಿಕೆಯನ್ನು ದಿ ಸೆರಮ್ ಇನ್ಸಿಟ್ಯೂಟ್ ಆಫ್ ಇಂಡಿಯಾ ತಯಾರಿಸುತ್ತಿದೆ.

ಕೊವಾಕ್ಸಿನ್ ಲಸಿಕೆಯನ್ನು ಭಾರತ್ ಬಯೋಟಿಕ್ ಇಂಡಿಯಾ ಕೌನ್ಸಿಲ್ ಫಾರ್ ಮೆಡಿಕಲ್ ರಿಸರ್ಚ್ (ICMR) ಜೊತೆ ಸೇರಿ ತಯರಿಸುತ್ತಿದೆ.

ಈ ಲಸಿಕೆಗಳನ್ನು ಹೇಗೆ ತಯಾರಿಸಲಾಗುತ್ತಿದೆ?

ಕೋವಿಶೀಲ್ಡ್ ಲಸಿಕೆಯನ್ನು ಚಿಂಪಾಜಿಗಳ ಶೀತಕ್ಕೆ ಕಾರಣವಾಗುವ ಅಡೆನೋವೈರಸ್ ಬಳಸಿ ತಯಾರಿಸಲಾಗುತ್ತಿದೆ. ಇದು SARS-CoV-2 ಕೊರೊನಾವೈರಸ್‌ನ ಪ್ರೊಟೀನ್ ಹೆಚ್ಚಿಸುತ್ತದೆ.

ಇದರಲ್ಲಿರುವ ಅನುವಂಶೀಯ ಅಂಶ SARS-CoV-2 ಕೊರೊನಾವೈರಸ್‌ ಸ್ಪೈಕ್ ಪ್ರೊಟೀನ್‌ನಲ್ಲಿರುವ ಅಂಶ ಒಂದೇ ಆಗಿದ್ದು, ಇದು ಕೊರೊನಾವೈರಸ್‌ ದೇಹವನ್ನು ಪ್ರವೇಶಿಸದಂತೆ ಪ್ರತಿರೋಧ ಒಡ್ಡುವುದು. ಇದನ್ನು ದುರ್ಬಲ ಅಡೆನೋವೈರಸ್‌ ಬಳಸಿ ತಯಾರಿಸಲಾಗುವುದು

ಕೊವಾಕ್ಸಿನ್ ಲಸಿಕೆಯನ್ನು ಸತ್ತ ಕೊರೊನಾವೈರಸ್ ಬಳಸಿ ತಯಾರಿಸಲಾಗುವುದು.ಇದನ್ನು ಚುಚ್ಚಿದಾಗ ವ್ಯಕ್ತಿಗೆ ಯಾವುದೇ ಹಾನಿಯುಂಟು ಮಾಡುವುದಿಲ್ಲ, ಆದರೆ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಿ ಕೊರೊನಾವೈರಸ್ ದೇಹವನ್ನು ಪ್ರವೇಶಿಸದಂತೆ ದೇಹದ ರೋಗ ನಿರೋಧಕ ಕಣಗಳನ್ನು ಸಿದ್ಧ ಪಡಿಸುತ್ತದೆ.

ಲಸಿಕೆಯ ಬೆಲೆಯೆಷ್ಟು

ಕೊರೊನಾ ಲಸಿಕೆಯನ್ನು ನೀವು ಸರ್ಕಾರಿ ಕೇಂದ್ರಗಳಿಗೆ ಹೋಗಿ ಉಚಿತವಾಗಿ ಪಡೆಯಬಹುದು. ಇನ್ನು ಖಾಸಗಿ ಆಸ್ಪತ್ರೆಯಲ್ಲಿ ತೆಗೆದುಕೊಳ್ಳುವುದಾದರೆ ರೂ. 250 ಪಾವತಿಸಬೇಕಾಗುತ್ತದೆ.

ಎಷ್ಟು ಡೋಸ್ ಪಡೆಯಬೇಕು

ಕೊರೊನಾ ಲಸಿಕೆಯನ್ನು ಎರಡು ಡೋಸ್‌ನಲ್ಲಿ ತೆಗೆದುಕೊಳ್ಳಬೇಕು.

ನೀವು ಕೊರೊನಾ ಲಸಿಕೆ ಮೊದಲ ಡೋಸ್ ತೆಗೆದುಕೊಂಡಿದ್ದರೆ 6 ವಾರಗಳ ಬಳಿಕ ಮತ್ತೊಂದು ಡೋಸ್‌ ತೆಗೆದುಕೊಳ್ಳಬೇಕು.

ಹೇಗೆ ಸ್ಟೋರ್ ಮಾಡಲಾಗುವುದು?

ಕೋವಿಶೀಲ್ಡ್ ಹಾಗೂ ಕೊವಾಕ್ಸಿನ್ ಲಸಿಕೆಯನ್ನು2-8 ಡಿಗ್ರಿC ತಾಪಮಾನದಲ್ಲಿ ಸಂಗ್ರಹಿಸಿ ಇಡಲಾಗುವುದು.

ಈ ಲಸಿಕೆಗಳು ಸುರಕ್ಷತವೇ?

ಈ ಎರಡೂ ಲಸಿಕೆಗಳು ಸುರಕ್ಷಿತವಾಗಿದೆ ಎಂದು DCGI Drugs Controller General of India)ಹೇಳಿದೆ.

ಕೆಲವರಿಗೆ ಚಿಕ್ಕದಾಗಿ ಜ್ವರ, ನೋವು , ಅಲರ್ಜಿ ಕಂಡು ಬರಬಹುದು, ಆದರೆ ಭಯ ಪಡಬೇಕಾಗಿಲ್ಲ ಒಂದೆರಡು ದಿನದಲ್ಲಿ ಸರಿ ಹೋಗುವುದು.