ಉಬ್ಬಸ ನಿವಾರಣೆ ಮಾಡಲು ಕೆಲವೊಂದು ನೈಸರ್ಗಿಕ ವಿಧಾನಗಳು

ಉರಿಯೂತ ಮತ್ತು ಶ್ವಾಸನಾಳಗಳ ಕುಗ್ಗುವಿಕೆಯಿಂದಾಗಿ ಉಬ್ಬಸವು ಉಂಟಾಗುವುದು. ಇದರ ಪ್ರಮುಖ ಲಕ್ಷಣಗಳೆಂದರೆ ಅದು ಅಸ್ತಮಾ ಮತ್ತು ದೀರ್ಘಕಾಲದ ಪ್ರತಿರೋಧಕ ಶ್ವಾಸಕೋಶದ ಕಾಯಿಲೆ(ಸಿಒಪಿಡಿ) ಇವೆರಡರಿಂದ ಶ್ವಾಸನಾಳವು ತುಂಬಾ ಕುಗ್ಗುವುದು ಮತ್ತು ಶ್ವಾಸಕೋಶದ ಸಣ್ಣ ನಾಳಗಳಲ್ಲಿ ಕಫವು ತುಂಬುವುದು. ಉಬ್ಬಸಕ್ಕೆ ಇನ್ನು ಕೆಲವೊಂದು ಕಾರಣಗಳೆಂದರೆ ಸೋಂಕು, ಅಲರ್ಜಿ ಪ್ರಕ್ರಿಯೆ ಅಥವಾ ಶ್ವಾಸನಾಳಗಳಿಗೆ ದೈಹಿಕವಾಗಿ ಹಾನಿಯಾಗಿರುವುದು.

ಉಸಿರಾಡುವ ವೇಳೆ ವಿಸಲ್ ಹೊಡೆದ ರೀತಿ ಆಗುವುದು, ಉಸಿರಾಟದಲ್ಲಿ ತೊಂದರೆ ಉಬ್ಬಸದ ಪ್ರಮುಖ ಲಕ್ಷಣಗಳು. ಉಬ್ಬಸವನ್ನು ನೈಸರ್ಗಿಕವಾಗಿ ನಿವಾರಣೆ ಮಾಡಲು ಕೆಲವೊಂದು ವಿಧಾನಗಳು ಇಲ್ಲಿವೆ. ಉಬ್ಬಸ ಬಂದರೆ ಆಗ ನೀವು ತಕ್ಷಣವೇ ಹೋಗಿ ವೈದ್ಯರನ್ನು ಭೇಟಿ ಮಾಡಿ. ಇದರ ಹೊರತಾಗಿ ಇಲ್ಲಿ ಕೊಟ್ಟಿರುವಂತಹ ಕೆಲವೊಂದು ನೈಸರ್ಗಿಕ ವಿಧಾನಗಳನ್ನು ನೀವು ಬಳಸಿಕೊಳ್ಳಬಹುದು.

ದೀರ್ಘವಾಗಿ ಉಸಿರಾಟ

ದೀರ್ಘವಾಗಿ ಉಸಿರಾಡುವುದರಿಂದ ಉಸಿರಾಟದ ತೊಂದರೆ ನಿವಾರಣೆ ಮಾಡಬಹುದು. ಒಂದು ಅಧ್ಯಯನದ ಪ್ರಕಾರ ಯೋಗಗಳಲ್ಲಿ ಮಾಡುವಂತಹ ದೀರ್ಘ ಉಸಿರಾಡವು ಅಸ್ತಮಾ ಮತ್ತು ಉಬ್ಬಸದಿಂದ ಉಂಟಾಗುವಂತಹ ಉಸಿರಾಟದ ತೊಂದರೆ ನಿವಾರಣೆ ಮಾಡಬಹುದು.

•ನೆಲದ ಮೇಲೆ ಮಲಗಿಕೊಳ್ಳಿ ಮತ್ತು ಕೈಗಳನ್ನು ಹೊಟ್ಟೆಯ ಮೇಲಿಡಿ.
•ದೀರ್ಘವಾಗಿ ಉಸಿರಾಡಿ ಮತ್ತು ಕೆಲವು ಸೆಕೆಂಡುಗಳ ಕಾಲ ಉಸಿರಾಟವನ್ನು ಹಿಡಿದಿಡಿ.
•ನಿಧಾನವಾಗಿ ಬಾಯಿ ಮೂಲಕ ಉಸಿರಾಡಿ.
•ಈ ವ್ಯಾಯಾಮವನ್ನು ನೀವು 5-10 ನಿಮಿಷ ಕಾಲ ದಿನದಲ್ಲಿ ಹಲವಾರು ಬಾರಿ ನಡೆಸಿ.

ಹಬೆ ಎಳೆಯುವುದು

ಹಬೆಯನ್ನು ಎಳೆಯುವುದು ತುಂಬಾ ಪರಿಣಾಮಕಾರಿಯಾಗಿ ಸೈನಸ್ ನ್ನು ನಿವರಣೆ ಮಾಡುವುದು ಮತ್ತು ಶ್ವಾಸನಾಳಗಳನ್ನು ತೆರೆಯುವುದು. ಇದರಿಂದ ಉಸಿರಾಡಲು ತೊಂದರೆ ಆಗದು.

•ಒಂದು ಪಾತ್ರೆಯಲ್ಲಿ ಬಿಸಿ ನೀರು ತೆಗೆದುಕೊಂಡು ಅದಕ್ಕೆ ಕೆಲವು ಹನಿ ಪುದೀನಾ ಎಣ್ಣೆ ಅಥವಾ ಬೇರೆ ಸಾರಭೂತ ತೈಲ ಹಾಕಿಕೊಳ್ಳಿ.
•ಮುಖವನ್ನು ಪಾತ್ರೆಯ ಕಡೆಗೆ ಇಡಿ ಮತ್ತು ತಲೆಗೆ ಒಂದು ಟವೆಲ್ ಹಾಕಿಕೊಳ್ಳಿ. ಇದರಿಂದ ಹಬೆಯು ಹೊರಗೆ ಹೋಗದು.
•ಈ ವೇಳೆ ನೀವು ದೀರ್ಘವಾಗಿ ಉಸಿರು ಎಳೆದುಕೊಳ್ಳಬೇಕು.

ಶುಂಠಿ

ಶುಂಠಿಯಲ್ಲಿ ಉರಿಯೂತ ಶಮನಕಾರಿ ಮತ್ತು ಆಂಟಿಆಕ್ಸಿಡೆಂಟ್ ಗುಣಗಳು ಇವೆ. ಇದು ಶ್ವಾಸಕೋಶದ ಸೋಂಕಿನಿಂದಾಗಿ ಉಂಟಾಗಿರುವ ಉರಿಯೂತ ಕಡಿಮೆ ಮಾಡುವುದು. ಆರ್ ಎಸ್ ವಿ ವೈರಸ್ ವಿರುದ್ಧ ಶುಂಠಿಯು ತುಂಬಾ ಪರಿಣಾಮಕಾರಿ ಎಂದು ಅಧ್ಯಯನಗಳು ಹೇಳಿವೆ. ಇದು ಶ್ವಾಸಕೋಶದಲ್ಲಿ ಸೋಂಕು ಹರಡುವ ಸಾಮಾನ್ಯ ವೈರಸ್ ಆಗಿದೆ.
ಶುಂಠಿ ಜಗಿಯಿರಿ ಅಥವಾ ಅದರ ಚಾ ಮಾಡಿ ಕುಡಿಯಿರಿ.

ತುಟಿಗಳನ್ನು ಮುಚ್ಚಿಕೊಂಡು ಉಸಿರಾಟ

ಉಸಿರಾಟದ ತೊಂದರೆ ಆಗ ನೀವು ತುಟಿಗಳನ್ನು ಜತೆಯಾಗಿಸಿ, ಮುಚ್ಚಿಕೊಂಡು ಉಸಿರಾಡಬೇಕು. ಇದರಿಂದ ಉಸಿರಾಟದ ತೊಂದರೆ ಕಡಿಮೆ ಆಗುವುದು.
•ಭುಜಗಳನ್ನು ಆರಾಮವಾಗಿಸಿಕೊಂಡು ಕುಳಿತುಕೊಳ್ಳಿ.
•ಕೆಲವು ಸೆಕೆಂಡುಗಳ ಕಾಲ ಮೂಗಿನಿಂದ ಉಸಿರಾಡಿ ಮತ್ತು ನಾಲ್ಕು ಸಂಖ್ಯೆ ಮನಸ್ಸಿನಲ್ಲಿ ನೆನೆಸುತ್ತಿದ್ದ ತುಟಿಗಳಿಂದ ನಿಧಾನವಾಗಿ ಉಸಿರನ್ನು ಹೊರಗೆ ಬಿಡಿ.
•10 ನಿಮಿಷ ಕಾಲ ಇದನ್ನು ಮುಂದುವರಿಸಿ.

ಬಿಸಿ ಪಾನೀಯ

ಬಿಸಿ ಪಾನೀಯವು ಶ್ವಾಸನಾಳವನ್ನು ತೆರೆಯುವುದು ಮತ್ತು ಕಫ ನಿವಾರಿಸುವುದು. ಕೆಫಿನ್ ಇರುವಂತಹ ಚಾ ಮತ್ತು ಕಾಫಿ ಶ್ವಾಸಕೋಶಕ್ಕೆ ಹೋಗುವಂತಹ ನಾಳಗಳನ್ನು ತೆರೆಯುವುದು ಎಂದು ಅಧ್ಯಯನಗಳು ಕಂಡುಕೊಂಡಿವೆ.
•ಕಾಫಿ, ಗಿಡಮೂಲಿಕೆ ಚಹಾ ಅಥವಾ ಸ್ವಲ್ಪ ಬಿಸಿ ನೀರು ದಿನದಲ್ಲಿ ಮೂರು ಸಲ ಕುಡಿಯಿರಿ.

ತಾಜಾ ಹಣ್ಣುಗಳು ಮತ್ತು ತರಕಾರಿಗಳು

ಹಣ್ಣುಗಳು ಮತ್ತು ತರಕಾರಿಗಳಲ್ಲಿ ಉನ್ನತ ಮಟ್ಟದ ವಿಟಮಿನ್ ಸಿ ಇದ್ದು, ಶ್ವಾಸಕೋಶಕ್ಕೆ ಇದು ತುಂಬಾ ಒಳ್ಳೆಯದು ಎಂದು ಅಧ್ಯಯನಗಳ ವರದಿಯು ಹೇಳಿವೆ. ವಿಟಮಿನ್ ಸಿ ಇರುವಂತಹ ಆಹಾರಗಳಾಗಿರುವಂತಹ ಬ್ರಾಕೋಲಿ, ಟೊಮೆಟೊ, ದೊಣ್ಣೆ ಮೆಣಸು ಇತ್ಯಾದಿ ಸೇವಿಸಿದರೆ ಉಬ್ಬಸದ ಸಮಸ್ಯೆ ನಿವಾರಣೆ ಆಗುವುದು.

ಆರ್ದ್ರಕ

ಆರ್ದ್ರಕ ವನ್ನು ಕೋಣೆಯಲ್ಲಿ ಬಳಸಿಕೊಂಡರೆ ಆಗ ಶ್ವಾಸನಾಳವು ಕಟ್ಟಿರುವದು ನಿವಾರಣೆ ಆಗುವುದು ಮತ್ತು ಉಬ್ಬಸ ತೀವ್ರತೆಯು ಕಡಿಮೆ ಆಗುವುದು. ಆರ್ದ್ರಕದ ನೀರಿಗೆ ನೀವು ಪುದೀನಾ ಎಣ್ಣೆಯನ್ನು ಹಾಕಿಕೊಳ್ಳಿ.

•ಉಬ್ಬಸ ನಿವಾರಣೆಗೆ ಜೀವನಶೈಲಿ ಬದಲಾಯಿಸಿಕೊಳ್ಳಿ.
•ಧೂಮಪಾನ ತ್ಯಜಿಸಿ ಮತ್ತು ಅತಿಯಾಗಿ ಹೊಗೆಯ ಬಳಿಗೆ ಹೋಗಬೇಡಿ.
•ವ್ಯಾಯಾಮ ಮಾಡಿ.
•ಚಳಿ ಮತ್ತು ಒಣ ವಾತಾವರಣದಲ್ಲಿ ನೀವು ವ್ಯಾಯಾಮ ಮಾಡಬೇಡಿ.
•ಅಲರ್ಜಿ ಮತ್ತು ಕಲುಷಿತ ವಾತಾವರಣದಿಂದ ದೂರವಿರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.