ಹೊಟ್ಟೆ ತುಂಬ ಊಟ ಮಾಡಿದ ಬಳಿಕ ಇಂತಹ ಅನಾರೋಗ್ಯಕರ ಕಾರ್ಯಗಳನ್ನು ಮಾಡಲೇಬೇಡಿ…

ನಿದ್ರಿಸುವುದು

ಹೆಚ್ಚಾಗಿ ಮಧ್ಯಾಹ್ನ ಊಟವಾದ ಬಳಿಕ ಸ್ವಲ್ಪ ನಿದ್ರೆ ಮಾಡ ಬೇಕೆಂದು ಹಿಂದಿನಿಂದಲೂ ನಂಬಿಕೊಂಡು ಬಂದಿರುವುದು. ಆದರೆ ನೀವು ಊಟ ಮಾಡಿದ ಬಳಿಕ ಮಲಗಿದರೆ ಅದರಿಂದ ಆಹಾರವು ಜೀರ್ಣವಾಗುವುದಿಲ್ಲ. ಇದರಿಂದ ನೀವು ನಿದ್ರೆಯಿಂದ ಎದ್ದ ಬಳಿಕವೂ ಹೊಟ್ಟೆ ತುಂಬಿದಂತೆ ಇರುವುದು. ಊಟ ಮಾಡಿದ ತಕ್ಷಣ ನೀವು ಮಲಗಿದರೆ ಅದರಿಂದ ನಿಮಗೆ ಆರಾಮ ಕೂಡ ಸಿಗದು.

ಧೂಮಪಾನ

ಊಟವಾದ ತಕ್ಷಣ ನೀವು ಧೂಮಪಾನ ಮಾಡುವುದು ಹತ್ತು ಸಲ ಧೂಮಪಾನ ಮಾಡಿದಂತೆ ಎಂದು ಹೇಳಲಾಗುತ್ತದೆ. ಇದು ಎಷ್ಟು ನಿಜ ಅಥವಾ ಸುಳ್ಳು ಎಂದು ಗೊತ್ತಿಲ್ಲ. ಆದರೆ ಧೂಮಪಾನವು ನಿಮ್ಮ ದೇಹಕ್ಕೆ ಹಾನಿ ಉಂಟು ಮಾಡುವುದು ಮತ್ತು ಊಟವಾದ ತಕ್ಷಣ ನೀವು ಧೂಮಪಾನ ಮಾಡಬಾರದು. ಊಟವಾದ ತಕ್ಷಣ ಮಾತ್ರವಲ್ಲದೆ ಧೂಮಪಾನ ಮಾಡದೇ ಇದ್ದರೆ ತುಂಬಾ ಒಳ್ಳೆಯದು.

ಸ್ನಾನ ಮಾಡುವುದು

ಊಟವಾದ ತಕ್ಷಣ ನೀವು ಹೋಗಿ ಸ್ನಾನ ಮಾಡಿದರೆ ಆಗ ಜೀರ್ಣ ಕ್ರಿಯೆ ಮೇಲೆ ಪರಿಣಾಮ ಬೀರುವುದು. ಸ್ನಾನ ಮಾಡುವ ವೇಳೆ ಹೊಟ್ಟೆಯ ಸುತ್ತಲಿನ ರಕ್ತವು ಬೇರೆ ಕಡೆಗೆ ಹೋಗುವುದರಿಂದ ಜೀರ್ಣ ಕ್ರಿಯೆಯು ವಿಳಂಬವಾಗುವುದು.

ಹಣ್ಣುಗಳು

ನಮ್ಮ ಹೊಟ್ಟೆಯಲ್ಲಿ ವಿವಿಧ ರೀತಿಯ ಆಹಾರವು ತುಂಬಾ ವಿಭಿನ್ನವಾಗಿ ಜೀರ್ಣವಾಗುವುದು. ಊಟಕ್ಕೆ ಮೊದಲು ನೀವು ಹಣ್ಣುಗಳನ್ನು ತಿಂದರೆ ಅದು ಜೀರ್ಣಕ್ರಿಯೆಗೆ ಸುಲಭವಾಗುವುದು. ಹಣ್ಣುಗಳನ್ನು ಊಟಕ್ಕೆ ಒಂದು ಗಂಟೆ ಮೊದಲು ಅಥವಾ ಊಟವಾದ ಎರಡು ಗಂಟೆ ಬಳಿಕ ಸೇವಿಸಬೇಕು. ಊಟವಾದ ತಕ್ಷಣ ನೀವು ಹಣ್ಣುಗಳ ಸೇವನೆ ಮಾಡಿದರೆ ಆಗ ಆಹಾರ ಜೀರ್ಣವಾಗಲು ತುಂಬಾ ಕಷ್ಟಪಡುವುದು.

ಚಹಾ

ಚಹಾ ತುಂಬಾ ಆಮ್ಲೀಯವಾಗಿರುವುದು ಮತ್ತು ಇದರಿಂದ ಜೀರ್ಣಕ್ರಿಯೆ ಮೇಲೆ ಪರಿಣಾಮ ಬೀರುವುದು. ನೀವು ಆಹಾರದಲ್ಲಿ ಯಾವುದೇ ರೀತಿಯ ಪ್ರೋಟೀನ್ ಸೇವನೆ ಮಾಡಿದರೆ ಅದರ ಬಳಿಕ ನೀವು ಚಾ ಕುಡಿದರೆ ಆಗ ಅದು ಆಹಾರದಲ್ಲಿರುವ ಪ್ರೋಟೀನ್ ನ್ನು ಗಟ್ಟಿಯಾಗಿಸುವುದು. ಇದರಿಂದಾಗಿ ಜೀರ್ಣಕ್ರಿಯೆಗೆ ತುಂಬಾ ಕಷ್ಟವಾಗುವುದು. ಊಟವಾದ ತಕ್ಷಣ ಚಾ ಕುಡಿದರೆ ಅದರಿಂದ ದೇಹಕ್ಕೆ ಕಬ್ಬಿನಾಂಶ ಹೀರಿಕೊಳ್ಳಲು ಕಠಿಣವಾಗುವುದು. ಊಟದ ಮೊದಲು ಅಥವಾ ಊಟವಾದ ತಕ್ಷಣ ಚಾ ಸೇವನೆ ಮಾಡಬೇಡಿ.