ಬಿಯರ್ ಕುಡಿದು ಹೊಟ್ಟೆಯ ಬೊಜ್ಜು ಬಂದಿದ್ದರೆ ಈ ಟಿಪ್ಸ್ ಅನುಸರಿಸಿ

ಸಮಪ್ರಮಾಣದ ನೀರು ಸೇರಿಸುವುದು

ಕೆಲವರಿಗೆ ಹೆಚ್ಚಿನ ಬಿಯರ್ ಕುಡಿಯುವ ಅಭ್ಯಾಸವಿರುತ್ತದೆ. ಈ ಪ್ರಮಾಣ ಹೆಚ್ಚಿದಷ್ಟೂ ಬೊಜ್ಜು ಆವರಿಸುವ ವೇಗವೂ ಹೆಚ್ಚುತ್ತದೆ. ಈ ಪ್ರಮಾಣವನ್ನು ಕಡಿಮೆ ಮಾಡಲು ನಡು ನಡುವೆ ನೀರನ್ನು ಕುಡಿಯಬೇಕು. ಇದು ಬಿಯರ್ ಸೇವನೆಯ ಪ್ರಮಾಣದ ಮೇಲೆ ಕಡಿವಾಣ ಹಾಕುವುದು ಮಾತ್ರವಲ್ಲ, ದೇಹ ನಿರ್ಜಲೀಕರಣಕ್ಕೆ ಒಳಗಾಗುವುದರಿಂದಲೂ ತಡೆಯುತ್ತದೆ. ಕಾಲಕ್ರಮೇಣ ಬೊಜ್ಜು ಸಹಾ ಕರಗುತ್ತದೆ.

ಸಮಪ್ರಮಾಣದ ನೀರು ಸೇರಿಸುವುದು

ಬಿಯರ್ ನಲ್ಲಿರುವ ಕಾರ್ಬೋಹೈಡ್ರೇಟುಗಳು ಮತ್ತು ಸಕ್ಕರೆ ಅತಿ ಹೆಚ್ಚಾಗಿರುವುದೇ ಬೊಜ್ಜಿನ ಪ್ರಮುಖ ಕಾರಣವಾಗಿದೆ. ಇದನ್ನು ನಿಯಂತ್ರಿಸಲು ನಿಮ್ಮ ಆಹಾರದಲಿ ಹೆಚ್ಚಿನ ಪ್ರೋಟೀನ್ ಸೇರಿಸಿಕೊಳ್ಳಬೇಕು. ದ್ವಿದಳ ಧಾನ್ಯಗಳು, ಬೀನ್ಸ್ ಮತ್ತು ಒಣಫಲಗಳನ್ನು ಸಾಕಷ್ಟು ಪ್ರಮಾಣದಲ್ಲಿ ಸೇವಿಸುವ ಮೂಲಕ ಕಾರ್ಬೋಹೈಡ್ರೇಟುಗಳು ಮತ್ತು ಸಕ್ಕರೆಯನ್ನು ಬಳಸಿಕೊಳ್ಳಲು ಸಾಧ್ಯವಾಗುತ್ತದೆ ಹಾಗೂ ಇವುಗಳು ಕೊಬ್ಬಾಗಿ ಪರಿವರ್ತನೆಗೊಳ್ಳುವ ಪ್ರಮಾಣ ತಗ್ಗುತ್ತದೆ. ಇದು ಹಸಿವೆಯನ್ನೂ ನೀಗಿಸುವ ಕಾರಣ ಇನ್ನಷ್ಟು ಬಿಯರ್ ಸೇವನೆಗೆ ತಡೆಯೊಡ್ಡುವ ಮೂಲಕವೂ ಪರೋಕ್ಷವಾಗಿ ನೆರವಾಗುತ್ತದೆ.

ಕ್ಯಾಲೋರಿ ಕರಗಿಸುವ ವ್ಯಾಯಾಮ ಮಾಡಿ

ಇಷ್ಟವಿಲ್ಲದಿದ್ದರೂ ಸರಿ, ಯಾವುದಾದರೂ ಹೊಟ್ಟೆ ಕರಗಿಸುವ ವ್ಯಾಯಾಮವನ್ನು ಮಾಡತೊಡಗಿ. ಮಲಗಿದ್ದಲ್ಲಿ ಬೆನ್ನನ್ನು ಎತ್ತುವ, ಬರ್ಪೀ ಮೊದಲಾದ ವ್ಯಾಯಾಮಗಳನ್ನು ನಿತ್ಯವೂ ಕನಿಷ್ಠ ಹತ್ತು ನಿಮಿಷ ಮಾಡಿದರೂ ಹೆಚ್ಚು ಕ್ಯಾಲೋರಿಗಳು ದಹಿಸಲ್ಪಟ್ಟು ಕೊಬ್ಬು ಕರಗುತ್ತದೆ.

ಎರಡು ವಾರವಾದರೂ ಬಿಯರ್ ಕುಡಿಯದಿರಿ

ಒಂದು ವೇಳೆ ನೀವು ಹೆಚ್ಚು ಬಿಯರ್ ಸೇವನೆಗೆ ದಾಸರಾಗಿದ್ದರೆ ಯಾವುದಾದರೊಂದು ನೆಪ ಹಾಕಿ ಎರಡು ವಾರವಾದರೂ ಬಿಯರ್ ಸೇವನೆಯನ್ನು ಕಟ್ಟುನಿಟ್ಟಾಗಿ ಸೇವಿಸದಿರಿ. ಇದು ಹೊಟ್ಟೆಯ ಕೊಬ್ಬಿನ ಸಂಗ್ರಹ ಏರಿಕೆ ಪ್ರಮಾಣವನ್ನು ನಿಯಂತ್ರಿಸಿ ಇಳಿಕೆಯ ನಿಟ್ಟಿನಲ್ಲಿ ಮುಂದುವರೆಯಲು ನೆರವಾಗುತ್ತದೆ. ತನ್ಮೂಲಕ ವ್ಯಾಯಾಮಗಳು ಹೆಚ್ಚು ಫಲ ನೀಡುತ್ತವೆ.

ಸಿದ್ಧ ಆಹಾರಗಳನ್ನು ಸೇವಿಸದಿರಿ

ಒಂದು ವೇಳೆ ನಿಮಗೆ ಹೊಟ್ಟೆಯ ಬೊಜ್ಜು ಕರಗಲೇ ಬೇಕೆಂದಿದ್ದರೆ ಸಿದ್ಧ ಅಹಾರಗಳನ್ನು ಆದಷ್ಟೂ ಸೇವಿಸದಿರುವುದು ಅನಿವಾರ್ಯ. ಏಕೆಂದರೆ ಇವುಗಳಲ್ಲಿ ಹೆಚ್ಚಿನ ಕಾರ್ಬೋಹೈಡ್ರೇಟುಗಳು, ಕೊಬ್ಬು, ಹಾಗೂ ಸಕ್ಕರೆಗಳಿರುತ್ತವೆ. ಆಲೂಗಡ್ಡೆ ಚಿಪ್ಸ್, ಬರ್ಗರ್, ಸಿಹಿಪದಾರ್ಥಗಳು ಮೊದಲಾದವುಗಳನ್ನು ಕಡ್ಡಾಯವಾಗಿ ಸೇವಿಸಬಾರದು.

ಹಸಿ ತರಕಾರಿ ಹಣ್ಣುಗಳನ್ನು ತಿನ್ನಿ

ಹಸಿಯಾಗಿ ತಿನ್ನಬಹುದಾದ ತರಕಾರಿಗಳಾದ ಬ್ರೋಕೋಲಿ, ಎಲೆಕೋಸು ಮೊದಲಾದವುಗಳನ್ನು ಸಾಕಷ್ಟು ಪ್ರಮಾಣದಲ್ಲಿ ಸೇವಿಸಿ. ಇದರಿಂದ ಯಕೃತ್ ಹಾಗೂ ಜೀರ್ಣಾಂಗಗಳಲ್ಲಿ ಸಂಗ್ರಹವಾಗಿದ್ದ ಕಲ್ಮಶಗಳು ನಿವಾರಣೆಯಾಗಲು ಹಾಗೂ ಹೊಟ್ಟೆಯ ಬೊಜ್ಜು ನಿವಾರಣೆಯಾಗಲು ನೆರವಾಗುತ್ತದೆ.

ಉಪಾಹಾರ ಕಡ್ಡಾಯವಾಗಿ ಸೇವಿಸಿ

ನಮ್ಮಲ್ಲಿ ಕೆಲವರು ಬೆಳಗ್ಗಿನ ಉಪಾಹಾರ ಸೇವಿಸದೇ ದೊಡ್ಡ ತಪ್ಪು ಮಾಡುತ್ತಾರೆ. ಇದು ಸಹಾ ಪರೋಕ್ಷವಾಗಿ ಹೊಟ್ಟೆಯ ಕೊಬ್ಬಿನ ಕಾರಣವಾಗುತ್ತದೆ. ದೈನಂದಿನ ಅಗತ್ಯಕ್ಕೆ, ರಕ್ತದಲ್ಲಿ ಅಗತ್ಯಪ್ರಮಾಣದ ಸಕ್ಕರೆ ಪಡೆಯಲು ಹಾಗೂ ಜೀವರಾಸಾಯನಿಕ ಕ್ರಿಯೆಗೆ ಬೆಳಗ್ಗಿನ ಉಪಾಹಾರ ಅತಿ ಅಗತ್ಯವಾಗಿದೆ. ಅಲ್ಲದೇ ದಿನದ ವ್ಯಾಯಾಮಗಳಿಗೂ ಉಪಾಹಾರದ ಮೂಲಕ ಅಗತ್ಯವಾದ ಪೋಷಕಾಂಶಗಳು ಲಭಿಸುತ್ತವೆ ಹಾಗೂ ಹೆಚ್ಚಿನ ಶ್ರಮ ವಹಿಸಲು ಸಾಧ್ಯವಾಗುತ್ತದೆ. ಪರಿಣಾಮವಾಗಿ ಕೊಬ್ಬು ಕರಗಿ ಹೊಟ್ಟೆಯ ಗಾತ್ರವೂ ಇಳಿಯುತ್ತದೆ.