ಹೊಟ್ಟೆ ನೋವು: ಸ್ವಯಂ ವೈದ್ಯರಾಗಲು ಹೋಗಬೇಡಿ!

ಸ್ವಯಂ ಚಿಕಿತ್ಸೆ

ಹೊಟ್ಟೆ ನೋವಿಗೆ ಸ್ವಯಂ ಚಿಕಿತ್ಸೆ ಮಾಡಿಕೊಳ್ಳುವ ಬಗ್ಗೆ ಯಾವತ್ತೂ ಯೋಚಿಸಬೇಡಿ. ಮನೆಮದ್ದುಗಳು ತುಂಬಾ ಸುರಕ್ಷಿತ. ಆದರೆ ಹೊಟ್ಟೆನೋವಿಗೆ ನೀವು ಕಣ್ಣುಮುಚ್ಚಿ ಚಿಕಿತ್ಸೆ ಮಾಡಿಕೊಳ್ಳುತ್ತಾ ಇದ್ದೀರಿ. ಹೊಟ್ಟೆನೋವಿಗೆ ನಿಜವಾದ ಕಾರಣವೇನೆಂದು ತಿಳಿಯದೆ ಚಿಕಿತ್ಸೆ ಮಾಡಿಕೊಳ್ಳುವುದು ಅಪಾಯಕಾರಿ. ವೈದ್ಯರಲ್ಲಿ ಪರೀಕ್ಷೆ ಮಾಡಿಕೊಂಡು ಹೊಟ್ಟೆನೋವಿಗೆ ಸರಿಯಾದ ಕಾರಣ ತಿಳಿದುಕೊಂಡ ಬಳಿಕವಷ್ಟೇ ಚಿಕಿತ್ಸೆ ಮಾಡಿಕೊಳ್ಳಿ.

ವೈದ್ಯರಲ್ಲಿಗೆ ತಡವಾಗಿ ಹೋಗುವುದು

ಹೆಚ್ಚಿನ ಸಂದರ್ಭಗಳಲ್ಲಿ ಹೊಟ್ಟೆನೋವು ಮತ್ತು ತಲೆನೋವನ್ನು ಸಾಮಾನ್ಯ ವಿಭಾಗದ ಕಾಯಿಲೆಗಳೆಂದು ಪರಿಗಣಿಸಲಾಗಿದೆ. ಇದು ತನ್ನಷ್ಟಕ್ಕೆ ಗುಣವಾಗಬಹುದು ಎಂದು ನೀವು ಭಾವಿಸಿರಬಹುದು. ಆದರೆ ಚಿಕಿತ್ಸೆ ಫಲಕಾರಿಯಾಗಬೇಕಾದೆ ಹೊಟ್ಟೆನೋವಿಗೆ ಸೂಕ್ತ ಕಾರಣವನ್ನು ತಿಳಿದುಕೊಳ್ಳುವುದು ತುಂಬಾ ಮುಖ್ಯ.

ಇದನ್ನೂ ಓದಿ- ಯಮಯಾತನೆ ನೀಡುವ ಹೊಟ್ಟೆ ನೋವಿನ ಸಮಸ್ಯೆಗೆ ಪರಿಹಾರವೇನು?

ಚಿಕಿತ್ಸೆಯನ್ನು ಸರಿಯಾಗಿ ಮಾಡದಿರುವುದು

ಆ್ಯಂಟಿಬಯೋಟಿಕ್ಸ್ ತೆಗೆದುಕೊಳ್ಳುವ ವೇಳೆ ಇದು ಸಂಭವಿಸುತ್ತದೆ. ಹೊಟ್ಟೆನೋವು ಇರುವಾಗ ಆ್ಯಂಟಿಬಯೋಟಿಕ್ ತೆಗೆದುಕೊಳ್ಳುವುದನ್ನು ಮರೆಯಬೇಡಿ. ಹೊಟ್ಟೆನೋವು ಇರುವಾಗ ಅಂತಹ ತಪ್ಪನ್ನು ಕಡೆಗಣಿಸಬೇಕು. ಹೊಟ್ಟೆನೋವಿನಿಂದ ಸಂಪೂರ್ಣ ಗುಣಮುಖರಾದರೂ ಕೋರ್ಸ್ ಮುಂದುವರಿಸಿ.

ಸರಿಯಾಗಿ ತಿನ್ನದೇ ಇರುವುದು

ಆಹಾರ ತಿಂದರೆ ಹೊಟ್ಟೆನೋವು ಹೆಚ್ಚಾಗುತ್ತದೆ ಎನ್ನುವ ಭಾವನೆ ಕೆಲವರಲ್ಲಿದೆ. ಆದರೆ ಸರಿಯಾಗಿ ಆಹಾರ ಸೇವನೆ ಮಾಡದೆ ಇದ್ದರೆ ಅಸಿಡಿಟಿ ಹೆಚ್ಚಾಗುತ್ತದೆ. ಇದರಿಂದ ಹೊಟ್ಟೆಯುಬ್ಬರ ಮತ್ತು ಎದೆಯುರಿ ಕಾಣಿಸಿಕೊಳ್ಳುತ್ತದೆ. ಸುಲಭವಾಗಿ ಕರಗುವಂತಹ ಆಹಾರ ಸೇವಿಸಿ.

ಹೊಟ್ಟೆಗೆ ಭಾರವಾಗುವ ಆಹಾರ ಸೇವನೆ

ಸೋಂಕಿನಿಂದಾಗಿ ಹೊಟ್ಟೆನೋವು ಕಾಣಿಸಿಕೊಂಡಿದ್ದರೆ ಇದರ ವಿರುದ್ಧ ಹೋರಾಡಲು ಹೊಟ್ಟೆಗೆ ಸಮಯ ನೀಡಿ. ಜೀರ್ಣಕ್ರಿಯೆಗೆ ಕಷ್ಟವಾಗುವ ಆಹಾರ ಸೇವನೆ ಮಾಡಬೇಡಿ. ತುಂಬಾ ಖಾರ ಮತ್ತು ಎಣ್ಣೆಯಂಶವಿರುವ ಆಹಾರವನ್ನುಕಡೆಗಣಿಸಿ. ಇದರಿಂದ ಜೀರ್ಣಕ್ರಿಯೆ ಕಷ್ಟವಾಗುತ್ತದೆ.

ಹೊಟ್ಟೆಯ ಮೇಲೆ ಗಮನವಿರಲಿ

ಹೊಟ್ಟೆನೋವು ಎನ್ನುವುದು ಕೇವಲ ಹೊಟ್ಟೆಗೆ ಸಂಬಂಧಿಸಿದ್ದು ಎಂದು ಭಾವಿಸಿದ್ದರೆ ಅದು ಖಂಡಿತವಾಗಿಯೂ ತಪ್ಪು. ಇದು ಬೇರೆ ಅಂಗಾಂಗಗಳ ಸಮಸ್ಯೆಯಿಂದಲೂ ಬರಬಹುದು. ಕಿಡ್ನಿಯಲ್ಲಿ ಕಲ್ಲು, ಎಂಡೋಮೆಟ್ರೋಸಿಸ್, ಹೆಪಟೊಮಗಾಲಿ, ಅಪೆಂಡಿಟೀಸ್, ಕರುಳಿನ ಅಂಗರಚನಾ ವಿರೂಪದಿಂದ ಹೊಟ್ಟೆನೋವು ಬರಬಹುದು. ಇದರಿಂದ ಹೊಟ್ಟೆನೋವನ್ನು ಸಾಮಾನ್ಯವೆಂದು ಭಾವಿಸಬೇಡಿ.