ಮಾಸಿಕ ದಿನಗಳಲ್ಲಿ ವಿಪರೀತ ಹೊಟ್ಟೆ ನೋವಿದ್ದರೆ, ಕ್ಯಾರೆಟ್ ಸೇವಿಸಿ...

ಪ್ರಯೋಜನ #1

ಕ್ಯಾರೆಟ್ಟಿನಲ್ಲಿ ಅತಿ ಹೆಚ್ಚಿನ ಪ್ರಮಾಣದ ಕಬ್ಬಿಣವಿದೆ: ಬಸಲೆ ಸೊಪ್ಪಿನಲ್ಲಿ ಅತ್ಯಂತ ಹೆಚ್ಚಿದ್ದರೂ ಇದನ್ನು ಹಸಿಯಾಗಿ ತಿನ್ನಲು ಸಾಧ್ಯವಿಲ್ಲದ ಕಾರಣ ಕ್ಯಾರೆಟ್ ಹೆಚ್ಚು ಉತ್ತಮವಾಗಿದೆ.

ಪ್ರಯೋಜನ #1

ಮಾಸಿಕ ದಿನಗಳ ಸ್ರಾವದ ಮೂಲಕ ದೇಹ ಕಳೆದುಕೊಳ್ಳುವ ರಕ್ತವನ್ನು ಪೂರೈಸಲು ಕಬ್ಬಿಣ ಅವಶ್ಯಕವಾಗಿದ್ದು ಈ ಹೊತ್ತಿನಲ್ಲಿ ಕ್ಯಾರೆಟ್ ತಿಂದರೆ ಶೀಘ್ರವಾಗಿ ರಕ್ತಕಣಗಳು ಉತ್ಪಾದನೆಗೊಂಡು ಸ್ರಾವವನ್ನು ಸುಲಭಗೊಳಿಸುವುದರ ಜೊತೆಗೇ ನೋವನ್ನೂ ಕಡಿಮೆ ಮಾಡುತ್ತವೆ.

ಪ್ರಯೋಜನ #2

ಇದರಲ್ಲಿ ಬೀಟಾ ಕ್ಯಾರೋಟೀನ್ ಉತ್ತಮ ಪ್ರಮಾಣದಲ್ಲಿದೆ: ಆಹಾರದ ಮೂಲಕ ಪಡೆಯಲಾಗುವ ಈ ಪೋಷಕಾಂಶ ಜೀರ್ಣಗೊಳ್ಳುವ ವೇಳೆ ವಿಟಮಿನ್ ಎ ಆಗಿ ಪರಿವರ್ತಿತವಾಗುತ್ತದೆ. ಈ ವಿಟಮಿನ್ ವಿಶೇಷವಾಗಿ ರಕ್ತದ ಹರಿಯುವಿಕೆಯನ್ನು ನಿಯಂತ್ರಿಸುವ ಮೂಲಕ ನೋವನ್ನು ಅತಿ ಕಡಿಮೆಯಾಗಿಸುತ್ತದೆ.

ಪ್ರಯೋಜನ #3

ಉತ್ತಮ ಪ್ರಮಾಣದ ಕರಗದ ನಾರು ಇದೆ: ಈ ನಾರುಗಳು ಜೀರ್ಣಗೊಳ್ಳದೇ ಜೀರ್ಣಾಂಗಗಳಿಂದ ಮಲಿನ ವಸ್ತುಗಳನ್ನು ಸುಲಭವಾಗಿ ಹೊರಹಾಕಲು ನೆರವಾಗುತ್ತವೆ. ತನ್ಮೂಲಕ ಮಾಸಿಕ ದಿನಗಳಲ್ಲಿ ರಕ್ತಪರಿಚಲನೆ ಮತ್ತು ಸ್ರಾವವನ್ನು ಸುಗಮಗೊಳಿಸಿ ನೋವನ್ನೂ ಕಡಿಮೆಗೊಳಿಸುತ್ತದೆ.

ಈ ದಿನಗಳಲ್ಲಿ ಕ್ಯಾರೆಟ್ ಸೇವನೆಯ ವಿಧಾನಗಳು

ವಿಧಾನ #1. ಜ್ಯೂಸ್ ಮಾಡಿಕೊಂಡು ಕುಡಿಯುವುದು

ಎರಡು ಮಧ್ಯಮ ಗಾತ್ರದ ಗಜ್ಜರಿಗಳನ್ನು ಸಿಪ್ಪಿ ಸುಲಿದು ಚಿಕ್ಕದಾಗಿ ತುಂಡರಿಸಿ ಬಳಿಕ ಜ್ಯೂಸರಿನಲ್ಲಿ ನುಣ್ಣಗೆ ಕಡೆಯಬೇಕು. ಇದಕ್ಕೆ ಕೊಂಚವೇ ನೀರು ಅಥವಾ ಹಾಲು ಸೇರಿಸಿ ದಿನಕ್ಕೆ ಎರಡು ಬಾರಿ ಕುಡಿಯಬೇಕು. ಈ ವಿಧಾನದಿಂದ ಮಾಸಿಕ ದಿನಗಳ ನೋವು ಕಡಿಮೆಯಾಗುತ್ತದೆ.

ವಿಧಾನ #2. ಸಾಲಾಡ್ ನೊಂದಿಗೆ ಸೇವಿಸಿ

ಸುಮಾರು ಎರಡು ಗಜ್ಜರಿಗಳನ್ನು ನಿಮಗೆ ಸೂಕ್ತವೆನಿಸಿದ ಆಕಾರ ಮತ್ತು ಗಾತ್ರದಲ್ಲಿ ಕತ್ತರಿಸಿ ನಿಮ್ಮ ಊಟದ ನಡುವೆ ಸಾಲಾಡ್ ನೊಂದಿಗೆ ಸೇವಿಸಿ. ಇದರಿಂದ ದೇಹಕ್ಕೆ ಹೆಚ್ಚಿನ ಶಕ್ತಿ ದೊರೆತು ಮಾಸಿಕ ದಿನಗಳ ನೋವನ್ನು ಕಡಿಮೆಗೊಳಿಸಲು ಸಾಧ್ಯವಾಗುತ್ತದೆ.

ವಿಧಾನ #3. ಹಸಿಯಾಗಿ ತಿನ್ನಿ

ಒಂದು ವೇಳೆ ಮಾಸಿಕ ದಿನಗಳ ನೋವು ವಿವರೀತವಾಗಿದ್ದರೆ ಇದರ ಸಿಪ್ಪೆ ಸುಲಿಯದೇ ಚೆನ್ನಾಗಿ ತೊಳೆದು (ಸಿಪ್ಪೆಯಲ್ಲಿ ಸೂಕ್ಷ್ಮ ಮರಳಿನ ಕಣಗಳಿರುತ್ತವೆ, ಇವನ್ನು ನಿವಾರಿಸಲು ಕೊಂಚ ಉಜ್ಜಬೇಕು)

ವಿಧಾನ #3. ಹಸಿಯಾಗಿ ತಿನ್ನಿ

ಬಳಿಕ ಹಸಿಯಾಗಿ ತಿನ್ನಿ. ಇದರಿಂದ ಹೆಚ್ಚಿನ ಪೋಷಕಾಂಶಗಳು ದೊರೆತು ನೋವನ್ನು ಕಡಿಮೆ ಮಾಡುತ್ತವೆ. ಅಲ್ಲದೇ ರಕ್ತಸ್ರಾವದ ಪ್ರಮಾಣವನ್ನೂ ಕಡಿಮೆಗೊಳಿಸುತ್ತವೆ.