ಮರೆಗುಳಿತನವೇ? ಈ ಕೆಟ್ಟ ಅಭ್ಯಾಸಗಳೇ ಕಾರಣವಿರಬಹುದು!

ಔಷಧಿಗಳು

ರಕ್ತದ ಒತ್ತಡ ಕಡಿಮೆ ಮಾಡಲು ಅಥವಾ ನೋವು ನಿವಾರಕವಾಗಿ ನೀಡುವ ಔಷಧಿಗಳು ವಾಸ್ತವವಾಗಿ ನರಗಳ ಸಂವೇದನೆಯನ್ನು ತಪ್ಪಿಸುವ ಕ್ಷಮತೆ ಹೊಂದಿವೆ. ನೋವು ನಿವಾರಕ ಎಂದರೆ ನೋವನ್ನು ನಿವಾರಿಸುವುದಿಲ್ಲ, ಬದಲಿಗೆ ನೋವಿನ ಸಂವೇದನೆಯನ್ನು ಮೆದುಳಿಗೆ ತಲುಪದಂತೆ ಮಾಡುತ್ತದೆ. ಇದು ಸತತವಾದರೆ ಕ್ರಮೇಣ ನರವ್ಯವಸ್ಥೆಯೇ ಶಿಥಿಲಗೊಂಡು ಮೆದುಳಿನ ಕ್ಷಮತೆ ಕುಂಠಿತವಾಗುತ್ತದೆ.

ಖಿನ್ನತೆ

ಒಂದು ಸಂಶೋಧನೆಯಲ್ಲಿ ಸಾಬೀತಾಗಿರುವ ಪ್ರಕಾರ ಖಿನ್ನತೆ ಮೊದಲಾದ ಮಾನಸಿಕ ವ್ಯಾಧಿಯಿಂದ ಬಳಲುವವರು ಹೆಚ್ಚಾಗಿ ಮರೆಗುಳಿತನವನ್ನು ಅನುಭವಿಸುತ್ತಾರೆ. ಏಕೆಂದರೆ ಖಿನ್ನತೆಯ ಸಮಯದಲ್ಲಿ ಮೆದುಳಿನಲ್ಲಿರುವ ರಾಸಾಯನಿಕಗಳು ಮೆದುಳಿನ ಕ್ಷಮತೆಗೆ ವಿರುದ್ಧವಾಗಿ ಕೆಲಸ ಮಾಡುವ ಮೂಲಕ ನೆನಪಿನ ಶಕ್ತಿಯನ್ನು ಕ್ಷೀಣಿಸುತ್ತವೆ.

ಒತ್ತಡ

ಮಾನಸಿಕ ಒತ್ತಡವೂ ಮರೆಗುಳಿತನಕ್ಕೆ ಕಾರಣವಾಗಬಹುದು. ಏಕೆಂದರೆ ಯಾವುದೋ ಒಂದು ವಿಷಯದ ಕುರಿತೇ ಹೆಚ್ಚು ಒತ್ತಡಕ್ಕೊಳಗಾಗುವ ವ್ಯಕ್ತಿ ಆ ವಿಷಯವನ್ನಲ್ಲದೇ ಇತರ ವಿಷಯಗಳತ್ತ ಚಿತ್ತ ಹರಿಸದೇ ಇರುವ ಕಾರಣ ಇತರ ವಿಷಯಗಳ ಬಗ್ಗೆ ಯಾವುದೇ ಮಾಹಿತಿ ಇಲ್ಲದಿರುವುದನ್ನೇ ಮರೆಗುಳಿತನ ಎಂದು ಕರೆಯಬಹುದು. ಮರೆಗುಳಿ ಪ್ರೊಫೆಸರ್ ಎಂದು ಹೀಯಾಳಿಸುವ ಮೊದಲು ಆ ಪ್ರೊಫೆಸರರು ಯಾವ ವಿಷಯದ ಬಗ್ಗೆ ಅಧ್ಯಯನ ಮಾಡುತ್ತಿದ್ದಾರೆ ಎಂದು ಕಂಡುಕೊಂಡರೆ ಅವರು ಪಡೆದಿರುವ ಆಗಾಧ ಮಾಹಿತಿ ನಿಬ್ಬೆರಗಾಗಿಸುತ್ತದೆ.

ಸುಸ್ತು

ನಮ್ಮ ಮೆದುಳಿಗೆ ದೇಹದ ಇತರ ಯಾವುದೇ ಅಂಗಕ್ಕಿಂತ ಹೆಚ್ಚಿನ ರಕ್ತಸಂಚಾರದ ಅಗತ್ಯವಿದೆ. ದೈಹಿಕವಾಗಿ ಸುಸ್ತಾದಾಗ ಅಥವಾ ಯಾವುದೋ ಕಾಯಿಲೆಯ ಕಾರಣ ಸುಸ್ತು ಆವರಿಸಿದ್ದರೆ ಅನಿವಾರ್ಯವಾಗಿ ಈ ಸ್ಥಳಕ್ಕೆ ಹೆಚ್ಚಿನ ರಕ್ತ ಸರಬರಾಜು ಮಾಡಬೇಕಾಗಿರುವ ಕಾರಣ ಮೆದುಳಿಗೆ ಹರಿಯುವ ರಕ್ತ ಕಡಿಮೆಯಾಗುತ್ತದೆ. ಒಂದು ವೇಳೆ ಇದು ಸತತವಾಗಿದ್ದರೆ ಕ್ರಮೇಣ ಮೆದುಳಿನ ಕ್ಷಮತೆಯೂ ಕಡಿಮೆಯಾಗುತ್ತಾ ಹೋಗುತ್ತದೆ.

ಹೆಚ್ಚಿನ ಮದ್ಯಪಾನ

ಮದ್ಯದ ವ್ಯಸನಕ್ಕೆ ಒಳಗಾದವರು ನಿತ್ಯವೂ ಇಂತಿಷ್ಟು ಕುಡಿಯದಿದ್ದರೆ ಸಾಧ್ಯವೇ ಇಲ್ಲ ಎಂಬ ಸ್ಥಿತಿಗೆ ಬಂದಿರುತ್ತಾರೆ. ಆದರೆ ಈ ವ್ಯಸನ ಮೆದುಳಿನ ಸಂತುಲನವನ್ನೇ ಅಲ್ಲಾಡಿಸಿಬಿಡುತ್ತದೆ. ಮತ್ತಿನಲ್ಲಿ ಪೂರ್ಣ ಎಚ್ಚರವೂ ಅಲ್ಲದ ಪೂರ್ಣ ನಿದ್ರಾವಸ್ಥೆಯೂ ಅಲ್ಲದ ಸ್ಥಿತಿಯಲ್ಲಿ ಮೆದುಳು ಪೂರ್ಣಪ್ರಮಾಣದಲ್ಲಿ ಕಾರ್ಯ ನಿರ್ವಹಿಸದೇ ಸಾಮರ್ಥ್ಯವನ್ನು ಕಡಿಮೆ ಮಾಡಿಕೊಳ್ಳುತ್ತ್ತಾಬರುತ್ತದೆ. ಇದು ಮರೆಗುಳಿತನವನ್ನು

ಹೆಚ್ಚಿಸುತ್ತದೆ.

ಮಧುಮೇಹ

ಮಧುಮೇಹವೂ ಮರೆಗುಳಿತನಕ್ಕೆ ಕಾರಣವಾಬಹುದು. ಮಧುಮೇಹದ ಕಾರಣ ಸಕ್ಕರೆಯ ಬಳಕೆಯಾಗದೇ ವ್ಯರ್ಥವಾಗುತ್ತದೆ. ಇದರಿಂದ ಮೆದುಳಿನ ಜೀವಕೋಶಗಳೂ ಶಿಥಿಲಗೊಳ್ಳುತ್ತವೆ ಹಾಗೂ ಸ್ಮರಣಶಕ್ತಿಯೂ ಕುಂದುತ್ತದೆ.

ಹೃದಯ ಸಂಬಂಧಿ ತೊಂದರೆಗಳು

ಹೃದಯ ಸಂಬಂಧಿ ತೊಂದರೆಗಳಿದ್ದವರಲ್ಲಿ ಮೆದುಳಿಗೆ ಹರಿಯುವ ರಕ್ತದ ಪ್ರಮಾಣ ಕಡಿಮೆಯಾಗುತ್ತದೆ. ಕಡಿಮೆ ರಕ್ತ ಎಂದರೆ ಮೆದುಳಿನ ಕ್ಷಮತೆ ಕುಂದುವುದು ಎಂದೇ ಅರ್ಥ. ಈ ಸ್ಥಿತಿಯಲ್ಲಿ ಅನಿವಾರ್ಯವಾಗಿ ಮರೆಗುಳಿತನ ಆವರಿಸುತ್ತದೆ.