ಒಸಡಿನ ಸಮಸ್ಯೆಯೇ? ಇಲ್ಲಿದೆ ನೋಡಿ ಸೂಪರ್ ಮನೆಮದ್ದು

ಬೆಳ್ಳುಳ್ಳಿಯ ಪೇಸ್ಟ್

ಬೆಳ್ಳುಳ್ಳಿಯನ್ನು ಜಜ್ಜಿಕೊಂಡು ಅದರ ಪೇಸ್ಟ್ ಅನ್ನು ನೋವುಂಟು ಮಾಡುತ್ತಿರುವ ಒಸಡಿಗೆ ಹಚ್ಚಿ. ಇದು ಬಹುತೇಕ ಕೆಲಸ ಮಾಡುತ್ತದೆ. ಹಲ್ಲಿನ ನೋವಾಗಿರಲಿ ಅಥವಾ ಒಸಡಿನ ನೋವಾಗಿರಲಿ. ಇದು ಕೆಲಸ ಮಾಡುವುದು.

ಲವಂಗ

ಒಸಡಿನಲ್ಲಿ ಹರಡಿರುವ ಬ್ಯಾಕ್ಟೀರಿಯಾ ನಿವಾರಣೆಗೆ ಲವಂಗ ಒಳ್ಳೆಯ ಮದ್ದು. ಇದು ನೋವನ್ನು ನಿವಾರಣೆ ಮಾಡುವುದು. ಲವಂಗವನ್ನು ಜಗಿಯಿರಿ ಅಥವಾ ಲವಂಗದ ಎಣ್ಣೆಯನ್ನು ಒಸಡಿಗೆ ಹಚ್ಚಿರಿ.

ವೆನಿಲ್ಲಾದ ಸಾರ

ಒಸಡಿನ ನೋವು ನಿಮ್ಮ ನಿದ್ರೆಗೆ ತೊಂದರೆಯನ್ನು ಉಂಟು ಮಾಡುತ್ತಲಿದ್ದರೆ ಆಗ ವೆನಿಲ್ಲಾದ ಸಾರವನ್ನು ಬಳಸಿಕೊಳ್ಳಿ. ಇದನ್ನು ಒಸಡಿಗೆ ಒಮ್ಮೆ ಹಚ್ಚಿಕೊಂಡರೆ ನೋವು ಕೆಲವು ಕಾಲ ಕಡಿಮೆಯಾಗಬಹುದು.

ಲಿಂಬೆ ಹಣ್ಣು

ಲಿಂಬೆಯಲ್ಲಿ ವಿಟಮಿನ್ ಸಿ ಇದೆ. ಇದು ಹಲ್ಲಿನ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಲಿಂಬೆಯ ಸಾರವನ್ನು ಬಳಸಿ ಒಸಡಿನ ನೋವಿನಿಂದ ಮುಕ್ತರಾಗಿ.

ಈರುಳ್ಳಿ

ಹಲ್ಲಿನ ಸೋಂಕಿಗೆ ಕಾರಣವಾಗುವಂತಹ ಬ್ಯಾಕ್ಟೀರಿಯಾಗಳನ್ನು ಈರುಳ್ಳಿ ಕೊಲ್ಲುವುದು. ಒಂದು ತುಂಡು ಈರುಳ್ಳಿಯನ್ನು ಜಗಿದು ಅದರ ರಸ ಬಾಯಿಯೊಳಗೆ ಇರುವಂತೆ ನೋಡಿಕೊಳ್ಳಿ. ಬಳಿಕ ಅದನ್ನು ಉಗಿಯಿರಿ.

ಟ್ರೀ ಟ್ರೀ ಎಣ್ಣೆ

ಒಂದು ತುಂಡು ಹತ್ತಿಯನ್ನು ತೆಗೆದುಕೊಂಡು ಅದಕ್ಕೆ ಟ್ರೀ ಟ್ರೀ ಎಣ್ಣೆಯನ್ನು ಹಾಕಿ. ಅದನ್ನು ಒಸಡಿಗೆ ಉಜ್ಜಿಕೊಳ್ಳಿ ಮತ್ತು ನೋವಿನಿಂದ ಪರಿಹಾರ ಪಡೆಯಿರಿ.