ಮೂತ್ರದ ಬಗ್ಗೆ ನೀವೂ ತಿಳಿದಿರದ ಅಚ್ಚರಿಯ ಸಂಗತಿ!

ಮಾಹಿತಿ #1

ಮೂತ್ರದಲ್ಲಿ ಪ್ರಮುಖವಾಗಿ ಕ್ರಿಯಾಟಿನಿನ್, ಯೂರಿಕ್ ಆಮ್ಲ ಮತ್ತು ರಕ್ತ ಶೋಧಿಸಿದ ಬಳಿಕ ಉಳಿದುಕೊಂಡ ಕಲ್ಮಶಗಳಿರುತ್ತವೆ.

ಮಾಹಿತಿ #2

ನಮ್ಮ ಮೂತ್ರಕೋಶದಲ್ಲಿ ಪ್ರತಿ ಎರಡು ಗಂಟೆಗಳಲ್ಲಿ ಎರಡು ಕಪ್ ಮೂತ್ರ ಸಂಗ್ರಹವಾಗುತ್ತದೆ. ಈ ಪ್ರಮಾಣ ಹೆಚ್ಚುತ್ತ ಹೋದಂತೆ ಹೆಚ್ಚಿನ ದ್ರವ ಮೂತ್ರಕೋಶದ ಗೋಡೆಗಳ ಮೇಲೆ ಒತ್ತಡ ಹೇರುತ್ತದೆ. ಇದು ಮೆದುಳಿಗೆ ಮೂತ್ರ ವಿಸರ್ಜನೆಗೆ ಸಂಕೇತವನ್ನು ತಿಳಿಸುತ್ತದೆ. ಆಗ ಮೂತ್ರಕ್ಕೆ ಅವಸರವಾಗುತ್ತದೆ.

ಮಾಹಿತಿ #3

ಒಂದು ವೇಳೆ ಮೂತ್ರದ ವಾಸನೆ ಅಮೋನಿಯಾದಂತೆ ಇದ್ದರೆ ಇದು ವ್ಯಕ್ತಿಯ ದೇಹದಲ್ಲಿ ನೀರಿನ ಕೊರತೆಯನ್ನು ತಿಳಿಸುತ್ತದೆ. ಈ ವಾಸನೆ ಅಸಹ್ಯಕರವಾಗಿದ್ದು ಮೂತ್ರಕೋಶದ ಸೋಂಕಿಗೆ ಒಳಗಾಗಿರಬಹುದು. ಅಲ್ಲದೇ ಯಕೃತ್ ನಲ್ಲಿ ಸೋಂಕಿರುವ ವ್ಯಕ್ತಿಗಳ ಮೂತ್ರವೂ ಇದೇ ರೀತಿಯ ವಾಸನೆ ಸೂಸುತ್ತದೆ.

ಮಾಹಿತಿ #4

ಸಾಮಾನ್ಯ ಮೈಕಟ್ಟಿನ ವ್ಯಕ್ತಿ ಒಂದು ದಿನಕ್ಕೆ ಎಂಟುನೂರು ಮಿಲಿಲೀಟರ್ ನಿಂದ ಎರಡು ಲೀಟರ್ ವರೆಗೂ ಮೂತ್ರ ವಿಸರ್ಜಿಸುತ್ತಾನೆ. ಆದರೆ ಸತತವಾಗಿ ನೀರು ಕುಡಿಯುತ್ತಲೇ ಇದ್ದಾಗ ಈ ಪ್ರಮಾಣ ಆರು ಲೀಟರ್ ವರೆಗೂ ಹೆಚ್ಚಬಹುದು.

ಮಾಹಿತಿ #5

ನೀವು ಯಾವುದೇ ಬಗೆಯ ದ್ರವಾಹಾರ ಮತ್ತು ನೀರನ್ನು ಸೇವಿಸಿದರೂ ಮೂತ್ರಕೋಶದಲ್ಲಿ ಸಂಗ್ರಹವಾಗಲುತೊಡಗಿದ ಬಳಿಕ ಎರಡರಿಂದ ಮೂರು ಗಂಟೆಗಳಲ್ಲಿ ಮೂತ್ರಕ್ಕೆ ಅವಸರವಾಗಿಯೇ ಆಗುತ್ತದೆ.

ಮಾಹಿತಿ #5

ಆದರೆ ಸಂದರ್ಭ ಸೂಕ್ತವಾಗಿಲ್ಲದೇ ಮೂತ್ರ ವಿಸರ್ಜಿಸಲು ಸಾಧ್ಯವಾಗದೇ ಇದ್ದರೆ ಮೂರರಿಂದ ಐದು ಗಂಟೆಗಳ ಕಾಲ ತಡೆದುಕೊಂಡಿರಬಹುದು. ಆ ಬಳಿಕ ಒತ್ತಡ ಸಹಿಸಲು ಸಾಧ್ಯವಾಗದೇ ನೋವು ಪ್ರಾರಂಭವಾಗುತ್ತದೆ.

ಮಾಹಿತಿ #6

ಮೂತ್ರಕೋಶ ತುಂಬಿದಾಕ್ಷಣ ಮೆದುಳಿಗೆ ಈ ಬಗ್ಗೆ ಸೂಚನೆ ಹೋಗುತ್ತದೆ. ಆಗಲೇ ಮೂತ್ರಕ್ಕೆ ಅವಸರ ಮಾಡುವಂತೆ ಮೆದುಳಿನಿಂದ ಸೂಚನೆ ಬರುತ್ತದೆ. ಆದರೆ ಯಾವುದಾದರೊಂದು ವಿಷಯದಲ್ಲಿ ತೀರಾ ಮಗ್ನರಾಗಿದ್ದರೆ ಮೆದುಳು ಈ ಸಂಕೇತವನ್ನು ತಿರಸ್ಕರಿಸುತ್ತದೆ. ಆದ್ದರಿಂದ ಈ ಸಂದರ್ಭದಲ್ಲಿ ಮೂತ್ರಕ್ಕೆ ಅವಸರವಾಗಿರುವುದು ಗೊತ್ತೇ ಆಗುವುದಿಲ್ಲ. (ಅತಿ ಕುತೂಹಲಭರಿತ ಚಲನಚಿತ್ರ ನೋಡುವಾಗ ನಿಮಗೆ ಮೂತ್ರಕ್ಕೆ ಅವಸರವಾಗಿತ್ತೇ?)

ಮಾಹಿತಿ #7

ಸಾಮಾನ್ಯ ಜನರು ದಿನಕ್ಕೆ ಆರರಿಂದ ಎಂಟು ಬಾರಿ ಮೂತ್ರ ವಿಸರ್ಜಿಸಬೇಕು.

ಮಾಹಿತಿ #8

ವಯಸ್ಸಾಗುತ್ತಾ ಹೋದಂತೆ ಮೂತ್ರಕ್ಕೆ ಅವಸರವಾಗುವ ಸಮಯವೂ ಹೆಚ್ಚಾಗುತ್ತಾ ಹೋಗುತ್ತದೆ. ಏಕೆಂದರೆ ಮಹಿಳೆಯರಲ್ಲಿ ಈಸ್ಟ್ರೋಜೆನ್ ಮತ್ತು ಪುರುಷರಲ್ಲಿ ಟೆಸ್ಟೋಸ್ಟೆರೋನ್ ಹಾರ್ಮೋನುಗಳ ಪ್ರಮಾಣ ಇಳಿಮುಖವಾಗುತ್ತಾ ಬರುತ್ತದೆ. ಇವುಗಳ ಪ್ರಮಾಣಕ್ಕೂ ಮೂತ್ರದ ಸಮಯಕ್ಕೂ ನೇರವಾದ ಸಂಬಂಧವಿದೆ.