ಆಗಾಗ್ಗೆ ಮೂತ್ರ ವಿಸರ್ಜನೆ ಮಾಡಬೇಕಾದ ಅನಿವಾರ್ಯತೆಯೇ?

ಮಧುಮೇಹ

ಪುರುಷರು ಆಗಾಗ್ಗೆ ಮೂತ್ರ ವಿಸರ್ಜನೆ ಮಾಡುವುದಕ್ಕೆ ಸಾಮಾನ್ಯ ಕಾರಣವೆಂದರೆ ಮಧುಮೇಹದ ಸಮಸ್ಯೆ. ಇದಕ್ಕೆ ಮುಖ್ಯ ಕಾರಣವೆಂದರೆ ನಿಮ್ಮ ರಕ್ತದಲ್ಲಿರುವ ಹೆಚ್ಚುವರಿ ಗ್ಲೂಕೊಸ್ ಅಂಶವನ್ನು ದೇಹದಿಂದ ಮೂತ್ರದ ರೂಪದಲ್ಲಿ ಹೊರಹಾಕಲು ಪ್ರಯತ್ನಿಸುತ್ತದೆ. ಆದ್ದರಿಂದ ಮಧುಮೇಹಿಕ ರೋಗಿಗಳಲ್ಲಿ ಹೆಚ್ಚು ಬಾಯಾರಿಕೆ ಮತ್ತು ಆಗಾಗ್ಗೆ ಪದೇ ಪದೇ ಮೂತ್ರ ವಿಸರ್ಜನೆ ಆಗುವುದನ್ನು ಕಾಣಬಹುದು.

ಮೂತ್ರವರ್ಧಕಗಳು

ನೀವು ನಿಮ್ಮ ಆಹಾರ ಶೈಲಿಯನ್ನು ಅಥವಾ ಔಷಧೀಯ ವಿಧಾನವನ್ನು ಬದಲಾವಣೆ ಮಾಡಿಕೊಂಡಿದ್ದರೆ ಈ ಸಮಸ್ಯೆಯು ಬರುವ ಸಾಧ್ಯತೆ ಇರುತ್ತದೆ. ಅನೇಕ ಔಷಧ ವಿಧಗಳ ಸೇವನೆಯಿಂದಲೂ ಸಹ ಆಗಾಗ್ಗೆ ಮೂತ್ರವಿಸರ್ಜನೆಯಾಗುವ ಅಡ್ಡಪರಿಣಾಮಗಳು ಉಂಟಾಗುತ್ತದೆ. ನಿಮಗೇ ಇದೇ ಸಮಸ್ಯೆಯಿದ್ದರೆ ವೈದ್ಯರ ಬಳಿ ತೆರೆಳಿ ಸೂಕ್ತ ಚಿಕಿತ್ಸೆ ಪಡೆದುಕೊಳ್ಳಿ. ಮೂತ್ರವರ್ಧಕಗಳಲ್ಲಿ ಕಾಫಿ ಮತ್ತು ಮದ್ಯಗಳೂ ಕೂಡ ಒಳಗೊಂಡಿವೆ.

ಮೂತ್ರಕೋಶದ ಕ್ಯಾನ್ಸರ್

ಆಗಾಗ್ಗೆ ಮೂತ್ರವಿಸರ್ಜನೆ ಮಾಡುವುದಕ್ಕೆ ಮೂತ್ರಕೋಶದ ಕ್ಯಾನ್ಸರ್ ಸಹ ಒಂದು. ಈ ಸಮಸ್ಯೆಯಿದ್ದಲ್ಲಿ ತಕ್ಷಣಕ್ಕೆ ಮೂತ್ರವಿಸರ್ಜನೆ ಆಗುವ ಸಂಭವವಿರುತ್ತದೆ. ಮೂತ್ರ ವಿಸರ್ಜಿಸುವಾಗ ನೋವುಂಟು ಮಾಡುತ್ತದೆ ಮತ್ತು ಮೂತ್ರದಲ್ಲಿ ಕೆಲ ರಕ್ತದ ಕಣಗಳು ಸಹ ಕಂಡುಬರುತ್ತವೆ.

ಪ್ರೊಸ್ಟೇಟ್ ಗ್ರಂಥಿಯ ಗಾತ್ರ ಹೆಚ್ಚುತ್ತದೆ

ಪ್ರೊಸ್ಟೇಟ್ ಗ್ರಂಥಿಯ ಗಾತ್ರ ಹೆಚ್ಚುವಿಕೆಯಿಂದ ಮೂತ್ರವಿಸರ್ಜನೆಯು ಅವಶ್ಯವುಂಟಾಗುತ್ತದೆ. ಅದರ ಸ್ಥಳವು ಯುರೇತ್ರಾದ ಭಾಗದ ಕೆಳಗಿದೆ. ಯುರೇತ್ರಾದ ಮೇಲೆ ಒತ್ತಡ ಹೇರುವುದರಿಂದ ಮೂತ್ರವಿಸರ್ಜನೆಯು ಅನಿವಾರ್ಯವಾಗುತ್ತದೆ. ಇದನ್ನು ಗಮನಿಸುವುದು ಕಷ್ಟವಾಗಿದ್ದು, ಇದು ನೀವು ಇನ್ನೂ ಮೂತ್ರ ವಿಸರ್ಜನೆಯನ್ನು ಪೂರ್ಣಗೊಳಿಸಿಲ್ಲವೆಂಬ ಅನುಭವವುಂಟಾಗುವಂತೆ ಮಾಡುತ್ತದೆ. ಕೆಲವೊಂದು ಬಾರಿ ಮೂತ್ರ ವಿಸರ್ಜಸಲು ಕಷ್ಟವೂ ಸಹ ಆಗುತ್ತದೆ.

ಪ್ರೊಸ್ಟೇಟ್ ಗ್ರಂಥಿಯ ಕ್ಯಾನ್ಸರ್

ಕೆಲವೊಂದು ಬಾರಿ ದಪ್ಪವಾಗುವ ಪ್ರೊಸ್ಟೇಟ್ ಗ್ರಂಥಿಯ ರೂಪವು ಅದರ ಕ್ಯಾನ್ಸರ್ ಎಂದು ತಿಳಿಯಬಹುದಾಗಿದೆ. ಇದೂ ಸಹ ಯುರೇತ್ರಾದ ಮೇಲೆ ಅದೇ ರೀತಿಯ ಒತ್ತಡ ಹೇರುತ್ತದೆ. ಪೆಲ್ವಿಕ್ ಸ್ಥಳದ ಸುತ್ತ ಯಾವುದೇ ಗೆಡ್ಡೆಯುಂಟಾದಲ್ಲಿ ಈ ಸಮಸ್ಯೆಯು ಉಂಟಾಗುತ್ತದೆ.

ಮಾನಸಿಕ ಅಸಮತೋಲನ

ತಮ್ಮ ಮಾನಸಿಕ ಅಸಮತೋಲನದಿಂದ ಅನೇಕರು ಮೂತ್ರವಿಸರ್ಜನೆಯ ಸ್ಥಳವನ್ನು ಆಗಾಗ ಬಯಸುತ್ತಾರೆ. ಕೆಲವು ನರಗಳು ನಮಗೆ ಆ ರೀತಿಯಲ್ಲಿ ಯೋಚಿಸುವಂತೆ ಪ್ರೇರೇಪಿಸುತ್ತವೆ ಮತ್ತು ಕೆಲವು ಮನೋವೈಜ್ಞಾನಿಕ ಅಂಶಗಳು ಸಹ ಈ ರೀತಿಯ ಅಭ್ಯಾಸ ಮತ್ತು ಮೂತ್ರ ವಿಸರ್ಜಿಸಬೇಕಾದ ಭಾವನೆಯನ್ನುಂಟು ಮಾಡಿ ಶೌಚಾಲಯದ ದಾರಿಯನ್ನು ಹುಡುಕುವಂತೆ ಮಾಡುತ್ತದೆ.