ಅಸಿಡಿಟಿಯ ಈ ಅಸಾಮಾನ್ಯ ಲಕ್ಷಣಗಳನ್ನು ಕಡೆಗಣಿಸಬೇಡಿ

ಕಾರುವಿಕೆ

ಇದು ಅಸಿಡಿಟಿಯ ಪ್ರಮುಖ ಲಕ್ಷಣವಾಗಿದೆ. ಗಂಟಲಿನಲ್ಲಿ ಏನೋ ಇರುವ ಅನುಭವವಾದಾಗ ನಾವು ಕಾರುತ್ತೇವೆ ಅಲ್ಲವೇ? ಗಂಟಲಿನಲ್ಲಿ ಕಫ ಕಟ್ಟಿದಾಗ ಆಗುವ ರೀತಿ ಕಫ ಏನೂ ಇಲ್ಲದಿದ್ದರೂ ಉಂಟಾಗುವುದು.

ಗಂಟಲಿನಲ್ಲಿ ಕಿಚ್ ಕಿಚ್

ಬರೀ ಶೀತ, ಕೆಮ್ಮು ಆದಾಗ ಮಾತ್ರ ಗಂಟಲಿನಲ್ಲಿ ಕಿಚ್ ಕಿಚ್ ಆಗುವುದು ಎಂದು ನೀವು ಭಾವಿಸಿದರೆ ಅದು ತಪ್ಪು, ಕೆಲವೊಮ್ಮೆ ಅದು ಅಸಿಡಿಟಿಯ ಲಕ್ಷಣ ಕೂಡ ಹೌದು. ಅದರಲ್ಲೂ ಊಟ ಮಾಡಿದ ತಕ್ಷಣ ಈ ರೀತಿ ಆಗುತ್ತಿದ್ದರೆ ಅದು ಅಸಿಡಿಟಿಯ ಲಕ್ಷಣವಾಗಿದೆ.

ವಾಂತಿ ಬಂದ ಅನುಭವ

ಊಟವಾದ ಬಳಿಕ ವಾಂತಿ ಬರುವ ಅನುಭವವಾಗುತ್ತಿದ್ದರೆ ಅದು ಅಸಿಡಿಟಿಯ ಲಕ್ಷಣವಾಗಿರಬಹುದು.

ಬಾಯಿಯಲ್ಲಿ ಕಹಿ ನೀರು ಬರುವುದು

ಬಾಯಿಯಲ್ಲಿ ಕಹಿ ನೀರು ಬರುತ್ತಿದ್ದರೆ ಒಂದೋ ಪಿತ್ತದಿಂದ ಇರಬಹುದು, ಇಲ್ಲದಿದ್ದರೆ ಅಸಿಡಿಟಿಯಿಂದ ಇರಬಹುದು.

ಎದೆ ನೋವು

ಎದೆ ನೋವು ಅಸಿಡಿಯ ಮತ್ತೊಂದು ಲಕ್ಷಣವಾಗಿದೆ. ಆದರೆ ಎದೆನೋವು ಕಾಣಿಸಿದಾಗ ಅಸಿಡಿಟಿ ಎಂದು ಸುಮ್ಮನೆ ಕೂರಬೇಡಿ, ಕ್ಷಣದಿಂದ-ಕ್ಷಣಕ್ಕೆ ಹೆಚ್ಚಾಗುತ್ತಿದ್ದರೆ ಕೂಡಲೇ ಆಸ್ಪತ್ರೆಗೆ ಹೋಗಿ, ಏಕೆಂದರೆ ಹೃದಯಾಘಾತದ ಲಕ್ಷಣವೂ ಆಗಿರಬಹುದು.

ವಿಶ್ರಾಂತಿ ತೆಗೆದುಕೊಳ್ಳುವಾಗ ನೋವು ಕಂಡು ಬರುವುದು

ಊಟ ಮಾಡಿದ ನಂತರ ನಿಂತಾಗ ಏನೂ ಅನಿಸುವುದಿಲ್ಲ, ಆದರೆ ಕೆಲವೊಮ್ಮೆ ಊಟ ಮಾಡಿದ ನಂತರ ಬಗ್ಗಿದಾಗ ಅಥವಾ ವಾಲಿ ಕೂತಾಗ ಎದೆ ಉರಿ ಕಾಣಿಸಿದರೆ ಅಸಿಡಿಟಿ ಆಗಿರಬಹುದು.

ಕೆಮ್ಮು

ಎದೆ ಉರಿ ಜೊತೆ ಕೆಮ್ಮು ಕಂಡು ಬಂದರೆ ಅದು ಅಸಿಡಿಟಿಯ ಪ್ರಮುಖ ಲಕ್ಷಣ ಅನ್ನುವುದನ್ನು ಮರೆಯದಿರಿ.

ಅಸ್ತಮಾ

ಹೊಟ್ಟೆ ಗ್ಯಾಸ್ ಕೆಲವೊಮ್ಮೆ ಉಸಿರಾಟದ ತೊಂದರೆಯನ್ನೂ ತರುತ್ತದೆ. ಈ ಸಮಯದಲ್ಲಿ ಅಸ್ತಮಾ ಇರಬಹುದೆಂದು ತಪ್ಪಾಗಿ ಗ್ರಹಿಸುತ್ತೇವೆ. ಈ ಸಮಸ್ಯೆ ಕಾಣಿಸಿದರೆ ಅಸ್ತಮಾ ಕಾಯಿಲೆಯೇ ಅಥವಾ ಅಸಿಡಿಟಿಯೇ ಅನ್ನುವುದನ್ನು ವೈದ್ಯರ ಹತ್ತಿರ ಖಚಿತ ಪಡಿಸಿಕೊಳ್ಳಿ.

ನುಂಗಲು ಕಷ್ಟ

ಆಗಾಗ ಎದೆ ಉರಿ ಬರುತ್ತಿದ್ದರೆ ಅನ್ನನಾಳಗಳು ಕಿರಿದಾಗಿ ಆಹಾರ ನುಂಗಲು ಕಷಟ್ವಾಗಬಹುದು.

ಅಧಿಕ ಎಂಜಲು

ಬಾಯಲ್ಲಿ ತುಂಬಾ ಎಂಜಲು ಉತ್ಪತ್ತಿಯಾಗುತ್ತಿದರೆ ಅಸಿಡಿಟಿಯಿಂದ ಇರಬಹುದು. ದೇಹದಲ್ಲಿ ಅಧಿಕ ಇರುವ ಗ್ಯಾಸ್ ನಿಂದ ಈ ರೀತಿ ಉಂಟಾಗುವುದು.