ಸೈಕ್ಲಿಂಗ್ ಅಥವ ರನ್ನಿಂಗ್ ಯಾವುದು ಉತ್ತಮ?

1. ಸಂತೋಷ

ಸಂತೋಷದ ವಿಷಯಕ್ಕೆ ಹೋಲಿಸಿದರೆ ಓಡುವುದಕ್ಕಿಂತ ಸೈಕ್ಲಿಂಗ್ ನಲ್ಲಿ ಹೆಚ್ಚಿನ ಮೋಜು. ಓಡುವುದಕ್ಕಿಂತ ಸೈಕ್ಲಿಂಗ್ ನಲ್ಲಿ ಕಡಿಮೆ ಶ್ರಮವಿರುವ ಕಾರಣ ತುಂಬಾ ದೀರ್ಘ ಪ್ರಯಾಣ ಮಾಡಬಹುದು. ಒಂದು ಹಾದಿಯಲ್ಲಿ ಓಡುವುದಕ್ಕಿಂತ ಸೈಕಲ್ ತುಳಿಯುವುದು ತುಂಬಾ ಪ್ರಾಯೋಗಿಕವಾಗಬಹುದು.

2. ಪರಿಣಾಮಕಾರಿ

ಓಡುವುದರಿಂದ ಕಡಿಮೆ ಸಮಯದಲ್ಲಿ ಹೆಚ್ಚಿನ ಕ್ಯಾಲೋರಿ ದಹಿಸಬಹುದು. ಸೈಕ್ಲಿಂಗ್ ಇದೇ ಸಮಯದಲ್ಲಿ ಕೇವಲ ಶೇ. 15-20ರಷ್ಟು ಕ್ಯಾಲೋರಿ ಮಾತ್ರ ನಷ್ಟ ಮಾಡುತ್ತದೆ. ನಿಮಗೆ ಸಮಯ ಸಿಕ್ಕಿದರೆ ಆಗ ಒಂದು ಸಣ್ಣ ಅಂತರವನ್ನು ಓಡಿ ಕ್ರಮಿಸಬಹುದು.

3. ವಾಹನದಟ್ಟಣೆ

ಈ ಒಂದು ಅಂಶವು ಸೈಕ್ಲಿಂಗ್ ಗೆ ದೊಡ್ಡ ಮಟ್ಟದಲ್ಲಿ ಪರವಾಗಿರುವ ಅಂಶ. ಎರಡೂ ದೈಹಿಕ ವ್ಯಾಯಾಮಕ್ಕಾದರೂ ಸೈಕಲ್ ನಿಂದ ನೀವು ದೈಹಿಕ ಮತ್ತು ಕಚೇರಿಗೆ ಪ್ರಯಾಣಿಸಲು ಉಪಯೋಗಿಸುವುದರಿಂದ ನಿಮ್ಮ ಎರಡು ಕೆಲಸ ಒಂದೇ ಬಾರಿಗೆ ಆಗುತ್ತದೆ. ಫಾರ್ಮಲ್ ಡ್ರೆಸ್ ಹಾಕಿಕೊಂಡು ಕಚೇರಿಗೆ ಓಡಿಕೊಂಡು ಹೋಗುವುದು ಅಷ್ಟು ಸರಿಯಾಗಿ ಕಾಣಿಸುವುದಿಲ್ಲ.

4. ಗಾಯಗಳಾಗುವುದು

ದಿನನಿತ್ಯ ಓಡುವುದರಿಂದ ನಿಮ್ಮ ದೇಹ ಮತ್ತು ಮೂಳೆಗಳ ಮೇಲೆ ದೀರ್ಘಕಾಲದವರೆಗೆ ಪರಿಣಾಮ ಬೀರಬಹುದು. ಅದರಲ್ಲೂ ಪ್ರಮುಖವಾಗಿ ನಿಮ್ಮ ಕೀಲುಗಳ ಮೇಲೆ ಓಡುವಾಗ ಹೆಚ್ಚಿನ ಒತ್ತಡ ಬೀಳುತ್ತದೆ. ಓಡುವುದಕ್ಕೆ ಹೋಲಿಸಿದರೆ ಸೈಕ್ಲಿಂಗ್ ಮಾಡುವಾಗ ಕೀಲುಗಳಿಗೆ ಅಷ್ಟು ದೊಡ್ಡ ಮಟ್ಟದಲ್ಲಿ ಪರಿಣಾಮವಾಗದು ಮತ್ತು ದೈಹಿಕವಾಗಿ ಗಾಯಾಳುವಾಗುವ ಸಮಸ್ಯೆಯೂ ಕಡಿಮೆ.

5. ಸ್ನಾಯುಗಳು ಬಲಿಷ್ಠವಾಗಲು

ಸೈಕ್ಲಿಂಗ್ ದೇಹದ ಕೆಳಭಾಗ ಅದರಲ್ಲೂ ತೊಡೆ ಮತ್ತು ಕಾಲುಗಳಿಗೆ ಒಳ್ಳೆಯ ವ್ಯಾಯಾಮ ನೀಡುತ್ತದೆ. ಸೈಕ್ಲಿಂಗ್ ಮೂಲಕ ನಿಮ್ಮ ದೇಹದ ಕೆಳಗಿನ ಭಾಗದ ಸ್ನಾಯುಗಳನ್ನು ಬಲಿಷ್ಠಗೊಳಿಸಬಹುದು. ಆದರೆ ಓಡುವುದರಿಂದ ಸ್ನಾಯುಗಳು ಬಲಗೊಳ್ಳುವ ಬದಲಿಗೆ ಅದರ ಮೇಲೆ ಹೆಚ್ಚಿನ ಒತ್ತಡ ಬೀಳುತ್ತದೆ. ನಿಮ್ಮ ದೇಹ ಬಲಿಷ್ಠಗೊಳಿಸಬಹುದು.

6. ಮೂಲಸೌಕರ್ಯ

ಓಡಲು ನಿಮಗೆ ಇಡೀ ಭೂಮಿಯೇ ಇದೆ. ಓರೆಕೋರೆಯಾಗಿರುವ ಭೂಪ್ರದೇಶ, ಇಳಿಜಾರು ಮತ್ತು ಹುಲ್ಲಿನ ಬೆಟ್ಟಗಳಲ್ಲಿ ನೀವು ಓಡಬಹುದು. ಆದರೆ ಸೈಕ್ಲಿಂಗ್ ಗೆ ಸ್ಥಿರ ಮತ್ತು ಸಮತಟ್ಟದ ಮಾರ್ಗವಿದ್ದರೆ ಹೆಚ್ಚಿನ ಶ್ರಮವಿಲ್ಲದೆ ಸೈಕ್ಲಿಂಗ್ ಮಾಡಬಹುದು. ನಗರಗಳಲ್ಲೂ ಸೈಕಲ್ ನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳಬೇಕಾದರೆ ಕಡಿಮೆ ವಾಹನದಟ್ಟಣೆಯಿರುವ ರಸ್ತೆಗಳು ಬೇಕಾಗುತ್ತದೆ.

7. ಖರ್ಚು ಮತ್ತು ನಿರ್ವಹಣೆ

ದೈಹಿಕ ಚಟುವಟಿಕೆ ಮಾಡಲು ಎರಡು ಅತ್ಯಂತ ಕಡಿಮೆ ವೆಚ್ಚದಾಯಕ. ಅದರಲ್ಲೂ ಓಡಲು ತುಂಬಾ ಕಡಿಮೆ ವೆಚ್ಚ ಹಾಗೂ ನಿರ್ವಹಣೆ ಬೇಕಾಗುತ್ತದೆ. ರನ್ನಿಂಗ್ ಗೆ ಒಂದು ಜತೆ ಶೂ ಇದ್ದರೆ ಸಾಕು. ಇದನ್ನು ಪ್ರತೀ ಆರು ತಿಂಗಳಿಗೊಮ್ಮೆ ಬದಲಾಯಿಸಬಹುದು. ಸೈಕ್ಲಿಂಗ್ ಗೆ ಆರಂಭದಲ್ಲಿ ಹಣ ಹೂಡಬೇಕು ಮತ್ತು ಕಾಲಕಾಲಕ್ಕೆ ಇದರ ನಿರ್ವಹಣೆ ಕೂಡ ಹಣ ಬೇಕಾಗುತ್ತದೆ.