ಈ ರೀತಿಯ ಗಾಯ ತುಂಬಾ ಅಪಾಯಕಾರಿ!

Wellness

oi-Reena

By Hema S

Updated: Tuesday, September 25, 2012, 12:26 [IST]

ಜೋರಾಗಿ ಬಿದ್ದಾಗ ತರಚು ಗಾಯಗಳಾಗಿ ರಕ್ತ ಬರುವುದು ಸಹಜ. ಆ ರೀತಿ ಉಂಟಾದರೆ ಸ್ವಲ್ಪ ಹೊತ್ತು ರಕ್ತ ಹರಿದು ನಂತರ ನಿಂತು ಹೋಗುತ್ತದೆ. ಆದರೆ ಕೆಲವರಿಗೆ ಗಾಯವಾದರೆ ರಕ್ತ ಹರಿಯುವುದು ನಿಲ್ಲುವುದಿಲ್ಲ. ದೇಹದ ಆರೋಗ್ಯದಲ್ಲಿ ಏನಾದರೂ ಸಮಸ್ಯೆ ಇದ್ದರೆ, ದೇಹದಲ್ಲಿ ರಕ್ತಸಂಚಾರ ಸರಿಯಾಗಿರದೆ ಸ್ವಲ್ಪ ತಾಗಿದರೂ ರಕ್ತ ಬಂದು ಬಿಡುತ್ತದೆ ಮತ್ತು ಸುಲಭದಲ್ಲಿ ನಿಲ್ಲುವುದಿಲ್ಲ.

ಮತ್ತೆ ಕೆಲವರ ದೇಹದಲ್ಲಿ ಗಾಯ ಕಂಡುಬರುತ್ತದೆ ಆದರೆ ಆ ಗಾಯ ಉಂಟಾಗಿರುವುದಕ್ಕೆ ಕಾರಣ ಮಾತ್ರ ಗೊತ್ತಿರುವುದಿಲ್ಲ, ತನ್ನಿಷ್ಟಕ್ಕೆ ಗಾಯ ಕಂಡುಬಂದಿರುತ್ತದೆ. ಈ ರೀತಿ ಸಮಸ್ಯೆ ಕಂಡುಬಂದರೆ ಈ ಕೆಳಗಿನ ಕಾಯಿಲೆಗಳು ಪ್ರಮುಖ ಕಾರಣವಾಗಿವೆ.

ವಿಟಮಿನ್ ಕೆಯ ಕೊರತೆ: ವಿಟಮಿನ್ ಕೆ ಕೊರತೆ ತುಂಬಾ ಇದ್ದರೆ ದೇಹದಲ್ಲಿ ಚರ್ಮದ ಕೆಳ ಭಾಗದಲ್ಲಿ ರಕ್ತ ಹೆಪ್ಪು ಗಟ್ಟುವುದರಿಂದ ಈ ರೀತಿಯ ಕಾಯಿಲೆ ಕಂಡು ಬರುತ್ತದೆ. ಆಗ ಗಾಯವಾದಾಗ ತುಂಬಾ ರಕ್ತ ಹರಿಯುತ್ತದೆ. ಈ ಸಮಸ್ಯೆಯ್ನನು ತಡೆಗಟ್ಟಲು ವಿಟಮಿನ್ ಕೆ ಇರುವ ಆಹಾರ ತಿನ್ನಬೇಕು.
ಸೊಪ್ಪು-ತರಕಾರಿಗಳು, ಪಾಲಾಕ್, ಬಾಳೆ ಗಿಡದಿಂದ ತಯಾರಿಸುವ ಖಾದ್ಯ, ಎಲೆಕೋಸು, ಬ್ರೊಕೋಲಿ, ಅಣಬೆ ಇವುಗಳಲ್ಲಿ ವಿಟಮಿನ್ ಕೆ ಅಂಶವಿರುತ್ತದೆ.

ಕಡಿಮೆ ಪ್ರಮಾಣದ ಕಿರುಬಿಲ್ಲೆ (Low Platelet): ದೇಹದಲ್ಲಿ ಯಾವುದಾದರೂ ದೊಡ್ಡ ಕಾಯಿಲೆ ಇದ್ದರೆ ದೇಹದಲ್ಲಿ ಕಿರುಬಿಲ್ಲೆಗಳ ಪ್ರಮಾಣ ಕಡಿಮೆಯಾಗುತ್ತದೆ. ಇದರಿಂದ ಗಾಯವಾದರೆ ರಕ್ತ ಬೇಗನೆ ಹೆಪ್ಪುಗಟ್ಟುವುದಿಲ್ಲ.

ವಂಶಪಾರಂಪರ್ಯವಾಗಿ ಬಂದ ಕಾಯಿಲೆ: ಕೆಲವರಿಗೆ ಗಾಯವಾದರೆ ರಕ್ತ ಬೇಗನೆ ಹೆಪ್ಪುಗಟ್ಟುವುದಿಲ್ಲ. ಈ ರೀತಿಯ ಕಾಯಿಲೆ ವಂಶಪಾರಂಪರ್ಯವಾಗಿ ಬಂದಿರುತ್ತದೆ. ಇಂತಹವರು ಆದಷ್ಟು ಗಾಯವಾಗದಂತೆ ಎಚ್ಚರವಹಿಸಬೇಕು.

ವಯಸ್ಸಾದಾಗ: ವಯಸ್ಸಾದಂತೆ ದೇಹ ದುರ್ಬಲವಾಗುತ್ತದೆ. ಆ ಸಮಯದಲ್ಲಿ ಚಿಕ್ಕ ಗಾಯವಾದರೂ ಸಾಕಷ್ಟು ರಕ್ತ ಹರಿಯುತ್ತದೆ.

ಬ್ಲಡ್ ಕ್ಯಾನ್ಸರ್: ರಕ್ತದಲ್ಲಿ ಕ್ಯಾನ್ಸರ್ ಕಣಗಳಿದ್ದರೆ ಮೂಗು ಮತ್ತು ದವಡೆಯಲ್ಲಿ ರಕ್ತ ಬರಲಾರಂಭಿಸುತ್ತದೆ.

ತನ್ನಿಷ್ಟಕ್ಕೆ ಗಾಯವಾದರೆ ಅಥವಾ ಗಾಯವಾಗಿ ರಕ್ತ ಹೆಪ್ಪುಗಟ್ಟದಿದ್ದರೆ ಚಿಕಿತ್ಸೆ ಹೇಗೆ ಮಾಡಬೇಕೆಂದು ತಿಳಿಯಲು ಮುಂದೆ ಓದಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.