ವಂಶಪಾರಂಪರ್ಯವಾಗಿ ಬರುವ ಕಾಯಿಲೆಗಳ ಬಗ್ಗೆ ಎಚ್ಚರ!

Published: Thursday, June 14, 2012, 12:39 [IST]

ವಂಶಪಾರಂಪರ್ಯವಾಗಿ ಬರುವ ಆಸ್ತಿಯಂತೆ ಕೆಲವೊಂದು ಕಾಯಿಲೆಗಳು ಕೂಡ ಅನುವಂಶೀಯವಾಗಿ ಬಂದು ಬಿಡುತ್ತವೆ. ಆದರೆ ವಂಶಪಾರಂಪರ್ಯವಾದ ಕಾಯಿಲೆಗಳು ಹಿರಿಯರಲ್ಲಿ ಇದ್ದಲ್ಲಿ ಅವರ ನಂತರದ ಪೀಳಿಗೆಯವರು ಸ್ವಲ್ಪ ಮುನ್ನಚ್ಚರಿಕೆಯ ಕ್ರಮ ಕೈಕೊಂಡರೆ ಆ ಕಾಯಿಲೆಗಳನ್ನು ಬರದಂತೆ ತಡೆಯಬಹುದು. ಈ ಕೆಳಗ್ಗೆ ವಂಶಪಾರಂಪರ್ಯವಾಗಿ ಬರುವ ಕಾಯಿಲೆಗಳ ಪಟ್ಟಿ ನೀಡಲಾಗಿದೆ. ಈ ಕಾಯಿಲೆಗಳು ನಿಮ್ಮ ಮನೆಯ ಹಿರಿಯರಲ್ಲಿ ಯಾರಿಗಾದರೂ ಇದ್ದರೆ, ಅ ಕಾಯಿಲೆ ಬರದಂತೆ ಮುನ್ನಚ್ಚರಿಕೆ ಕ್ರಮಗಳನ್ನು ನೀವು ಕೈಗೊಂಡರೆ ವಂಶಪಾರಂಪರ್ಯವಾದ ಕಾಯಿಲೆಗಳ ಭೀತಿ ಇಲ್ಲದೆ ಜೀವಿಸಬಹುದು.

ವಂಶಪಾರಂಪರ್ಯವಾಗಿ ಬರುವ ಕಾಯಿಲೆಗಳು:

1. ಒಬೆಸಿಟಿ: ಇವತ್ತು ಗ್ರಾಮೀಣ ಪ್ರದೇಶಕ್ಕಿಂತ ನಗರ ಪ್ರದೇಶದಲ್ಲಿ ಅತೀ ಹೆಚ್ಚಿನ ಜನರು ಒಬೆಸಿಟಿ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಅದಕ್ಕೆ ಮುಖ್ಯ ಕಾರಣ ಜೀವನ ಶೈಲಿ. ಕೆಲವರಿಗೆ ವಂಶಪಾರಂಪರ್ಯವಾಗಿ ಬಂದಿದ್ದರೆ ಮತ್ತೆ ಕೆಲವರಿಗೆ ಅನಾರೋಗ್ಯಕರ ಆಹಾರ ಪದ್ಧತಿ, ವ್ಯಾಯಾಮ ಮಾಡದಿರುವುದು, ಕೂತಯಲ್ಲಿಯೇ ಕೂತು ಕೆಲಸ ಮಾಡುವುದರಿಂದ ಒಬೆಸಿಟಿ ಸಮಸ್ಯೆ ಹೆಚ್ಚಾಗುತ್ತದೆ. ಆದರೆ ಈ ಒಬೆಸಿಟಿ ಸಮಸ್ಯೆ ದೊಡ್ಡವರಿಗೆ ಮಾತ್ರವಲ್ಲದೆ ಚಿಕ್ಕ ಮಕ್ಕಳಲ್ಲಿ ಕೂಡ ಕಂಡು ಬರುತ್ತಿದ್ದು, ಇದಕ್ಕೆ ವಂಶಪಾರಂಪರ್ಯ ಒಂದು ಕಾರಣವಾಗಿದೆ. ತಂದೆ-ತಾಯಿಗೆ ಒಬೆಸಿಟಿ ಇದ್ದರೆ ಮಕ್ಕಳಿಗೂ ಈ ಸಮಸ್ಯೆ ಬರಬಹುದು. ಇದನ್ನು ಬರದಂತೆ ತಡೆಯಲು ದಿನನಿತ್ಯ ವ್ಯಾಯಾಮ ಮತ್ತು ಆರೋಗ್ಯಕರ ಆಹಾರಕ್ರಮ ಪಾಲಿಸಬೇಕು.

2. ಮಧುಮೇಹ: ಮಧುಮೇಹ ಒಮ್ಮೆ ಬಂದರೆ ಅದನ್ನು ನಿಯಂತ್ರಣದಲ್ಲಿಡಬಹುದೇ ಹೊರತು ಸಂಪೂರ್ಣವಾಗಿ ಗುಣಪಡಿಸಲು ಸಾಧ್ಯವಿಲ್ಲ. ಆದ್ದರಿಂದ ಆದಷ್ಟು ಮಧುಮೇಹ ಕಾಯಿಲೆ ಬರದಂತೆ ಎಚ್ಚರಿಕೆ ವಹಿಸುವುದು ಒಳ್ಳೆಯದು. ಈ ಕಾಯಿಲೆ ವಂಶಪಾಂಪರ್ಯವಾಗಿ ಕಂಡು ಬರುವು ಸಾಧ್ಯತೆ ಹೆಚ್ಚು. ಆದ್ದರಿಂದ ಮನೆಯಲ್ಲಿ ಯಾರಿಗಾದರೂ ಮಧುಮೇಹ ಇದ್ದರೆ ಕಿರಿಯರು ಆರೋಗ್ಯಕರ ಆಹಾರ ಪದ್ಧತಿ ಅನುಸರಿಸಿ ಮಧುಮೇಹ ಬರದಂತೆ ತಡೆಯಬಹುದು.

3. ಸ್ತನ ಕ್ಯಾನ್ಸರ್: ಎಲ್ಲಾ ಕ್ಯಾನ್ಸರ್ ವಂಶಪಾರಂಪರ್ಯವಾಗಿ ಬರುವುದಿಲ್ಲ. ಆದರೆ ಸ್ತನ ಕ್ಯಾನ್ಸರ್ ವಂಶಪಾರಂಪರ್ಯವಾಗಿ ಬರುವ ಸಾದ್ಯತೆ ಹೆಚ್ಚು. ಮನೆಯಲ್ಲಿ ಅಜ್ಜಿ, ಅಥವಾ ತಾಯಿಗೆ ಸ್ತನ ಕ್ಯಾನ್ಸರ್ ಇದ್ದರೆ ಮಗಳು ಅಥವಾ ಮೊಮ್ಮಗಳಿಗೆ ಬರಬಹುದು. ಆದ್ದರಿಂದ 20 ವರ್ಷ ದಾಟಿದ ಮಹಿಳೆಯರು ಆಗಾಗ ತಮ್ಮ ಸ್ತನವನ್ನು ಸ್ವ ಪರೀಕ್ಷೆ ಮಾಡಿಕೊಳ್ಳಬೇಕು. ಸ್ತನದಲ್ಲಿ ಗೆಡ್ಡೆ ರೀತಿ ಕಂಡಬಂದರೆ ನಿರ್ಲಕ್ಷ್ಯ ಮಾಡದೆ ಕೂಡಲೇ ವೈದ್ಯರಿಗೆ ತೋರಿಸಬೇಕು. ಸ್ತನ ಕ್ಯಾನ್ಸರ್ ಮೊದಲನೆ ಹಂತದಲ್ಲಿ ಇದ್ದರೆ ಚಿಕಿತ್ಸೆ ಸುಲಭವಾಗುತ್ತದೆ.

4. ಕೀಲುನೋವು (ವಾತ): ಕೀಲು ನೋವು ಅಥವಾ ವಾತ ವಯಸ್ಸಾದವರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಈ ಕಾಯಿಲೆ ಇದ್ದರೆ ವಂಶಪಾರಂಪರ್ಯವಾಗಿ ಬರಬಹುದು. ಅದರಲ್ಲೂ ಮೆನೋಪಸ್ ನಂತರ ಈ ರೀತಿಯ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ. ದೇಹದಲ್ಲಿ ಕ್ಯಾಲ್ಸಿಯಂ ಕಮ್ಮಿಯಾಗುವುದು ಕೂಡ ಒಂದು ಕಾರಣ. ಆದ್ದರಿಂದ ಅಧಿಕವಿರುವ ಕ್ಯಾಲ್ಸಿಯಂ ಆಹಾರ ತಿನ್ನಬೇಕು.

5. ಹೃದಯಾಘಾತ: ಒಬೆಸಿಟಿ ಕೂಡ ಹೃದಯಾಘಾತಕ್ಕೆ ದೊಡ್ಡ ಕಾರಣವಾಗಿದೆ. ಹೃದ್ರೋಗ ಸಮಸ್ಯೆ ಕೂಡ ಒಂದು ವಂಶಪಾರಂಪರ್ಯವಾಗಿ ಬರುವಂತ ಕಾಯಿಲೆಯಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.