ಸೊಂಟ ನೋವಿನ ಸಂಕಟಕ್ಕೆ ಪರಿಹಾರ

ಸೊಂಟ ನೋವಿಗೆ ಮೆಡಿಕಲ್ ಔಷಧಿ ತಾತ್ಕಾಲಿಕ ಪರಿಹಾರ ನೀಡುತ್ತದೆ. ಆದರೆ ಇಂತಹ ಔಷದಿಯಿಂದ ಅಡ್ಡಪರಿಣಾಮವೇ ಹೆಚ್ಚು. ಸೊಂಟ ನೋವಿಗೆ ಯಾವುದೇ ಅಡ್ಡಪರಿಣಾಮವಿಲ್ಲದ ನೈಸರ್ಗಿಕ ಚಿಕಿತ್ಸೆ ಇಲ್ಲಿದೆ. ಇದು ಮನೆಮದ್ದು.

1. ಜ್ಯೂಸ್: ಕ್ಯಾರೆಟ್ ಜ್ಯೂಸ್, ನಿಂಬೆ ಹಣ್ಣಿನ ಪಾನೀಯ, ದ್ರಾಕ್ಷಿ ಜ್ಯೂಸ್ ಇವುಗಳನ್ನು ದಿನವೂ ಬೆಳಗ್ಗೆ ಸೇವಿಸಿದರೆ ಸೊಂಟ ನೋವು ಕಡಿಮೆಯಾಗುವುದು.

2. ಟೀ: ಗ್ರೀನ್ ಟೀ, ನಿಂಬೆ ಮತ್ತು ಜೇನು ಹಾಕಿ ತಯಾರಿಸಿದ ಟೀ, ಚಕ್ಕೆ ಟೀ ತಯಾರಿಸಿ ಕುಡಿಯುವುದರಿಂದ ಸೊಂಟ ನೋವು ಕಡಿಮೆಯಾಗುವುದು. 35 ವರ್ಷದ ನಂತರ ಸೊಂಟ ನೋವು ಹೆಚ್ಚು ಕಾಣಿಸಿಕೊಳ್ಳುವುದರಿಂದ ಅಂತಹ ನೋವು ನಿವಾರಣೆಗೆ ಟೀ ಕುಡಿಯುವುದು ಒಳ್ಳೆಯದು.

3. ಎಣ್ಣೆ: ಸಾಸಿವೆ ಎಣ್ಣೆ ಅಥವಾ ಆಲೀವ್ ಎಣ್ಣೆ ಬಿಸಿ ಮಾಡಿ ಮಸಾಜ್ ಮಾಡಿದರೆ ದೇಹದಲ್ಲಿ ರಕ್ತ ಸಂಚಲನ ಹೆಚ್ಚಿ ಸೊಂಟ ನೋವು ಬರದಂತೆ ತಡೆಯುತ್ತದೆ.

4. ಇತರ ನೈಸರ್ಗಿಕ ವಿಧಾನ: ಜೀರಿಗೆ ನೀರು ಕುಡಿಯುವುದು, ಅರಿಶಿಣ ಮತ್ತು ಶುಂಠಿ ಪೇಸ್ಟ್ ರೀತಿ ಮಾಡಿ ನೋವಿರುವ ಜಾಗಕ್ಕೆ ಹಚ್ಚಬಹುದು.

5. ವ್ಯಾಯಾಮ: ಯೋಗ ಅಥವಾ ಇತರ ವ್ಯಾಯಾಮ ಮಾಡುತ್ತಿದ್ದರೆ ಸೊಂಟ ನೋವು ಕಡಿಮೆಯಾಗುವುದು ಮತ್ತು ದೇಹದ ತೂಕವನ್ನು ಹತೋಟಿಯಲ್ಲಿಡಬಹುದು.