ಬಿಗಿಯಾದ ಬಟ್ಟೆಯಿಂದ ಅನಾರೋಗ್ಯ ಗ್ಯಾರಂಟಿ

Wellness

oi-Reena

By Hema S

Published: Saturday, December 17, 2011, 12:08 [IST]

ಸಡಿಲವಾದ ಬಟ್ಟೆಗಿಂತ ಬಿಗಿಯಾದ ಬಟ್ಟೆಯನ್ನು ಧರಿಸಲು ಹದಿಹರೆಯದವರು ಹೆಚ್ಚಾಗಿ ಇಷ್ಟಪಡುತ್ತಾರೆ. ಆದರೆ ಈ ರೀತಿ ಬಿಗಿಯಾದ ಮತ್ತು ಮೈಗಂಟಿದ ಬಟ್ಟೆ ಧರಿಸುವುದರಿಂದ ಆರೋಗ್ಯದ ಮೇಲಾಗುವ ದುಷ್ಪಾರಿಣಾಮದ ಬಗ್ಗೆ ತಿಳಿದುಕೊಂಡಿರುವುದಿಲ್ಲ. ಬಿಗಿಯಾದ ಬಟ್ಟೆ ಯಾವೆಲ್ಲಾ ರೀತಿಯ ಸಮಸ್ಯೆ ತರುತ್ತದೆ ಎಂದು ತಿಳಿಯಲು ಮುಂದೆ ಓದಿ.

1. ತೊಡೆ ನೋವು: ಬಿಗಿಯಾದ ಪ್ಯಾಂಟ್ ಧರಿಸುವುದರಿಂದ ತೊಡೆಯಲ್ಲಿ ನರ ಸೆಳತ ಉಂಟಾಗಿ ನೋವು ಕಾಣಿಸಿಕೊಳ್ಳಲಾರಂಭಿಸುತ್ತದೆ. ಇದನ್ನು ನಿವಾರಿಸ ಬೇಕೆಂದರೆ ಸಡಿಲವಾದ ಪ್ಯಾಂಟ್ ಧರಿಸುವುದೊಂದೆ ಪರಿಹಾರ.

2. ಬೆನ್ನು ನೋವು: ಬಿಗಿಯಾದ ಪ್ಯಾಂಟ್ ಧರಿಸಿದರೆ ಬೆನ್ನು ನೋವು ಕೂಡ ಕಂಡು ಬರುತ್ತದೆ. ಆದ್ದರಿಂದ ಜೀನ್ಸ್ ಪ್ಯಾಂಟ್ ಕೊಳ್ಳುವಾಗ ತುಂಬಾ ಬಿಗಿಯಾದ ಪ್ಯಾಂಟ್ ಕೊಳ್ಳದಿರುವುದೆ ಉತ್ತಮ.

3. ಉಸಿರಾಟದ ತೊಂದರೆ: ತುಂಬಾ ಬಿಗಿಯಾದ ಉಡುಪುಗಳನ್ನು ಧರಿಸಿದರೆ ಉಸಿರಾಡಲು ಕಷ್ಟವಾಗುತ್ತದೆ. ಅಲ್ಲದೆ ಕಾಲುಗಳನ್ನು ಸುಲಭವಾಗಿ ಮಡಚಲು ಅಥವಾ ಬಗ್ಗಲು ಸಾಧ್ಯವಿಲ್ಲ. ಕುತ್ತಿಗೆಗೆ ತುಂಬಾ ಬಿಗಿಯಾಗಿ ನಿಲ್ಲವಂತಹ ಟಿ ಶರ್ಟ್ ಕೂಡ ಧರಿಸಬಾರದು.

4. ಎದೆ ಉರಿ ಮತ್ತು ಹೊಟ್ಟೆಯಲ್ಲಿ ನೋವು: ತುಂಬಾ ಬಿಗಿಯಾದ ಪ್ಯಾಂಟ್ ಧರಿಸುವುದರಿಂದ ಹೊಟ್ಟೆಯಲ್ಲಿ ನೋವು ಉಂಟಾಗುತ್ತದೆ, ಎದೆ ಉರಿ ಕಾಣಿಸಿಕೊಳ್ಳುತ್ತದೆ , ಬಾಯಿಯಲ್ಲಿ ಕಹಿ ನೀರು ಬರಲಾರಂಭಿಸುತ್ತದೆ. ಆದ್ದರಿಂದ ದಿನವೂ ಬಿಗಿಯಾದ ಉಡುಪು ಧರಿಸುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.