ಕಾಯಿಲೆ ನಿವಾರಣೆಗೆ ಸಂಗೀತವೆಂಬ ದಿವ್ಯ ಔಷಧಿ

ತುಂಬಾ ದುಃಖ ಆದಾಗ ಅಥವಾ ಸಂತೋಷ ಆದಾಗ ಸಂಗೀತವನ್ನು ಕೇಳುತ್ತಿದ್ದರೆ ಅದು ಕೂಡ ನಮ್ಮ ಭಾವನೆಗೆ ಸ್ಪಂದಿಸುತ್ತಿರುವಂತೆ ಭಾಸವಾಗಿ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ.ಸಂಗೀತ ಮನರಂಜನೆ ಅಥವಾ ಮನ ನೆಮ್ಮದಿಯನ್ನು ಮಾತ್ರ ಸೀಮಿತವಾಗಿಲ್ಲ ಕಾಯಿಲೆಗಳನ್ನು ಹೋಗಲಾಡಿಸುವ ದಿವ್ಯ ಮಂತ್ರವಾಗಿ ಕೆಲಸ ಮಾಡುತ್ತದೆ ಎಂದು ತಿಳಿದು ಬಂದಿದೆ.

ಈ ರೀತಿ ಸಂಗೀತದಿಂದ ಕಾಯಿಲೆ ಗುಣಪಡಿಸುವ ವಿಧಾನವನ್ನು ಮ್ಯೂಸಿಕ್ ಥೆರಪಿ ಎಂದು ಕರೆಯಲಾಗಿದೆ.ಕಾಲು-ಕೈಗಳಲ್ಲಿನ ನೋವು, ನರ ಸೆಳತ, ಕೀಲು ನೋವು ನಿವಾರಣೆ ಚಿಕಿತ್ಸೆಯಲ್ಲಿ ಸಂಗೀತ ಥೆರಪಿ ತುಂಬಾ ಸಹಕಾರಿಯಾಗಿದೆ ಎಂದು ಮೂಳೆ ತಜ್ಞರು ಕೂಡ ಒಪ್ಪುತ್ತಾರೆ.

ಸಂಗೀತವನ್ನು ಕೇಳುವಾಗ ಮನುಷ್ಯ ಅದರ ರಾಗ, ತಾಳಕ್ಕೆ ಸ್ಪಂದಿಸಲಾರಂಭಿಸುತ್ತಾನೆ. ಇದರಿಂದ ದುಬಾರಿ ಔಷಧಿಗೆ ಗುಣವಾಗದ ಅನೇಕ ಕಾಯಿಲೆಗಳು ಸಂಗೀತದಿಂದ ಗುಣವಾಗಿದೆ.

ಆಯುರ್ವೇದ ಚಿಕಿತ್ಸೆಯಲ್ಲಿ ಅನೇಕ ಕಾಯಿಲೆಗಳನ್ನು ಗುಣಪಡಿಸಲು ಸಂಗೀತವನ್ನು ಬಳಸುತ್ತಾರೆ. ಭೈರವಿ, ಕಲ್ಯಾಣ್, ಯಮನ್ ಮುಂತಾದ ರಾಗಗಳನ್ನು ಮೂಳೆ ಸಂಬಂಧಿ ರೋಗಳನ್ನು ಗುಣಪಡಿಸಲು ಬಳಸುತ್ತಾರೆ. ತಬಲ, ಡೋಲು, ತಮಟೆ ಇವುಳನ್ನು ಖಿನ್ನತೆ ಕಾಯಿಲೆಗಳನ್ನು ಗುಣಪಡಿಸಲು ಬಳಸಲಾಗುವುದು. ಕೊಳಲು, ಗಿಟಾರ್, ಸಿತಾರ್ ಮಾನಸಿಕ ಸಮತೋಲನ ಕಳೆದು ಕೊಂಡ ಜನರಿಗೆ ಇದನ್ನು ಕೇಳಿಸಿದರೆ ಅವರು ಮಾನಸಿಕವಾಗಿ ಸದೃಢವಾಗಲು ಸಹಾಯ ಮಾಡುತ್ತದೆ.

ಸಂಗೀತವನ್ನು ಕೇಳುತ್ತಿದ್ದರೆ ಮೆದುಳಿನಲ್ಲಿ ಎಂಡ್ರೊಪಿನ್ಸ್ ಬಿಡುಗಡೆ ಮಾಡುತ್ತದೆ, ಇದು ರಕ್ತದೊತ್ತಡವನ್ನು ಕಡಿಮೆ ಮಾಡಿ ಹೃದಯ ಸಂಬಂಧಿ ಕಾಯಿಲೆಗಳನ್ನು ಕಡಿಮೆ ಮಾಡುತ್ತದೆ. ಮನಶಾಸ್ತ್ರಜ್ಞರು ಸಂಗೀತವು ಅನೇಕ ಗುಣಪಡಿಸಲಾಗದ ಮಾನಸಿಕ ಕಾಯಿಲೆಯನ್ನು ಗುಣಪಡಿಸುವ ಶಕ್ತಿ ಇದೆ ಎಂದು ಹೇಳುತ್ತಾರೆ.

ಇದರ ಬಗ್ಗೆ ನಡೆಸಿದ ಅಧ್ಯಯನದಲ್ಲಿ ಕೂಡ ಸಂಗೀತಕ್ಕೆ ಕಾಯಿಲೆ ಗುಣ ಪಡಿಸುವಶಕ್ತಿ ಇದೆ ಎಂದು ದೃಢ ಪಟ್ಟಿದೆ. ಹಾಗಂತ ಹಾಡು ಪ್ಲೇ ಮಾಡಿ ಕೇಳಿದರೆ ಮಾತ್ರ ಸಾಲದು ಜೊತೆಗೆ ವೈದ್ಯರು ಸೂಚಿಸಿದ ಔಷಧಿಗಳನ್ನು ಸೇವಿಸಿ, ಈ ಸಂಗೀತ ಥೆರಪಿ ಮಾಡುವುದರಿಂದ ಕಾಯಿಲೆಯನ್ನು ಶಮನ ಮಾಡಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.