ಎಚ್1ಎನ್1 ಮಹಾಮಾರಿಗೆ ಭಾರತದ ಲಸಿಕೆ

Wellness

oi-Mahesh

By Mahesh

Updated: Thursday, March 28, 2013, 10:50 [IST]

ಹೈದರಾಬಾದ್, ಅ.18: ಇಲ್ಲಿನ ಭಾರತ್ ಬಯೋಟೆಕ್ ಎಚ್ 1ಎನ್ 1 ಮಹಾಮಾರಿಗೆ ಲಸಿಕೆ ಕಂಡುಹಿಡಿದಿದೆ. ಭಾರತದ ಮೊತ್ತಮೊದಲ ಅಧಿಕೃತ ಲಸಿಕೆಯಾಗಿ HNVAC ಬ್ರ್ಯಾಂಡ್ ಹೆಸರಿನಲ್ಲಿ ಇಂದು ಬಿಡುಗಡೆಗೊಳಿಸಲಾಗಿದೆ.

ತತ್ತಿಗಳ ಪುನರುತ್ಪತ್ತಿಯ ಮೇಲೆ ನಿಯಂತ್ರಣ ಸಾಧಿಸುವ ಕೋಶ ಸಂಸ್ಕೃತಿ(cell culture) ಆಧಾರ ಮೆಲೆ ಈ HNVAC ಲಸಿಕೆಯನ್ನು ಉತ್ಪಾದಿಸಲಾಗಿದೆ ಎಂದು ಭಾರತ್ ಬಯೋಟೆಕ್ ಸಂಸ್ಥೆ ಹೇಳಿದೆ.

ಸುಮಾರು ಮೂರು ಹಂತಗಳಲ್ಲಿ ಲಸಿಕೆಯ ಗುಣ ಪರೀಕ್ಷೆ ನಡೆಸಲಾಗಿದೆ. ಇದು ನೂರಕ್ಕೆ ನೂರರಷ್ಟು ಸುರಕ್ಷಿತ, ಪರಿಣಾಮಕಾರಿ ಹಾಗೂ ಕಡಿಮೆ ವೆಚ್ಚದಲ್ಲಿ ಜನರಿಗೆ ಸಿಗಲಿದೆ ಎಂದು ಭಾರತ್ ಬಯೋಟೆಕ್ ನ ಮುಖ್ಯಸ್ಥ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಡಾ. ಕೃಷ್ಣ ಎಲ್ಲಾ ಸುದ್ದಿಗಾರರಿಗೆ ತಿಳಿಸಿದರು.

ಸರ್ಕಾರಿ ಏಜೆನ್ಸಿಗಳ ಮೂಲಕ ಖಾಸಗಿ ಮಾರುಕಟ್ಟೆಯಲ್ಲೂ ಈ ಲಸಿಕೆ ಲಭ್ಯವಾಗಲಿದೆ. ಅಕ್ಟೋಬರ್ ತಿಂಗಳ ಆರಂಭದಲ್ಲಿ ಈ HNVAC ಲಸಿಕೆಗೆ Drugs Controller General of India ದಿಂದ ಮಾನ್ಯತೆ ಸಿಕ್ಕಿದೆ.

ಈ ಜ್ವರ (swine influenza) ಸಾಂಕ್ರಾಮಿಕವಾಗಿದ್ದು, ಬಹುಬೇಗ ಎಲ್ಲರಿಗೂ ಹರಡುತ್ತದೆ. ಸಾಮಾನ್ಯ ಜ್ವರ, ಗಂಟಲು ನೋವು, ಮೈಕೈ ನೋವು, ತೀವ್ರ ತಲೆನೋವು , ಕೆಮ್ಮು, ನಿಃಶಕ್ತಿ ಹಾಗೂ ಆಲಸ್ಯ ಮುಂತಾದ ಲಕ್ಷಣಗಳು ಎಚ್ 1ಎನ್ 1 ರೋಗಿಗಳಲ್ಲಿ ಕಾಣಿಸಿಕೊಳ್ಳುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.