ಎದೆಬಡಿತ ಕಡಿಮೆ ಇರುವ ಪುರುಷ ಮಹಿಳೆಯರನ್ನು ಗೇಲಿ ಮಾಡುತ್ತಾನಂತೆ!

ಮಹಿಳೆಯರನ್ನು ನೋಡಿದರೆ ಛೇಡಿಸುವಂತಹ ಪುರುಷರು ಪ್ರತಿಯೊಂದು ಕಡೆಯಲ್ಲೂ ಇರುತ್ತಾರೆ. ಅವರ ನಡವಳಿಕೆ ನೋಡಿ ನಮಗೆ ತುಂಬಾ ಹೇಸಿಗೆಯಾಗುವುದು. ಆದರೆ ಅವರು ಇದನ್ನು ಮುಂದುವರಿಸುತ್ತಲೇ ಇರುತ್ತಾರೆ. ಆದರೆ ಪುರುಷರು ಹೀಗೆ ಮಾಡಲು ಬೇರೆಯದೇ ಆದ ಕಾರಣವಿದೆ. ಅದೇನೆಂದರೆ ಕಡಿಮೆ ಹೃದಯಬಡಿತವಿರುವ ಪುರುಷರು ಮಹಿಳೆಯರನ್ನು ಛೇಡಿಸುವವರು (ಗೇಲಿ ಮಾಡು) ಮತ್ತು ಇತರ ಕೆಲವು ಸಮಾಜಘಾತುಕ ಕೆಲಸಗಳಲ್ಲಿ ಕೂಡ ತೊಡಗಿಕೊಳ್ಳುತ್ತಾರೆ ಎಂದು ಅಧ್ಯಯನಗಳು ಹೇಳಿವೆ.

ಪುರುಷನೊಬ್ಬನ ಹೃದಯ ಬಡಿತವು ಪ್ರಮಾಣಿತ ವಿಚಲನೆಗಿಂತ ಕಡಿಮೆ ಅಥವಾ ತುಂಬಾ ಕೆಳಗಿದ್ದರೆ ಅಂತಹವರು ಮಹಿಳೆಯರನ್ನು ಛೇಡಿಸುವ ಸಾಧ್ಯತೆಯು ಇತರ ವ್ಯಕ್ತಿಗಳಿಗಿಂತ ಮೂರು ಪಟ್ಟು ಹೆಚ್ಚು ಇರುತ್ತದೆ. ಹೃದಯ ಬಡಿತ ಕಡಿಮೆ ಇರುವಂತಹವರಲ್ಲಿ ಮಹಿಳೆಯರನ್ನು ಛೇಡಿಸುವ ನಡವಳಿಕೆಯು ಗಮನೀಯವಾಗಿ ಹೆಚ್ಚಿರುತ್ತದೆ.

ಪ್ರಚೋದನೆಯ ಸಿದ್ಧಾಂತದ ಪ್ರಕಾರ ಪ್ರಚೋದನೆಯ ಮಟ್ಟ ತುಂಬಾ ಕಡಿಮೆ ಇರುವ ವ್ಯಕ್ತಿಗಳಲ್ಲಿ ಭೀತಿ ಕಡಿಮೆ ಮತ್ತು ಬಲಿಪಶುಗಳನ್ನು ಉತ್ತೇಜಿಸುವಂತಹ ಅವಕಾಶಗಳಿಗಾಗಿ ಕಾಯುತ್ತಾ ಇರುತ್ತಾರೆ. ಇಂತಹವರು ತಮ್ಮ ಸ್ಪೋಟಕ ನಡವಳಿಕೆ ತೋರಿಸಿಕೊಡುತ್ತಾರೆ ಎಂದು ಅಧ್ಯಯನಗಳು ತಿಳಿಸಿವೆ.

ಲೈಂಗಿಕತೆಗೆ ಸಂಬಂಧಿಸಿದಂತೆ ಆಕ್ರಮಣಶೀಲತೆ ಮತ್ತು ಸಮಾಜಬಾಹಿರ ಚಟುವಟಿಕೆಗಳಿಗೆ ಹೃದಯ ಬಡಿತ ಕಡಿಮೆ ಇರುವುದು ಪ್ರಭಾವ ಬೀರುತ್ತದೆ ಎಂದು ನಮ್ಮ ಅಧ್ಯಯನಗಳಿಂದ ತಿಳಿದುಬಂದಿದೆ.

ಈ ನಡವಳಿಕೆಗಳು ಲೈಂಗಿಕತೆ ಅಥವಾ ಮಹಿಳೆಯರನ್ನು ಛೇಡಿಸುವ ವಿಷಯಗಳಿಗೆ ಸಂಬಂಧಿದ್ದು ಆಗಿರಬಹುದು ಎಂದು ಅಮೆರಿಕಾದ ಟೆಕ್ಸಾಸ್ ನ ಸ್ಯಾಮ್ ಹೌಸ್ಟೊನ್ ಸ್ಟೇಟ್ ಯೂನಿವರ್ಸಿಟಿಯ ಡೇನಿಯಲ್ಲೆ ಬೊಯಿಸ್ವೆರ್ಟ್ ತಿಳಿಸಿದರು. ಛೇಡಿಸುವುದು ಆಕ್ರಮಣಶೀಲತೆ ಮತ್ತು ಹಿಂಸಾಪ್ರವೃತಿಗೆ ಕಾರಣವಾಗಿದೆ. ಇದು ಒಬ್ಬ ವ್ಯಕ್ತಿಯ ಮೇಲೆ ಮತ್ತೊಬ್ಬ ವ್ಯಕ್ತಿ ಅಥವಾ ಒಂದು ಗುಂಪು ಮಾಡುವಂತಹ ಕೃತ್ಯವಾಗಿದೆ.

ಇದು ಬಲಿಪಶುಗಳ ಮೇಲೆ ಮನೋವೈಜ್ಞಾನಿಕ, ಸಾಮಾಜಿಕ ಮತ್ತು ಆರ್ಥಿಕ ಪರಿಣಾಮ ಉಂಟು ಮಾಡುತ್ತದೆ. ಲೈಂಗಿಕತೆಗೆ ಸಂಬಂಧಿಸಿದಂತೆ ಹೃದಯದ ಬಡಿತ ಕಡಿಮೆ ಇರುವಂತಹ ಪುರುಷರಲ್ಲಿ ಮಾತ್ರ ಮಹಿಳೆಯರನ್ನು ಛೇಡಿಸುವಂತಹ ಗುಣಗಳು ಕಂಡುಬರುತ್ತದೆ. ಆದರೆ ಮಹಿಳೆಯರಲ್ಲಿ ಇದು ಕಂಡುಬರುವುದಿಲ್ಲ ಎಂದು ಅಧ್ಯಯನಗಳು ಹೇಳಿರುವುದಾಗಿ ಜರ್ನಲ್ ಆಫ್ ಇಂಟರ್ ಪರ್ಸನಲ್ ವೈಯಲೆನ್ಸ್ ನಲ್ಲಿ ಪ್ರಕಟಗೊಂಡಿದೆ.

ಅಮೆರಿಕಾದಲ್ಲಿರುವ ಹೃದಯ ಅಸೋಸಿಯೇಶನ್ ನ ಪ್ರಕಾರ ಸಾಮಾನ್ಯ ವ್ಯಕ್ತಿಯೊಬ್ಬನ ಹೃದಯ ಬಡಿತವು ಪ್ರತಿ ನಿಮಿಷಕ್ಕೆ 60 ರಿಂದ 100 ಸಲ ಬಡಿಯುತ್ತಿರಬೇಕು. ಆದರೆ ಸಾಮಾನ್ಯ ವ್ಯಕ್ತಿಯಲ್ಲಿ ಪ್ರತೀ ನಿಮಿಷಕ್ಕೆ 60ಕ್ಕಿಂತ ಕಡಿಮೆ ಬಡಿತವಿದ್ದರೆ ಅದನ್ನು ಬ್ರಾಡಿಕಾರ್ಡಿಯಾ ಎಂದು ಕರೆಯಲಾಗುತ್ತದೆ. ದೈಹಿಕವಾಗಿ ತುಂಬಾ ಕೆಲಸ ಮಾಡುವ ಮತ್ತು ಅಥ್ಲೆಟಿಕ್‌ಗಳಲ್ಲಿ 60ಕ್ಕಿಂತ ಕಡಿಮೆ ಹೃದಯಬಡಿತವು ಇರುತ್ತದೆ.

ಆದರೆ ಇದರಿಂದ ಯಾವುದೇ ಸಮಸ್ಯೆಯಿಲ್ಲ. ಯಾಕೆಂದರೆ ಅವರಿಗೆ ಇದು ಸಾಮಾನ್ಯ. ಅಧ್ಯಯನಕ್ಕಾಗಿ ಸುಮಾರು 384 ಕಾಲೇಜು ವಿದ್ಯಾರ್ಥಿಗಳನ್ನು ಸಮೀಕ್ಷೆಗೆ ಒಳಪಡಿಸಲಾಯಿತು. 32(15 ಮಹಿಳೆಯರು ಮತ್ತು 17 ಪುರುಷರು) ಛೇಡಿಸುವ ನಡವಳಿಕೆ ಹೊಂದಿದ್ದರು. ಮಹಿಳೆಯರ ಬೆನ್ನು ಹತ್ತುವುದು, ಅವರನ್ನು ನೋಡುವುದು ಮತ್ತು ಅವರ ಮೇಲೆ ಗಮನವಿಡುವುದು ಪ್ರಮುಖ ನಡವಳಿಕೆಗಳಾಗಿವೆ ಎಂದು ಅಧ್ಯಯನವು ಹೇಳಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.