ದೀಪಾವಳಿ: ತುಂಬಾ ಸಿಹಿ ತಿಂದು ಹೀಗೆ ಮಾಡಿದರೆ ಮೈ ತೂಕ ಹೆಚ್ಚಲ್ಲ

ಇಂಟರ್‌ಮಿಟೆಂಟ್‌ ಪಾಸ್ಟಿಂಗ್ ಮಾಡಿ:

ದಿನದಲ್ಲಿ 16 ಗಂಟೆ ಉಪವಾಸ ಇರುವುದು. ವಾರದಲ್ಲಿ 2 ದಿನ ಈ ರೀತಿ ಇದ್ದರೆ ದೇಹದಲ್ಲಿರುವ ಕಶ್ಮಲವನ್ನು ಹೊರ ಹಾಕಿ, ಜೀವ ಕಣಗಳಿಗೆ ಹಾನಿಯುಂಟಾಗುವುದನ್ನು ತಡೆಯುವುದು. ಇದು ನಿಮ್ಮ ದೇಹದಲ್ಲಿ ಸಂಗ್ರಹವಾಗಿರುವ ಬೇಡದ ಕೊಬ್ಬನ್ನು ಕರಗಿಸುವಲ್ಲಿ ತುಂಬಾನೇ ಸಹಕಾರಿ.

ಸಕ್ಕರೆಯಂಶ ಸೇವಿಸುವುದನ್ನು ಕಡಿಮೆ ಮಾಡಿ

ಹಬ್ಬದಲ್ಲಿ ಸಿಹಿ ಸವಿದ ಮೇಲೆ ಮತ್ತೆ ತುಂಬಾ ಸಿಹಿ ಸವಿಯಲು ಹೋಗಬೇಡಿ. ಸ್ವಲ್ಪ ದಿನಗಳವರೆಗೆ ಸಿಹಿ ಮುಟ್ಟಬೇಡಿ, ಸಕ್ಕರೆಯಂಶ ತೆಗೆದುಕೊಳ್ಳುವುದನ್ನು ಕಡಿಮೆ ಮಾಡಿ.

ತಂಪು ಪಾನೀಯಗಳನ್ನು ಕೂಡ ಕುಡಿಯಬೇಡಿ.

ಸಾಕಷ್ಟು ನೀರು ಕುಡಿಯಿರಿ

ದಿನದಲ್ಲಿ 3-4 ಲೀಟರ್‌ ನೀರು ಕುಡಿಯಿರಿ. ಇದು ದೇಹದಲ್ಲಿರುವ ಕಶ್ಮಲವನ್ನು ಬೆವರು ಹಾಗೂ ಮೂತ್ರದ ಮೂಲಕ ಹೊರ ಹಾಕುತ್ತದೆ. ಅಲ್ಲದೆ ಜೀರ್ಣಕ್ರಿಯೆಗೆ ಸಹಕಾರಿ.

ಡಿಟಾಕ್ಸ್ ನೀರು ಬಳಸಿ

ಒಂದು ಲೀಟರ್‌ ನೀರಿಗೆ ಸೌತೆಕಾಯಿಯನ್ನು ಚಿಕ್ಕದಾಗಿ ಕತ್ತರಿಸಿ ಹಾಕಿ, ಅದಕ್ಕೆ ಅರ್ಧ ನಿಂಬೆ ತುಂಡನ್ನು ಎರಡು ಭಾಗ ಮಾಡಿ ಹಾಕಿ, ಒಂದು ಅಥವಾ ಎರಡು ಪುದೀನಾ ಎಲೆ ಹಾಕಿ, ಆ ನೀರನ್ನು ಆಗಾಗ ಸಿಪ್ ಮಾಡುತ್ತಾ ಇರಿ. ಈ ನೀರು ದೇಹವನ್ನು ಡಿಟಾಕ್ಸ್ ಮಾಡಲು ತುಂಬಾನೇ ಸಹಕಾರಿ.

ಮನೆ ಊಟ ಮಾಡಿ

ಹೊರಗಡೆಯ ಊಟ ಮಾಡುವುದಕ್ಕಿಂತ ಮನೆಯಲ್ಲಿ ತಯಾರಿಸಿದ ಆಹಾರ ಸೇವಿಸಿ. ನಿಮ್ಮ ಅಹಾರದಲ್ಲಿ ನಾರಿನಂಶದ ತರಕಾರಿಗಳು ಹೆಚ್ಚಿರಲಿ. ಹಣ್ಣುಗಳನ್ನು ಸೇವಿಸಿ. ಸೊಪ್ಪು, ತರಕಾರಿಗಳು, ಓಟ್ಸ್, ನವಣೆ, ಕೆಂಪಕ್ಕಿ ಇಂಥ ಆರೋಗ್ಯಕರ ಆಹಾರ ಸೇವಿಸಿ.

ವೇಗನ್‌ ಡಯಟ್ ಮಾಡಿ

ಸಂಸ್ಕರಿಸಿದ ಅಹಾರ, ಅದಿಕ ಉಪ್ಪಿನಂಶವಿರುವ ಅಹಾರ ಇವುಗಳನ್ನು ದೂರವಿಡಿ. ಹಣ್ಣು, ತರಕಾರಿಗಳನ್ನಷ್ಟೆ ಸೇವಿಸಿ. ವೇಗನ್ ಡಯಟ್‌ ಮಾಡಿದರೆ ಬೇಗನೆ ಮೈ ತೂಕ ಕರಗಿಸಬಹುದು.

ವ್ಯಾಯಾಮ ಮಿಸ್‌ ಮಾಡಿದಿರಿ

ಪ್ರತಿನಿತ್ಯ ವ್ಯಾಯಾಮ ಮಾಡಿ. ಇದರಿಂದ ದೇಹದಲ್ಲಿ ಕೊಬ್ಬು ಸಂಗ್ರಹವಾಗುವುದನ್ನು ತಡೆಗಟ್ಟಬಹುದು. ಲಿಫ್ಟ್‌ ಬಳಸುವ ಬದಲಿಗೆ ಸ್ಟೆಪ್ಸ್ ಬಳಸಿ. ಸಮೀಪದ ಅಂಗಡಿಗಳಿಗೆ ಗಾಡಿಯಲ್ಲಿ ಹೋಗುವ ಬದಲಿಗೆ ನಡೆದುಕೊಂಡು ಹೋಗಿ. ಸೈಕ್ಲಿಂಗ್ ಮಾಡಿ. ಇವೆಲ್ಲಾ ಪಿಟ್ನೆಸ್‌ ಕಾಪಾಡಲು ಸಹಕರಿಯಾಗಿದೆ.