ಆರೋಗ್ಯದ ಕಣಜ 'ಒಣ ಬೀಜ'ದ ಮೂಲ ಅರಿಯಿರಿ

ಬಾದಾಮಿ

ನಾರಿನಂಶ ಮತ್ತು ವಿಟಮಿನ್ ಇ ಯು ಬಾದಾಮಿಯಲ್ಲಿ ಇತರೆ ಎಲ್ಲಾ ಒಣ ಬೀಜಗಳಿಗಿಂತ ಅಧಿಕ ಪ್ರಮಾಣದಲ್ಲಿರುತ್ತದೆ. ಇವುಗಳು ನಿಮ್ಮನ್ನು ಆರೋಗ್ಯಕರವನ್ನಾಗಿ ಇಡುವುದರ ಜೊತೆಗೆ, ಮಲಬದ್ಧತೆಯಿಂದ ತಡೆಯುತ್ತವೆ. ವಿಟಮಿನ್ ಇ ಎಂಬುದು ಒಂದು ಪ್ರಭಾವಶಾಲಿ ಆಂಟಿ ಆಕ್ಸಿಡೆಂಟ್, ಇದು ಕ್ಯಾನ್ಸರ್ ಅಪಾಯದಿಂದ ನಿಮ್ಮನ್ನು ಕಾಪಾಡುತ್ತದೆ. ಬಾದಾಮಿಗಳು ನಿಮ್ಮ ದೇಹದಲ್ಲಿ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತವೆ, ಜೊತೆಗೆ ಇವು ಮಧುಮೇಹ ಮತ್ತು ತೂಕ ಕಳೆದುಕೊಳ್ಳಲು ಸಹಾಯ ಮಾಡುತ್ತವೆ.

ಮೆಕಾಡಮಿಯ ಬೀಜಗಳು

ಇವುಗಳಲ್ಲಿ ಸಮೃದ್ಧವಾದ ಮೊನೊಸ್ಯಾಚುರೇಟೇಡ್ ಫ್ಯಾಟ್ (MUFA) ಅಧಿಕವಾಗಿರುತ್ತವೆ. ಇವು ಹೃದಯದ ಆರೋಗ್ಯಕ್ಕೆ ಒಳ್ಳೆಯದು. ಈ ಡ್ರೈ ನಟ್ಸ್‌ಗಳು ಅಧಿಕ ರಕ್ತದೊತ್ತಡವನ್ನು ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತವೆ.

ಗೋಡಂಬಿಗಳು

ಗೋಡಂಬಿಗಳಲ್ಲಿ ಸತು ಮತ್ತು ಕಬ್ಬಿಣಾಂಶವು ಅಧಿಕವಾಗಿರುತ್ತವೆ. ಇವು ನಿಮ್ಮ ದೇಹದಲ್ಲಿ ಹಿಮೊಗ್ಲೋಬಿನ್ ಪ್ರಮಾಣವನ್ನು ಅಧಿಕ ಮಾಡುತ್ತವೆ, ಅಲದೆ ನಿಮ್ಮ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ ಮತ್ತು ಕಣ್ಣಿನ ದೃಷ್ಟಿಯನ್ನು ಸಹ ಸುಧಾರಿಸುತ್ತವೆ. ಜೊತೆಗೆ ಇವುಗಳಲ್ಲಿ ಮೆಗ್ನಿಷಿಯಂ ಸಮೃದ್ಧವಾಗಿರುತ್ತದೆ, ಇದು ಸ್ಮರಣೆ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ವಯಸ್ಸಾದಂತೆ ಸ್ಮರಣೆ ಶಕ್ತಿ ಕುಂಠಿತಗೊಳ್ಳುವುದನ್ನು ತಡೆಯುತ್ತದೆ.

ಬ್ರೆಜಿಲ್ ನಟ್

ಇವುಗಳು ಸಹ ಕ್ಯಾನ್ಸರನ್ನು ತಡೆಯುವ ಒಳ್ಳೆಯ ಒಣ ಬೀಜಗಳಾಗಿರುತ್ತವೆ. ಒಂದು ಬ್ರೆಜಿಲ್ ನಟ್ಸ್ ನಲ್ಲಿ ಶೇ.100 ಶಿಫಾರಸು ಮಾಡಲಾದ ಸೆಲೆನಿಯಂ ಇರುತ್ತದೆ. ಇವು ಪ್ರೋಸ್ಟೇಟ್ ಕ್ಯಾನ್ಸರ್ ಮತ್ತು ಸ್ತನ ಕ್ಯಾನ್ಸರ್‌ನಿಂದ ರಕ್ಷಣೆಯನ್ನು ನೀಡುತ್ತದೆ.

ಪಿಸ್ತಾ

ಇವು ಅತ್ಯಂತ ಕಡಿಮೆ ಕ್ಯಾಲೋರಿ ಇರುವ ಬೀಜಗಳಾಗಿರುತ್ತವೆ. ಒಂದು ಬೀಜದಲ್ಲಿ ಕೇವಲ ನಾಲ್ಕು ಕ್ಯಾಲೋರಿಗಳು ಮಾತ್ರ ಇರುತ್ತವೆ. ಇವು ಶ್ವಾಸಕೋಶದ ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತವೆ. ಇದಕ್ಕೆ ಕಾರಣ ಇದರಲ್ಲಿರುವ ಗ್ಯಾಮ-ಟೊಕೊಫೆರೊಲ್ ಎಂಬ ವಿಟಮಿನ್ ಇ. ಇದು ಕ್ಯಾನ್ಸರ್ ವಿರುದ್ಧ ಹೋರಾಡುತ್ತದೆ. ಜೊತೆಗೆ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ನಿಮ್ಮ ಮೂಡ್ ಸುಧಾರಿಸುತ್ತದೆ,ಸ್ನಾಯುಗಳನ್ನು ಮತ್ತು ಮೆದುಳನ್ನು ಆರೋಗ್ಯವಾಗಿಡುತ್ತದೆ. ಇದಕ್ಕೆ ಇದರಲ್ಲಿರುವ ವಿಟಮಿನ್ ಬಿ6 ಮತ್ತು ಪೊಟಾಶಿಯಂ ಸಹಾಯ ಮಾಡುತ್ತವೆ.