ಎಕ್ಸಾಂಗೆ ಓದಿನಷ್ಟೇ ಆರೋಗ್ಯ ಮುಖ್ಯ

Diet Fitness

oi-Reena

By Hema S

Published: Wednesday, February 29, 2012, 11:59 [IST]

ಎಕ್ಸಾಂ ಎಂಬ ಪದ ಕೇಳಿದರೆ ಸಾಕು ಊಟ, ನಿದ್ದೆ ಎಲ್ಲಾ ಮಾಯ. ಮನೆಯಲ್ಲಿ ಅಧಿಕ ಮಾರ್ಕ್ಸ್ ತೆಗೆಯಬೇಕೆಂಬ ಒತ್ತಡ, ಮನಸ್ಸಿನಲ್ಲಿ ಮುಂದೆ ಉನ್ನತ ಕಂಪನಿಗಳಲ್ಲಿ ಹುದ್ದೆ ಸಿಗಬೇಕೆಂಬ ಕನಸು ಇವೆಲ್ಲವೂ ಪರೀಕ್ಷೆಯಲ್ಲಿ ಮತ್ತಷ್ಟು ಓದುವಂತೆ ಪ್ರೇರೇಪಿಸುತ್ತದೆ.

ಪರೀಕ್ಷೆಯಲ್ಲಿ ಉತ್ತಮ ಅಂಕ ಗಳಿಸಲು ಪರಿಶ್ರಮ ಅಗತ್ಯ. ಆದರೆ ಆರೋಗ್ಯ ಕೆಟ್ಟರೆ ಪರೀಕ್ಷೆಯನ್ನು ಉತ್ತಮ ರೀತಿಯಲ್ಲಿ ಬರೆಯಲು ಸಾಧ್ಯವಿಲ್ಲ ಎಂಬುದು ನೆನಪಿರಲಿ.ಆದ್ದರಿಂದ ಓದುವುದರ ಜೊತೆ ಈ ಕೆಳಗಿನ ವಿಷಯಗಳಿಗೆ ಕೂಡ ಗಮನ ನೀಡಿದರೆ ಪರೀಕ್ಷೆಯಲ್ಲಿ ಉತ್ತಮ ಫಲಿತಾಂಶಗಳಿಸಬಹುದು.

1.ಆಹಾರ: ವಿಟಮಿನ್ ಬಿ ಮತ್ತು ಖನಿಜಾಂಶ ಅಧಿಕವಿರುವ ಆಹಾರಗಳನ್ನು ಹೆಚ್ಚಾಗಿ ಸೇವಿಸಬೇಕು. ಇದರಿಂದ ಓದಲು ಬೇಕಾದ ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ನೀಡುತ್ತದೆ. ಮಾಂಸ, ಮೊಟ್ಟೆ, ಪಾಲಾಕ್, ಕಿಡ್ನಿ ಬೀನ್ಸ್ , ನಟ್ಸ್, ಮೀನು ಮತ್ತು ಸೋಯಾ ಆಹಾರವನ್ನು ಸೇವಿಸಬೇಕು.

2. ವಿಟಮಿನ್ ಸಿ: ಓದುವಾಗ ತುಂಬಾ ಹೊಟ್ಟೆ ಹಸಿವಾಗುತ್ತದೆ. 3 ಹೊತ್ತಿಗಿಂತ ಹೆಚ್ಚು ಊಟ ಮಾಡಬೇಡಿ. ಹೊಟ್ಟೆ ತುಂಬಿದರೆ ನಿದ್ದೆ ಬರುವುದು. ಆದ್ದರಿಂದ ಕಿತ್ತಳೆ, ಒಣದ್ರಾಕ್ಷಿ, ನಟ್ಸ್, ಬಾದಾಮಿ ಇವುಗಳನ್ನು ಸೇವಿಸುವುದು ಒಳ್ಳೆಯದು.

3. ಬಾಳೆಹಣ್ಣು: ಪರೀಕ್ಷೆ ಸಮಯದಲ್ಲಿ ಬಾಳೆಹಣ್ಣು ತಿನ್ನುವುದು ಒಳ್ಳೆಯದು. ನೈಸರ್ಗಿಕವಾಗಿ ಸಕ್ಕರೆ ಅಂಶವಿರುವ ಹಣ್ಣುಗಳು ಮೆದುಳಿನ ಸಾಮರ್ಥ್ಯ ಹೆಚ್ಚಿಸಲು ಸಹಕಾರಿಯಾಗಿದೆ.

4. ತಿಂಡಿ: ದೇಹದಲ್ಲಿ ರಕ್ತದ ಪ್ರಮಾಣವನ್ನು ಸಮತೋಲನದಲ್ಲಿ ಇಡುವ ಆಹಾರಗಳನ್ನು ಹೆಚ್ಚಾಗಿ ಸೇವಿಸಬೇಕು. ಬೇಯಿಸಿದ ಸಿಹಿಗೆಣಸು, ಬ್ರೊಕೋಲಿ ಇವುಗಳ ಸೇವನೆ ಐಸ್, ಬರ್ಗರ್ ಗಿಂತ ಒಳ್ಳೆಯದು.

5. ಎಣ್ಣೆ ಪದಾರ್ಥ: ಸಲಾಡ್, ವೆಜಿಟೇಬಲ್ ಸೂಪ್ ಕುಡಿಯಬೇಕು. ಐಸ್ ಕ್ರೀಮ್, ಎಣ್ಣೆ ಪದಾರ್ಥಗಳನ್ನು ಸೇವಿಸದಿರುವುದು ಒಳ್ಳೆಯದು.

6. ದೇಹದಲ್ಲಿ ನೀರಿನಂಶ: ನೀರು, ಜ್ಯೂಸ್ ಕುಡಿಯುತ್ತಾ ದೇಹದಲ್ಲಿ ತೇವಾಂಶವನ್ನು ಕಾಪಾಡಬೇಕು. ದೇಹದಲ್ಲಿ ನೀರಿಂಶ ಕಡಿಮೆಯಾದರೆ ಸುಸ್ತು ಕಾಣಿಸಿಕೊಂಡು ಓದಲು ಕಷ್ಟವಾಗುವುದು.

ಆದ್ದರಿಂದ ಓದುವಿನ ಜೊತೆ ದೇಹದ ಆರೋಗ್ಯದ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.