ತುಂಬು ಗರ್ಭಿಣಿ ಕರೀನಾ, ಇನ್ನೂ ಸೂಪರ್ ಆಗಿ ಕಾಣುತ್ತಿದ್ದಾರೆ!

ಕಪೂರ್ ಕುಟುಂಬ ಕುಡಿ ಕರೀನಾ ಕಪೂರ್ ಇನ್ನೇನು ಕೆಲವೇ ದಿನಗಳಲ್ಲಿ ಪುಟಾಣಿ ಕಂದಮ್ಮನಿಗೆ ಜನ್ಮ ನೀಡಲಿದ್ದಾರೆ ಎಂಬುದು ಸದ್ಯಕ್ಕೆ ಬಿ ಟೌನ್‌ನಲ್ಲಿನ ಬಿಸಿ ಬಿಸಿ ಸುದ್ದಿಯಾಗಿದೆ. ತುಂಬು ಗರ್ಭಿಣಿಯಾಗಿರುವ ಕರೀನಾ ಕೂಡ ತಮ್ಮ ಸ್ಟೈಲಿಶ್ ಲುಕ್‌ನಲ್ಲಿ ಈಗ ಮಿನುಗುತ್ತಿದ್ದಾರೆ. ಕೆಲವೊಂದು ನಿಯತಕಾಲಿಕೆಗಳಿಗೆ ರೂಪದರ್ಶಿಯಾಗಿ ಕೂಡ ಖ್ಯಾತಿಗೊಳಿಸುತ್ತಿದ್ದಾರೆ. ಅಂತೂ ತಮ್ಮ ತಾಯ್ತನದ ಕ್ಷಣಗಳನ್ನು ಕರೀನಾ ಅನುಭವಿಸುತ್ತಿದ್ದಾರೆ.

ಇತ್ತೀಚೆಗೆ ಕರೀನಾ ತಮ್ಮ ಸಹೋದರಿ ಕರೀಷ್ಮಾ ಮತ್ತು ಆಪ್ತ ಸ್ನೇಹಿತೆ ಅಮೃತಾ ಅರೋರಾರೊಂದಿಗೆ ಬಾಂದ್ರಾ ಮುಂಬೈನಲ್ಲಿ ಮಧ್ಯಾಹ್ನದ ಊಟಕ್ಕಾಗಿ ಹೊರಗಡೆ ಹೋಗಿದ್ದಾಗ ಕ್ಯಾಮೆರಾ ಕಣ್ಣಿಗೆ ಕಂಡುಬಂದಿದ್ದಾರೆ.

ಬೆಬೊ ಈ ಬಾರಿ ಡೆನೀಮ್ ಮತ್ತು ಕಪ್ಪು ಲೆಗ್ಗಿನ್ಸ್‌ನಲ್ಲಿ ಪೋಸ್ ಕೊಟ್ಟಿದ್ದು, ತಮ್ಮ ತುಂಬಿದ ಹೊಟ್ಟೆಯನ್ನು ಪ್ರದರ್ಶಿಸುವಲ್ಲಿ ಕೂಡ ಸೈ ಅನ್ನಿಸಿಕೊಂಡಿದ್ದಾರೆ.

ಬಿಳಿ ಶೂಗಳನ್ನು ಧರಿಸಿ ಕಪ್ಪು ಬಣ್ಣದ ತಂಪು ಕನ್ನಡಕವನ್ನು ಹಾಕಿಕೊಂಡು ಇನ್ನಷ್ಟು ತಾಯ್ತನದ ಕಳೆಯನ್ನು ಮುಖದಲ್ಲಿ ತುಂಬಿಕೊಂಡು ಕರೀನಾ ಮುದ್ದಾಗಿ ಕಾಣುತ್ತಿದ್ದರು.