ವಿಶ್ವದ ಚಿತ್ತ, ಈಗ ಪ್ರತಿಷ್ಠಿತ ಆಸ್ಕರ್ 2016 ಪ್ರಶಸ್ತಿಯತ್ತ,,,

ಹಾಲಿವುಡ್ ಚಿತ್ರರಂಗ ಮತ್ತು ಇಡಿಯ ವಿಶ್ವವೇ ಎದುರು ನೋಡುವ ಆಸ್ಕರ್ ಪ್ರಶಸ್ತಿಗಳನ್ನು ಪ್ರತಿ ವರ್ಷದ ಫೆ. 28ರಂದು ನೀಡಲಾಗುತ್ತದೆ. ಈ ಸಂಜೆಯ ಒಂದೊಂದು ಕ್ಷಣವೂ ರೋಮಾಂಚಕವಾಗಿದ್ದು ಇದರಲ್ಲಿ ಭಾಗಿಯಾಗಲು ಇದರ ಬಗ್ಗೆ ಕೊಂಚ ಅರಿತಿರುವುದು ಅಗತ್ಯ.

ಈ ಪ್ರಶಸ್ತಿಗೆ ಕ್ಷಣಗಣನೆ ಈಗಾಗಲೇ ಪ್ರಾರಂಭವಾಗಿದೆ. ಈ ಬಗ್ಗೆ ಏನೂ ಗೊತ್ತಿಲ್ಲದಿದ್ದರೆ ಈ ವಿಶ್ವಮಟ್ಟದ ಕಾರ್ಯಕ್ರಮದಲ್ಲಿ ಏನಾಗುತ್ತಿದೆ ಎಂಬುದನ್ನು ಕಂಡುಕೊಳ್ಳಲು ಸಾಧ್ಯವೇ ಇಲ್ಲ. ಇದರಲ್ಲಿ ಪ್ರಶಸ್ತಿಯ ಜೊತೆಗೇ ಹಾಸ್ಯ, ವಿನೋದ, ಕಚಗುಳಿ, ಚಿತ್ರಗಳ ಬಗ್ಗೆ ಅಮೂಲ್ಯ ಮಾಹಿತಿ, ನಟನೆ, ತಂತ್ರಜ್ಞಾನ, ನಿರ್ದೇಶನ ಮೊದಲಾದವುಗಳಲ್ಲಿ ಉತ್ಕೃಷ್ಟ ಸಾಧನೆಗೆ ನೀಡಲಾಗುವ ಮಹತ್ವವನ್ನೂ ವಿವರಿಸಲಾಗುತ್ತದೆ. ಬನ್ನಿ, ಈ ಬಗ್ಗೆ ಅಗತ್ಯವಿರುವ ಮಾಹಿತಿಗಳನ್ನು ಅರಿಯೋಣ:

ಆಸ್ಕರ್ ಪ್ರಶಸ್ತಿಗಳನ್ನು ಎಲ್ಲಿ ಪ್ರದಾನಿಸಲಾಗುತ್ತದೆ?
ಈ ಪ್ರಶಸ್ತಿಗಳನ್ನು ಹಾಲಿವುಡ್ ನಗರದ ನಟ್ಟ ನಡುವೆ ಇರುವ ಭವ್ಯ ಮತ್ತು ಅದ್ಭುತ ಡಾಲ್ಬಿ ಶ್ರಾವಣ ವ್ಯವಸ್ಥೆ ಇರುವ ಚಿತ್ರಮಂದಿರದಲ್ಲಿ ನೀಡಲಾಗುತ್ತದೆ. ಈ ಸಂದರ್ಭದಲ್ಲಿ ಸದಾ ಜಿಗಿಜಿಡುತ್ತಿದ್ದ ರಸ್ತೆಯನ್ನು ವಾಹನಗಳಿಂದ ಮುಕ್ತವಾಗಿಸುತ್ತದೆ.

ಈ ಕಾರ್ಯಕ್ರಮದ ಅತಿಥೇಯರು ಯಾರು?
ಹಾಸ್ಯ ನಟ ಕ್ರಿಸ್ ರಾಕ್ ಈ ವರ್ಷದ ಕಾರ್ಯಕ್ರಮದ ಅತಿಥೇಯರಾಗಿದ್ದಾರೆ. ಇವರೊಬ್ಬ ಉತ್ತಮ ಹಾಸ್ಯನಟ ಮತ್ತು ವಾಗ್ಮಿಯಾಗಿದ್ದು ದಶಕಗಳಿಂದ ಜನರನ್ನು ರಂಜಿಸುತ್ತಾ ಬಂದಿದ್ದಾರೆ. ಇವರ ಮಾತಿನಲ್ಲಿ ಚುಟುಕು ಕುಟುಕು ನಗೆಹನಿಗಳಿದ್ದು ನೆರೆದವರನ್ನು ಹಾಸ್ಯದ ಹೊನಲಿನಲ್ಲಿ ಮುಳುಗಿಸುತ್ತದೆ. ಈ ಕಾರ್ಯಕ್ರಮದಲ್ಲಿ ಕ್ರಿಸ್ ರವರ ಮಾತುಗಳೇ ಪ್ರಮುಖ ಆಕರ್ಷಣೆಯಾಗಲಿವೆ.

ಈ ಕಾರ್ಯಕ್ರಮದಲ್ಲಿ ಯಾರು ಯಾರು ಬರಲಿದ್ದಾರೆ?
ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವುದೇ ಒಂದು ಭಾಗ್ಯ ಎಂದು ಹಾಲಿವುಡ್ ಭಾವಿಸಿರುವಾಗ ಈ ಅವಕಾಶವನ್ನು ಬಿಟ್ಟುಕೊಡಲು ಯಾರೂ ಇಚ್ಛಿಸುವುದಿಲ್ಲ. ಆದರೂ ಉದಾಹರಿಸಬೇಕೆಂದರೆ ಮ್ಯಾಟ್ ಡಾಮನ್, ಲಿಯೋನಾರ್ಡೋ ಡಿ ಕ್ಯಾಪ್ರಿಯೋ, ಮೈಕಲ್ ಫಾಸ್ಬೆಂಡರ್, ಬ್ರೈ ಲಾರ್ಸನ್, ಕೇಟ್ ಬ್ಲಾಂಚೆಟ್, ಜೆನ್ನಿಫರ್ ಲಾರೆನ್ಸ್, ಟಾಮ್ ಹಾರ್ಡಿ, ರ್‍ಯಾಶೆಲ್ ಮೆಕ್ ಆಡಮ್ಸ್, ಪಟ್ಟಿ ಇನ್ನೂ ದೊಡ್ಡದಿದೆ. ಎಲ್ಲರನ್ನೋ ನೋಡಬೇಕೆಂದರೆ ಈ ಕಾರ್ಯಕ್ರಮದ ನೇರ ಪ್ರಸಾರ ನೋಡಲು ಮರೆಯದಿರಿ.