ಸಮಂತಾ ಮಾಡಿದ ಈ ಡ್ರೆಸ್ಸಿಂಗ್‌ನಲ್ಲಿ ನೀವೂ ಕೂಡ ಸೂಪರ್ ಆಗಿ ಕಾಣುವಿರಿ

ಫ್ರೆಂಟ್‌ ಓಪನ್ ಸ್ಲಿಟ್‌ ಸೆಲ್ವಾರ್

ಕಾಲರ್‌ ನೆಕ್‌ನ ಈ ಸೆಲ್ವಾರ್ ವಿಶೇಷತೆ ಅದರ ಪ್ಯಾಂಟ್‌. ಓಪನ್‌ ಸ್ಲಿಟ್‌ ಟಾಪ್‌ಗೆ ಪ್ರಿಲ್‌ ಲುಕ್‌ ನೀಡಿದ್ದು, , ಪ್ಯಾಂಟ್‌ ಕೂಡ ಸ್ಲಿಟ್‌ ಹೊಂದಿದೆ. ಈ ರೀತಿಯ ಡ್ರೆಸ್ಸಿಂಗ್ ಸಾಂಪ್ರದಾಯಿಕ ಲುಕ್‌ ನೀಡಿದರೂ ಮಾಡರ್ನ್ ಟಚ್ ಕೂಡ ನೀಡಿರುವುದರಿಂದ ಗ್ಲಾಮರಸ್‌ ಲುಕ್‌ ಕೂಡ ಸಿಗುವುದು.

ಕ್ಲಾಸಿ ಲುಕ್‌ನೀಡುವ ಡ್ರೆಸ್ಸಿಂಗ್

ದಿನಾ ಆಫೀಸ್‌ಗೆ ಒಂದೇ ಸ್ಟೈಲ್‌ ಹೋಗುತ್ತಿದ್ದೀರಾ? ಸ್ವಲ್ಪ ಭಿನ್ನವಾಗಿ ಡ್ರೆಸ್ಸಿಂಗ್ ಮಾಡಬೇಕು ಎಂದು ನಿಮಗನಿಸಿದರೆ ಈ ಡ್ರೆಸ್ಸಿಂಗ್ ಸ್ಟೈಲ್‌ ಕಾಪಿ ಮಾಡಬಹುದು. ಬಿಳಿ ಟಾಪ್‌ಗೆ ಪಲೋಜೋ ಪ್ಯಾಂಟ್ ಧರಿಸಿ ಅದರ ಮೇಲೆ ಪ್ರಿಂಟೆಡ್‌ ಕೋಟ್‌ ಧರಿಸಿದರೆ ಸಾಕು ಕ್ಯಾಸ್ಯೂಯಲ್‌ ಲುಕ್‌ನಲ್ಲಿ ಆಕರ್ಷಕವಾಗಿ ಕಾಣುವಿರಿ.

ರೆಟ್ರೋ ಲುಕ್‌

ನಾರ್ಮಲ್‌ ಆಫೀಸ್‌ ಡ್ರೆಸ್‌ಕೋಡ್‌ ಬದಲಿಗೆ ಸ್ವಲ್ಪ ಭಿನ್ನವಾಗಿ ಡ್ರೆಸ್‌ ಮಾಡಬೇಕೆಂದು ಬಯಸಿದಾಗ ಈ ಸ್ಟೈಲ್‌ ಮಾಡಬಹುದು. ಅಲ್ಲದೆ ಈ ಡ್ರೆಸ್ಸಿಂಗ್‌ ಸ್ಟೈಲ್ ಟ್ರಾವೆಲ್, ಮೀಟಿಂಗ್‌ಗೂ ಸೂಕ್ತವಾಗಿದೆ. ಸ್ಕರ್ಟ್‌ಗೆ ಮ್ಯಾಚ್‌ ಶರ್ಟ್ ರೀತಿಯ ಟಾಪ್‌ ಬಳಸಬಹುದು, ಇಲ್ಲಾ ಕಾಂಟ್ರಾಸ್ಟ್ ಕಲರ್‌ ಕೂಡ ಹಾಕಬಹುದು. ಸ್ವಲ್ಪ ರೆಟ್ರೋ ಲುಕ್‌ ನೀಡುವ ಡ್ರೆಸ್ಸಿಂಗ್ ಇದಾಗಿದೆ.

ಸಾಂಪ್ರದಾಯಿಕ ಲುಕ್‌

ಇಲ್ಲಿ ಸಮಂತಾ ವೇಲ್‌ ಅನ್ನು ದುಪ್ಪಟ ರೀತಿ ಹೊದ್ದುಕೊಂಡು ಸ್ಟೈಲ್‌ ಪೋಸ್‌ ಣೀಡಿದ್ದಾರೆ. ದೇವಾಸ್ಥಾನ, ಪೂಜೆಯಲ್ಲಿ ಈ ಲುಕ್‌ನಲ್ಲಿ ಮಿಂಚಬಹುದು. ಇಲ್ಲಿ ಪ್ಯಾಂಟ್‌ ಹಾಗೂ ದುಪ್ಪಟ ಗ್ರ್ಯಾಂಡ್ ಆಗಿದ್ದು, ಟಾಪ್‌ ಪ್ಲೇನ್‌ ಆಗಿದೆ. ಈ ಲುಕ್‌ ಎಲ್ಲಾ ಪ್ರಾಯದವರಿಗೂ ಒಪ್ಪುವಂತಿದೆ.

ರೆಡ್‌ ಹಾಟ್‌ ಲುಕ್‌

ರೆಡ್‌ ಎನ್ನುವುದು ಯಾವತ್ತಿಗೂ ಹಾಟ್‌ ಕಲರ್‌. ನೀವು ಸೆಲ್ವಾರ್‌ನಲ್ಲಿ ಹಾಟ್‌ ಆಗಿ ಕಾಣಬಯಸುವುದಾದರೆ ಸಮಂತಾರ ಈ ಸ್ಟೈಲ್ ಬೆಸ್ಟ್. ಶರಾರ ಸ್ಟೈಲ್‌ ಪ್ಯಾಂಟ್‌ ಶಾರ್ಟ್‌ ಕುರ್ತಾ ಧರಿಸಿದರೆ ಆಕರ್ಷಕವಾಗಿ ಕಾಣಬಹುದು. ರೆಡ್‌, ಮೆರೂನ್, ರಾಯಲ್ ಬ್ಲೂ ಈ ರೀತಿಯ ಬಣ್ಣದ ಡ್ರೆಸ್‌ಗಳು ಆಕರ್ಷಕವಾಗಿ ಕಾಣುವುದು.

ಪ್ರಿಂಟೆಡ್‌ ಸ್ಯಾರಿ ಲುಕ್‌

ಶಿಫಾನ್ ಅಥವಾ ಕಾಟನ್ ಸೀರೆಯಲ್ಲಿ ನೀವು ಈ ರೀತಿ ಡ್ರೆಸ್ಸಿಂಗ್ ಮಾಡಿದರೆ ಸ್ವಲ್ಪ ಭಿನ್ನವಾಗಿ ಆಕರ್ಷಕವಾಗಿ ಕಾಣುವಿರಿ. ಸ್ಲೀವ್‌ಲೆಸ್‌ ಬ್ಲೌಸ್‌ ಅಥವಾ ಕಾಲರ್‌ ನೆಕ್‌ ಬ್ಲೌಸ್‌ ಈ ರೀತಿಯ ಸೀರೆಗೆ ಆಕರ್ಷಕವಾಗಿ ಕಾಣುವುದು.