ಮೊಡವೆ ಬಂದಾಗ ಚಿವುಟಲೇಬಾರದು, ಏಕೆ?

1. ಈಗಿರುವ ಸ್ಥಿತಿಯನ್ನು ಇನ್ನಷ್ಟು ಉಲ್ಬಣಗೊಳಿಸುತ್ತದೆ

ಮೊಡವೆಯ ಸುತ್ತಲ ಚರ್ಮವನ್ನು ನೀವು ಒತ್ತಿದಾಗ, ಈ ಒತ್ತಡದಿಂದ ಒಳಗಿನ ಸೋಂಕು ಇನ್ನಷ್ಟು ಒಳಸರಿಯಲು ಕಾರಣವಾಗುತ್ತದೆ. ಒಳಗಿನ ಸೋಂಕಿನಲ್ಲಿರುವ ಎಣ್ಣೆ, ಕಲ್ಮಶಗಳು ಹಾಗೂ ಬ್ಯಾಕ್ಟೀರಿಯಾಗಳು ಚರ್ಮದ ಒಳಭಾಗದಲ್ಲಿ ಇನ್ನಷ್ಟು ಆಳಕ್ಕೆ ಮತ್ತು ಅಗಲವಾಗಿ ಹರಡುತ್ತವೆ. ಅಷ್ಟೇ ಅಲ್ಲ, ಮೊಡವೆ ಒಡೆದಾಗ ಒಸರುವ ಕೀವು ಬೆರಳುಗಳ ತುದಿಗೆ ಅಂಟಿಕೊಂಡು ನೀವು ಮುಟ್ಟಿದೆಡೆಯಲ್ಲೆಲ್ಲಾ ಸೋಂಕು ಹರಡುತ್ತದೆ. ಒತ್ತಡದ ಕಾರಣ ಈ ಸೋಂಕು ಚರ್ಮದ ಪದರಗಳ ನಡುವೆ ಹರಡುತ್ತಾ ಇನ್ನಷ್ಟು ಭಾಗಗಳಲ್ಲಿ ಮೊಡವೆಗಳು ಮೂಡಲು ಕಾರಣವಾಗುತ್ತವೆ. ಇದೇ ಕಾರಣಕ್ಕೆ ಮೊಡವೆ ಒಡೆದ ಬಳಿಕ ಅಕ್ಕ ಪಕ್ಕದ ಚರ್ಮದಲ್ಲಿ ಹೊಸ ಮೊಡವೆಗಳು ಏಳುತ್ತವೆ.

2. ನೀವು ಸೋಕು ಹರಡಲು ಹೆಚ್ಚಿನ ಸ್ಥಳಾವಕಾಶವನ್ನು ಒದಗಿಸುತ್ತೀರಿ

"ಮೊಡವೆಯನ್ನು ಒಡೆದು ಸೋಂಕು ಹೊರಬಂದ ಬಳಿಕ, ಈ ಭಾಗ ಈಗ ಸರಿಯಾಗಿದೆ ಎಂದು ನೀವು ಭಾವಿಸಬಹುದು. ಆದರೆ ವಾಸ್ತವದಲ್ಲಿ, ನೀವು ಎಷ್ಟೇ ಒತ್ತಿ ಸೋಂಕನ್ನು ಹೊರತೆಗೆದಿದ್ದರೂ ಅತ್ಯಲ್ಪ ಪ್ರಮಾಣದಲ್ಲಿ ಕೀವು ಉಳಿದಿರಬಹುದು. ಕೊಂಚ ಹೊತ್ತಿನಲ್ಲಿಯೇ ಹೊರಹೋಗಿದ್ದ ಕೀವಿನಿಂದ ತೆರನಾಗಿದ್ದ ಖಾಲಿಭಾಗವನ್ನೆಲ್ಲಾ ಈ ಉಳಿದ ಕೀವು ಆವರಿಸಿಕೊಂಡು ಶೀಘ್ರವೇ ಇದೇ ಭಾಗದಲ್ಲಿ ಮತ್ತೆ ಮೊಡವೆ ಉಂಟಾಗಲು ಕಾರಣವಾಗುತ್ತದೆ. ಈ ಬಾರಿ ನಿಮ್ಮ ಮೇಲೆ ಸೇಡು ತೀರಿಸಿಕೊಳ್ಳುವಂತೆ ಇನ್ನಷ್ಟು ದೊಡ್ಡದಾಗಿ, ಇನ್ನಷ್ಟು ಆಳದಲ್ಲಿ ಮತ್ತು ವಿಸ್ತಾರವಾದ ಮೊಡವೆ ಏಳುತ್ತದೆ" ಎಂದು ಅವರು ವಿವರಿಸುತ್ತಾರೆ.

3. ಒಡೆದ ಮೊಡವೆ ಮಾಗಿದ ಬಳಿಕ ಕಲೆ ಮತ್ತು ಕುಳಿ ಉಳಿಯಬಹುದು.

ಮೊಡವೆ ಪೂರ್ಣವಾಗಿ ಮಾಗುವ ಮುನ್ನವೇ ಒಡೆಯುವ ಮೂಲಕ ಇದು ತಾನಾಗಿ ಗುಣವಾಗುವ ಕ್ರಿಯೆಗೆ ತಡೆ ಎದುರಾಗುತ್ತದೆ. ಅಂದರೆ ಗುಣವಾಗುವ ಕ್ರಿಯೆಯೂ ನಡೆಯದೇ ಹೋಗುತ್ತದೆ. ಪರಿಣಾಮವಾಗಿ ಇಲ್ಲಿ ಬೆಳೆಯಬೇಕಾಗಿದ್ದ ಅಂಗಾಂಶ ಬೆಳೆಯದೆಯೇ ಹರಿದಿದ್ದ ಚರ್ಮ ಮುಚ್ಚಿ ಬಿಡುತ್ತದೆ. ಆಗ ಹೀಗೆ ಮುಚ್ಚಿದ ಭಾಗದಲ್ಲಿ ಸ್ಪಷ್ಟವಾದ ಗುರುತು, ಕಲೆ ಉಳಿದುಕೊಳ್ಳುತ್ತದೆ. ಅಲ್ಲದೇ ಒಳಗೆ ಅಂಗಾಂಶ ಇಲ್ಲದಿರುವ ಕಾರಣ ಕುಳಿಯೂ ಬೀಳಬಹುದು.

4. ಗಾಢ ಕೆಲೆ ಉಳಿದುಕೊಳ್ಳಲು ನೀವೇ ಕಾರಣಕರ್ತರಾಗಬಹುದು

ಉರಿಯೂತದ ಸೋಂಕು ಮುಗಿದ ಬಳಿಕ ಆ ಭಾಗದಲ್ಲಿ ಗಾಢವಾದ ಕಲೆ ಉಳಿಯುವುದು ಮೊಡವೆಯನ್ನು ಒಡೆಯುವ ಬಳಿಕ ಅಡ್ಡ ಪರಿಣಾಮಗಳಲ್ಲಿ ಒಂದಾಗಿದೆ. ಈ ಕಲೆಗಳು ಎಷ್ಟು ಗಾಢವಾಗಿ ಉಳಿಯುತ್ತವೆ ಎಂದರೆ ಪೂರ್ಣವಾಗಿ ಸಹಜವರ್ಣ ಪಡೆಯಲು ವರ್ಷಗಳೇ ಬೇಕಾಗಬಹುದು ಎಂದು ಅವರು ಎಚ್ಚರಿಸುತ್ತಾರೆ.

5. ಇನ್ನಷ್ಟು ಮೊಡವೆಗಳಿಗೆ ನೀವೇ ಆಹ್ವಾನ ನೀಡುತ್ತಿದ್ದೀರಿ

ಹೌದು, ಯಾವಾಗ, ನೀವು ಮೊಡವೆಯನ್ನು ಚಿವುಟಿ ಒಡೆಯುತ್ತೀರೋ ಆಗ ಬ್ಯಾಕ್ಟೀರಿಯಾ, ತೈಲ ಮತ್ತು ಸಮ್ಗ್ರಹವಾಗಿದ್ದ ಕೊಳೆ ಹಾಗೂ ಇತರ ಸೋಂಕುಗಳು ಚರ್ಮದ ಅಕ್ಕಪಕ್ಕದ ಭಾಗದಲ್ಲಿರುವ ಸೂಕ್ಷ್ಮರಂಧ್ರಗಳನ್ನು ಮುಚ್ಚುವ ಜೊತೆಗೇ ಈ ಭಾಗದಲ್ಲಿಯೂ ಸೋಂಕು ಹರಡಲು ಕಾರಣವಾಗುತ್ತವೆ. ಪರಿಣಾಮವಾಗಿ ಇಲ್ಲೆಲ್ಲಾ ಹೊಸ ಹೊಸ ಮೊಡವೆಗಳು ಏಳತೊಡಗುತ್ತವೆ.

ಮೊಡವೆ ಎದ್ದ ಬಳಿಕ ಮುಂದಿನ 3-7 ದಿನಗಳವರೆಗೂ ಈ ಮೊಡವೆ ಸ್ಪಷ್ಟವಾಗಿ ಕಾಣಿಸಿಕೊಂಡು ಮತ್ತೆ ತಾನಾಗಿಯೇ ಗುಣಹೊಂದುತ್ತದೆ. ಇದನ್ನು ಮುಟ್ಟಲೂ ಹೋಗದೇ ತಾನಾಗಿ ಪೂರ್ಣವಾಗಿ ಗುಣವಾಗುವಂತೆ ನೀವು ಅವಕಾಶ ಮಾಡಿಕೊಡಬೇಕು ಹಾಗೂ ಚರ್ಮ ತನ್ನ ಸಹಜ ರೋಗ ನಿರೋಧಕ ಶಕ್ತಿಯಿಂದಲೇ ಈ ಸೋಂಕನ್ನು ಎದುರಿಸಿ ಮೊಡವೆಯನ್ನು ಹಿಮ್ಮೆಟ್ಟಿಸುವಂತಾಗಬೇಕು. ಆದರೆ ಅಗತ್ಯವಿರುವ ಸ್ವಚ್ಛತೆ ಮತ್ತು ಆರೈಕೆಯನ್ನಂತೂ ನೀಡಲೇಬೇಕು. ಉತ್ತಮ ಗುಣಮಟ್ಟದ ಬ್ಯಾಕ್ಟೀರಿಯಾ ನಿವಾರಕ ದ್ರಾವಣದಿಂದ ಈ ಭಾಗವನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುತ್ತೀರಿ ಎಂದು ಖಚಿತಪಡಿಸಿಕೊಳ್ಳಿ ಮತ್ತು ಚರ್ಮರೋಗ ವೈದ್ಯರು ಶಿಫಾರಸ್ಸು ಮಾಡಿದ ಕ್ರೀಮ್ ಅಥವಾ ಇತರ ಔಷಧಿಗಳನ್ನು ಮಾತ್ರವೇ ಹಚ್ಚಿಕೊಳ್ಳಿ ಎಂದು ಅವರು ಸಲಹೆ ಮಾಡುತ್ತಾರೆ.

ಆದ್ದರಿಂದ ಮೊಡವೆ ಎದ್ದರೂ, ಇದನ್ನು ಮುಟ್ಟಲೂ ಹೋಗದೇ ಅದೇ ತಾನಾಗಿ ಗುಣಹೊಂದುವವರೆಗೂ ತಾಳ್ಮೆ ವಹಿಸುವುದು ಅಗತ್ಯವಾಗಿದೆ. ಗುಣಪಡಿಸುವ ಕ್ರಿಯೆಯನ್ನು ಶೀಘ್ರಗೊಳಿಸಲು ಸುರಕ್ಷಿತವಾದ ಮನೆಮದ್ದುಗಳನ್ನೂ ನೀವು ಆಯ್ದುಕೊಳ್ಳಬಹುದು.