ಸೂರ್ಯನ ನೇರಳಾತೀತ ಕಿರಣಗಳಿಂದ ಮಾವಿನಹಣ್ಣು ರಕ್ಷಣೆ ನೀಡುವುದೇ?

ಸೂರ್ಯನ ನೇರಳಾತೀತ ಕಿರಣದಿಂದ ರಕ್ಷಣೆ

ಸೂರ್ಯನ ನೇರಳಾತೀತ ಕಿರಣಗಳು ತ್ವಚೆ ಮೇಲೆ ಬಿದ್ದರೆ ನೆರಿಗೆ ಬೀಳುವುದು, ಡಾರ್ಕ್‌ ಸ್ಪಾಟ್‌ ಮುಂತಾದ ತೊಂದರೆಗಳು ಉಂಟಾಗುತ್ತದೆ. ಇನ್ನು ಕ್ಯಾನ್ಸರ್ ಕೂಡ ಬರಬಹುದು. ಆದ್ದರಿಂದ ಬಿಸಿಲಿಗೆ ಹೋಗುವಾಗ ಸನ್‌ಸ್ಕ್ರೀನ್‌ ಲೋಷನ್‌ ಬಳಸಿ ಅಥವಾ ಕೊಡೆ ಹಿಡಿದು ಸೂರ್ಯನ ನೇರಳಾತೀತ ಕಿರಣಗಳಿಂದ ತ್ವಚೆ ರಕ್ಷಣೆ ಮಾಡಬೇಕು. ಅಧ್ಯಯನವೂ ಮಾವಿನ ಹಣ್ಣಿನಲ್ಲಿ ಕೂಡ ಸೂರ್ಯನ ನೇರಳಾತೀತ ಕಿರಣ ತಡೆಗಟ್ಟುವ ಶಕ್ತಿ ಇದೆ ಎಂದು ಹೇಳಿದೆ.

ತ್ವಚೆಯನ್ನು ಆಂತರಿಕವಾಗಿ ಪೋಷಣೆ ಮಾಡುತ್ತೆ

ಮಾವಿನ ಹಣ್ಣಿನಲ್ಲಿಆ್ಯಂಟಿಆಕ್ಸಿಡೆಂಟ್, ಆ್ಯಂಟಿಇನ್‌ಫ್ಲೇಮಟರಿ, ಇಮ್ಯೂನೋಮಾಡ್ಯೋಲೇಟರಿ ಅಂಶವಿದ್ದು ಇವುಗಳು ಸೂರ್ಯನ ನೇರಳಾತೀತ ಕಿರಣಗಳಿಂದ ರಕ್ಷಣೆ ನೀಡುತ್ತದೆ. ಅದೇ ರೀತಿ ವಿಟಮಿನ್ ಸಿ ತ್ವಚೆಗೆ ಉಂಟಾದ ಹಾನಿಯನ್ನು ಸರಿಪಡಿಸುತ್ತದೆ.

ಮಾವಿನ ಹಣ್ಣಿನ ಸಿಪ್ಪೆ ಕೂಡ ಒಳ್ಳೆಯದು

ಸೂರ್ಯನ ಹಾನಿಕಾರಕ ನೇರಳಾತೀತ ಕಿರಣಗಳಿಂದ ಮಾವಿನಹಣ್ಣಿನ ತಿರುಳು ಮಾತ್ರವಲ್ಲ ಸಿಪ್ಪೆ ಕೂಡ ರಕ್ಷಣೆಯನ್ನು ನೀಡುತ್ತದೆ. ಇದರ ಸಿಪ್ಪೆಯಲ್ಲಿಮ್ಯಾಂಗಿಫೆರಿನ್, ನೊರಾಥೈರಿಯೊಲ್, ರೆಸ್ವೆರಾಟ್ರೊಲ್ ಮತ್ತು ಕ್ವೆರ್ಸೆಟಿನ್ ಅಂಶವಿರುವುದರಿಂದ ಇವುಗಳನ್ನು ಬಿಸಾಡದೆ ತಿರುಳಿನ ಜೊತೆಯೇ ಸೇವಿಸುವುದು ಒಳ್ಳೆಯದು.

ಮಾವಿನ ಹಣ್ಣಿನ ಫೇಶಿಯಲ್‌

* ಮಾವಿನ ಹಣ್ಣಿನ ತಿರುಳನ್ನು ಹಾಲಿನ ಜೊತೆ ಮಿಶ್ರಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಟ್ಟು ಮುಖ ತೊಳೆಯಿರಿ. ಹೀಗೆ ವಾರದಲ್ಲಿ 2-3 ಬಾರಿ ಮಾಡಿ ಮುಖದ ಹೊಳಪು ಬದಲಾಗುವುದು.

* ಮಾವಿನ ಹಣ್ಣನ್ನು ಮೊಸರು ಜೊತೆ ಮಿಶ್ರ ಮಾಡಿ ಹಚ್ಚಿದರೂ ಮುಖದ ಹೊಳಪು ಹೆಚ್ಚುವುದು, ಬೇಕಿದ್ದರೆ ಸ್ವಲ್ಪ ಅರಿಶಿಣ ಪುಡಿ ಹಾಕಬಹುದು 2. ಮಾವಿನ ಹಣ್ಣು ಮತ್ತು ಫೇಸ್ ಮಾಸ್ಕ್: ವಾರಕ್ಕೆ 3 ಬಾರಿ ಮಾವಿನ ಹಣ್ಣು ಮತ್ತು ಮೊಸರನ್ನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 15 ನಿಮಿಷ ಬಿಡಬೇಕು.

* ಮೊಟ್ಟೆಯ ಬಿಳಿಗೆ ಮಾವಿನ ಹಣ್ಣು ತಿರುಳು ಹಾಕಿ ಹಚ್ಚಿದರೆ ನೈಸರ್ಗಿಕ ಫೇಸ್‌ ಮಾಸ್ಕ್ ಆಗುತ್ತದೆ. ಇದು ನಿರ್ಜೀವ ತ್ವಚೆ ತೆಗೆಯುವಲ್ಲಿ ಕೂಡ ಸಹಕಾರಿ.

* ಇನ್ನು ಕ್ಲೆನ್ಸಿಂಗ್ ಮಾಡಲುಮಾವಿನ ಹಣ್ಣು 4 ಚಮಚ, 3 ಚಮಚ ಓಟ್ಸ್, 2 ಚಮಚ ಬಾದಾಮಿ ಎಣ್ಣೆ, 1 ಚಮಚ ಕೆನೆ ಹಾಕಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಡಬೇಕು. ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ.