ಮುಖದ ಹೊಳಪಿಗಾಗಿ ಏನು ಮಾಡುತ್ತಿದ್ದೇನೆ ಎಂಬ ಸೀಕ್ರೆಟ್ ಹೇಳಿದ ಕರೀನಾ

ಅತ್ಯುತ್ತಮವಾದ ಫೇಸ್‌ ಪ್ಯಾಕ್‌ ಎಂದ ಕರೀನಾ

ಇನ್‌ಸ್ಟಾಗ್ರಾಮ್‌ನಲ್ಲಿ ಬ್ಯೂಟಿ ಸೀಕ್ರೆಟ್‌ ರೆಸಿಪಿ ಹಂಚಿಕೊಂಡಿರುವ ಕರೀನಾ ಅತ್ಯುತ್ತಮ ಫೇಸ್‌ ಪ್ಯಾಕ್ ತಿಳಿಸಿದ ಗೆಳತಿ ನಿಶಾ ಸರೀನ್‌ಗೂ ಧನ್ಯವಾದ ಹೇಳಿದ್ದಾರೆ. ಕರೀನಾ ಹಂಚಿಕೊಂಡಿರುವ ಫೇಸ್‌ಪ್ಯಾಕ್‌ ತುಂಬಾ ಸರಳವಾಗಿದೆ ಹಾಗೂ ಇದನ್ನು ಬಳಸಿದರೆ ತ್ವಚೆ ಹೊಳಪು ಹೆಚ್ಚುವುದಾಗಿ ಹೇಳಿಕೊಂಡಿದ್ದಾರೆ. ಬನ್ನಿ ಆ ಫೇಸ್‌ ಪ್ಯಾಕ್ ಮಾಡುವುದು ಹೇಗೆ ಎಂದು ನೋಡೋಣ

ಫೇಸ್‌ ಪ್ಯಾಕ್‌ ರೆಸಿಪಿ

2 ಹನಿ ವಿಟಮಿನ್ ಇ ಎಣ್ಣೆ

ಚಿಟಿಕೆಯಷ್ಟು ಅರಿಶಿಣ ಪುಡಿ

ಶ್ರೀಗಂಧದ ಪುಡಿ

ಈ ಮೂರು ಸಾಮಗ್ರಿ ಹಾಲಿನೊಂದಿಗೆ ಮಿಶ್ರ ಮಾಡಿ ಹಚ್ಚಿ 20 ನಿಮಿಷ ಬಿಡಬೇಕು.

ಇದರಿಂದ ತ್ವಚೆ ಸುಂದರವಾಗುವುದು, ಹೊಳಪು ಹೆಚ್ಚುವುದು.

ವಿಟಮಿನ್ ಇ ಪ್ರಯೋಜನಗಳು

ವಿಟಮಿನ್‌ ಇ ತ್ವಚೆ ಸಮಸ್ಯೆ ಹೋಗಲಾಡಿಸುವಲ್ಲಿ ಪರಿಣಾಮಕಾರಿಯಾಗಿದೆ. ಇದು ತ್ವಚೆಯನ್ನು ಸೂರ್ಯನ ಕಿರಣಗಳಿಂದ ರಕ್ಷಣೆ ಮಾಡುತ್ತದೆ. ನೆರಿಗೆ ಬೀಳದಂತೆ ರಕ್ಷಣೆ ಮಾಡುತ್ತದೆ. ಒಣ ತ್ವಚೆ ಸಮಸ್ಯೆ ಹೋಗಲಾಡಿಸುತ್ತದೆ ಹಾಗೂ ತ್ವಚೆ ನುಣಪಾಗಿ ಇರುವಂತೆ ಮಾಡುತ್ತದೆ.

ಚಂದನ

ಚಂದನದ ಪುಡಿ ಮುಖದ ಕಾಂತಿ ಹೆಚ್ಚಿಸುವುದರ ಜೊತೆಗೆ ಮೊಡವೆ ಸಮಸ್ಯೆ ಕಡಿಮೆ ಮಾಡುತ್ತದೆ. ತ್ವಚೆ ಟ್ಯಾನ್‌ ಆಗಿದ್ದರೆ ಹೋಗಲಾಡಿಸುತ್ತದೆ, ನೆರಿಗೆ ಬೀಳುವುದನ್ನು ತಡೆಗಟ್ಟುತ್ತದೆ, ಮುಖ ಆಕರ್ಷಕವಾಗಿ ಕಾಣುವಂತೆ ಮಾಡುವುದು.

ಅರಿಶಿಣ

ಅರಿಶಿಣ ಕೂಡ ತ್ವಚೆ ರಕ್ಷಣೆ ತುಂಬಾ ಒಳ್ಳೆಯದು, ಇದರಿಂದ ಮುಖದ ಹೊಳಪು ಹೆಚ್ಚುವುದು, ಮೊಡವೆ ಕಡಿಮೆಯಾಗುವುದು, ಮುಖದಲ್ಲಿರುವ ಕಪ್ಪು ಕಲೆಗಳು ಇಲ್ಲವಾಗುವುದು. ಇದನ್ನು ಬಳಸುವುದರಿಂದ ಮುಖದಲ್ಲಿ ಯೌವನದ ಕಳೆ ಕಾಪಾಡಬಹುದು.

ಈ ಮೂರರ ಮಿಶ್ರಣ ಇನ್ನಷ್ಟು ಪರಿಣಾಮಕಾರಿಯಾಗಿದ್ದು ಇದನ್ನು ಹಚ್ಚುವ ಮೂಲಕ ಫೇಶಿಯಲ್‌ ಮಾಡಿದ ಹೊಳಪನ್ನು ಪಡೆಯಬಹುದು. ಈ ಬ್ಯೂಟಿ ರೆಸಿಪಿ ತುಂಬಾ ಪರಿಣಾಮಕಾರಿಯಾಗಿದೆ ಎಂದು ನಿಮಗೂ ಅನಿಸುತ್ತಿದೆ ಅಲ್ವಾ? ಹಾಗಾದರೆ ಟ್ರೈ ಮಾಡಿ ನೋಡಿ, ಖಂಡಿತ ಕರೀನಾಗೆ ಥ್ಯಾಂಕ್ಸ್ ಹೇಳುವಿರಿ.