ಸೇಬುಹಣ್ಣನ್ನು ತ್ವಚೆಯ ಆರೈಕೆಗೆ ಹೀಗೂ ಬಳಸಿಕೊಳ್ಳಬಹುದು

ದಣಿದ ತ್ವಚೆಯ ಆರೈಕೆಗಾಗಿ

ಸೇಬುಗಳಲ್ಲಿರುವ ಹಲವಾರು ವಿಟಮಿನ್ನುಗಳು ನಿಸ್ತೇಜಗೊಂಡ ಹಾಗೂ ದಣಿದ ತ್ವಚೆಯನ್ನು ತಕ್ಷಣವೇ ಪುನಃಶ್ಚೇತನಗೊಳಿಸಲು ನೆರವಾಗುತ್ತವೆ. ನಿತ್ಯದ ಕಾರ್ಯಗಳಲ್ಲಿ ದಣಿದ ತ್ವಚೆಗೆ ಆರೈಗೆ ನೀಡುವ ನಿಟ್ಟಿನಲ್ಲಿ ಸೇಬು ಹಣ್ಣನ್ನು ಹೇಗೆ ಬಳಸಬಹುದು ಎಂಬುದನ್ನು ವಿವರಿಸುವ ವಿಧಾನ ಹೀಗಿದೆ:

ಅಗತ್ಯವಿರುವ ಸಾಮಾಗ್ರಿಗಳು

ಒಂದು ಸೇಬುಹಣ್ಣು

ಕೊಂಚ ನೀರು

ವಿಧಾನ:

1) ಮೊದಲು ಸೇಬುಹಣ್ಣನ್ನು ಚಿಕ್ಕದಾಗಿ ಕತ್ತರಿಸಿಕೊಂಡು ಸಿಪ್ಪೆ ಸಹಿತ ಬ್ಲೆಂಡರಿನಲ್ಲಿ ಗೊಟಾಯಿಸಿ

2) ಕನಿಷ್ಟ ಪ್ರಮಾಣದ ನೀರನ್ನು ಸೇರಿಸಿ ಮುಖಕ್ಕೆ ಹಚ್ಚಿಕೊಳ್ಳುವಷ್ಟು ದಪ್ಪನಾಗಿ ಅರೆಯಿರಿ.

3) ಈಗತಾನೇ ತಣ್ಣೀರಿನಲ್ಲಿ ತೊಳೆದುಕೊಂಡ ಮುಖಕ್ಕೆ ಈ ಲೇಪನವನ್ನು ತೆಳುವಾಗಿ ಹಚ್ಚಿ ಹದಿನೈದು ನಿಮಿಷ

ಒಣಗಲು ಬಿಡಿ.

4) ಬಳಿಕ ತಣ್ಣೀರಿನಿಂದ ತೊಳೆದು ಒರೆಸಿಕೊಳ್ಳಿ, ಸೋಪು ಉಪಯೋಗಿಸಬೇಡಿ.

ತ್ವಚೆಯ ಬಣ್ಣ ಏಕಪ್ರಕಾರವಾಗಿರಲು

ಸೇಬು ಹಣ್ಣಿನಲ್ಲಿರುವ ಟ್ಯಾನಿಕ್ ಆಮ್ಲ ತ್ವಚೆಯ ಬಣ್ಣ ಏಕಪ್ರಕಾರವಾಗಿರಲು ನೆರವಾಗುತ್ತದೆ. ಈ ವಿಧಾನದಿಂದ ತ್ವಚೆಯ ಬಣ್ಣ ಏಕಪ್ರಕಾರವಾಗಿರಲು ಹಾಗೂ ಸೌಮ್ಯವಾಗಿರಲು ಸಾಧ್ಯವಾಗುತ್ತದೆ.

ಅಗತ್ಯವಿರುವ ಸಾಮಾಗ್ರಿಗಳು

ಒಂದು ಸೇಬು ಹಣ್ಣಿನ ಸಿಪ್ಪೆ

ಒಂದು ಚಿಕ್ಕಚಮಚ ಜೇನು

ವಿಧಾನ:

1) ಸೇಬಿನ ಸಿಪ್ಪೆಯನ್ನು ಸುಲಿದು ಬ್ಲೆಂಡರಿನಲ್ಲಿ ನುಣ್ಣಗೆ ಅರೆಯಿರಿ

2) ಬಳಿಕ ಜೇನು ಬೆರೆಸಿ ಮಿಶ್ರಣ ಮಾಡಿ.

3) ಈಗತಾನೇ ತಣ್ಣೀರಿನಲ್ಲಿ ತೊಳೆದುಕೊಂಡ ಮುಖಕ್ಕೆ ಈ ಲೇಪನವನ್ನು ತೆಳುವಾಗಿ ಹಚ್ಚಿ ಹದಿನೈದು ನಿಮಿಷ ಒಣಗಲು ಬಿಡಿ.

4) ಬಳಿಕ ಉಗುರು ಬೆಚ್ಚನೆಯ ನೀರಿನಿಂದ ತೊಳೆದು ಒರೆಸಿಕೊಳ್ಳಿ, ಸೋಪು ಉಪಯೋಗಿಸಬೇಡಿ.

ಮೊಡವೆಗಳಿಗಾಗಿ ಸೇಬಿನ ಬಳಕೆ

ಸೇಬಿನಲ್ಲಿ ಅಲ್ಪ ಪ್ರಮಾಣದಲ್ಲಿ ನೈಸರ್ಗಿಕ ಸ್ಯಾಲಿಸಿಲಿಕ್ ಆಮ್ಲವಿದೆ. ಈ ಆಮ್ಲ ಮೊಡವೆಗಳನ್ನು ಕಡಿಮೆ ಮಾಡುವ ಶಕ್ತಿ ಹೊಂದಿದೆ. ಹಾಗೂ ಮೊಡವೆ ಕಲೆಯಿಲ್ಲದಂತೆ ಮಾಗಿಸುವಲ್ಲಿ ನೆರವಾಗುತ್ತದೆ. ಅಲ್ಲದೇ ಒಂದು ವೇಳೆ ಮೊಡವೆ ಒಡೆದಿದ್ದರೂ ಈ ವಿಧಾನದಿಂದ ತ್ವಚೆ ಮೊದಲಿನ ಕಳೆಯನ್ನು ಪಡೆಯುತ್ತದೆ ಹಾಗೂ ಕಲೆಯೂ ಉಳಿಯುವುದಿಲ್ಲ.

ಅಗತ್ಯವಿರುವ ಸಾಮಾಗ್ರಿಗಳು:

ಒಂದು ಸೇಬು

ಒಂದು ಚಿಕ್ಕ ಚಮಚ ಜೇನು

½ ಚಿಕ್ಕ ಚಮಚ ಲಿಂಬೆ ರಸ

ವಿಧಾನ:

1) ಮೊದಲು ಇಡಿಯ ಸೇಬುಹಣ್ಣನ್ನು ಮಿಕ್ಸಿಯಲ್ಲಿ ಅರೆದು ಹಿಂಡಿ ರಸ ಸಂಗ್ರಹಿಸಿ.

2) ಈ ರಸಕ್ಕೆ ಜೇನು ಮತ್ತು ಲಿಂಬೆರಸ ಬೆರೆಸಿ ಮಿಶ್ರಣ ಮಾಡಿ

3) ಈಗತಾನೇ ತಣ್ಣೀರಿನಲ್ಲಿ ತೊಳೆದುಕೊಂಡ ಮುಖಕ್ಕೆ ಈ ಲೇಪನವನ್ನು ತೆಳುವಾಗಿ ಹಚ್ಚಿ ಇಪ್ಪತ್ತು ನಿಮಿಷ ಒಣಗಲು ಬಿಡಿ.

4) ಬಳಿಕ ಉಗುರು ಬೆಚ್ಚನೆಯ ನೀರಿನಿಂದ ತೊಳೆದು ಒರೆಸಿಕೊಳ್ಳಿ, ಸೋಪು ಉಪಯೋಗಿಸಬೇಡಿ.

5) ಉತ್ತಮ ಪರಿಣಾಮಕ್ಕಾಗಿ ವಾರಕ್ಕೆರಡು ಬಾರಿ ಈ ವಿಧಾನ ಅನುಸರಿಸಿ.

ಒಣಚರ್ಮಕ್ಕಾಗಿ ಸೇಬಿನ ಆರೈಕೆ

ಸೇಬು ಅತ್ಯುತ್ತಮವಾದ ತೇವಕಾರಕವಾಗಿದೆ ಹಾಗೂ ವಿಶೇಷವಾಗಿ ಒಣಚರ್ಮದವರಿಗೆ ನೈಸರ್ಗಿಕ ಆರ್ದ್ರತೆನೀಡುವ ಮೂಲಕ ಹೆಚ್ಚಿನ ಆರೈಕೆ ಒದಗಿಸುತ್ತದೆ. ಈ ಮುಖಲೇಪದ ಬಳಕೆಯಿಂದ ಒಣಚರ್ಮಕ್ಕೂ ಆರ್ದ್ರತೆ ಹಾಗೂ ಆರೈಕೆ ದೊರಕುವ ಮೂಲಕ ಕಾಂತಿಯುಕ್ತ ಹಾಗೂ ಆರೋಗ್ಯಕರ ತ್ವಚೆ ಪಡೆಯಬಹುದು.

ಅಗತ್ಯವಿರುವ ಸಾಮಾಗ್ರಿಗಳು:

½ ಸೇಬುಹಣ್ಣು

ಒಂದು ಚಿಕ್ಕ ಚಮಚ ಪುಡಿಮಾಡಿದ ಓಟ್ಸ್ ರವೆ

ಒಂದು ಚಿಕ್ಕ ಚಮಚ ಜೇನು

1 ಮೊಟ್ಟೆಯ ಬಿಳಿಭಾಗ

ವಿಧಾನ:

1) ಮೊದಲು ಸೇಬನ್ನು ಚಿಕ್ಕದಾಗಿ ತುರಿಯಿರಿ.

2) ಇದಕ್ಕೆ ಓಟ್ಸ್ ರವೆ ಪುಡಿ, ಜೇನು ಮತ್ತು ಮೊಟ್ಟೆಯ ಬಿಳಿಭಾಗ ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ

3) ಈ ಲೇಪನವನ್ನು ಈಗತಾನೇ ತೊಳೆದುಕೊಂಡ ಒಣತ್ವಚೆಯ ಮೇಲೆ ಹಚ್ಚಿ ಹತ್ತು ನಿಮಿಷ ಒಣಗಲು ಬಿಡಿ.

4) ಬಳಿಕ ತಣ್ಣೀರಿನಿಂದ ತೊಳೆದು ಒರೆಸಿಕೊಳ್ಳಿ, ಸೋಪು ಉಪಯೋಗಿಸಬೇಡಿ.