ಡಾರ್ಕ್ ಸರ್ಕಲ್ಸ್ ಸಮಸ್ಯೆ ಇದೆಯೇ? ಹಾಗಾದರೆ ರೋಸ್ ವಾಟರ್ ಬಳಸಿ

ರೋಸ್‌ವಾಟರ್ ಮತ್ತು ಸೌತೆಕಾಯಿ

ಅರ್ಧ ಸೌತೆಕಾಯಿಯನ್ನು ತೆಗೆದುಕೊಂಡು ಅದರ ಸಿಪ್ಪೆ ಸುಲಿದುಕೊಳ್ಳಿ. ಅದನ್ನು ಸಣ್ಣ ತುಂಡುಗಳನ್ನಾಗಿ ಮಾಡಿ ಮತ್ತು ಜಜ್ಜಿಕೊಳ್ಳಿ. ಇದಕ್ಕೆ ಒಂದು ಚಮಚ ರೋಸ್ ವಾಟರ್ ಹಾಕಿ ಕಲಸಿ. ಚೆನ್ನಾಗಿ ಎಲ್ಲವನ್ನೂ ಮಿಶ್ರ ಮಾಡಿ. ನಿಮ್ಮ ಕಣ್ಣುಗಳ ಕೆಳಗೆ ಇದನ್ನು ಹಚ್ಚಿಕೊಳ್ಳಿ 15 ನಿಮಿಷ ಹಾಗೆಯೇ ಬಿಡಿ. ತಣ್ಣೀರಿನಿಂದ ಇದನ್ನು ತೊಳೆದುಕೊಳ್ಳಿ ಮತ್ತು ಒಣಗಲು ಬಿಡಿ. ನಿತ್ಯವೂ ಇದನ್ನು ಅನುಸರಿಸಿಕೊಂಡು ಉತ್ತಮ ಫಲಿತಾಂಶಗಳನ್ನು ಪಡೆದುಕೊಳ್ಳಿ.

ರೋಸ್‌ವಾಟರ್ ಮತ್ತು ಬಾದಾಮಿ ಎಣ್ಣೆ

ಬಾದಾಮಿ ಎಣ್ಣೆಯಲ್ಲಿರುವ ವಿಟಮಿನ್ ಕೆ ನಿಮ್ಮ ರಕ್ತದ ಹರಿವನ್ನು ಸುಧಾರಿಸುತ್ತದೆ ಮತ್ತು ತ್ವಚೆಯನ್ನು ಮಾಯಿಶ್ಚರೈಸ್ ಮಾಡುತ್ತದೆ. 1 ಚಮಚದಷ್ಟು ರೋಸ್‌ವಾಟರ್ ಮತ್ತು ಬಾದಾಮಿ ಎಣ್ಣೆಯನ್ನು ತೆಗೆದುಕೊಳ್ಳಿ. ಹತ್ತಿಯ ಉಂಡೆಯನ್ನು ತೆಗೆದುಕೊಂಡು ಅದನ್ನು ಈ ದ್ರಾವಣದಲ್ಲಿ ಮುಳುಗಿಸಿ. ನಿಮ್ಮ ಕಣ್ಣುಗಳ ಮೇಲೆ ಇದನ್ನು ಇರಿಸಿಕೊಳ್ಳಿ ಮತ್ತು 30 ನಿಮಿಷ ಹಾಗೆಯೇ ಬಿಡಿ. ಈ ಹತ್ತಿಯ ತುಂಡನ್ನು ಕಣ್ಣುಗಳಿಂದ ತೆಗೆಯಿರಿ. ನಿಮಗೆ ಭಿನ್ನತೆ ದೊರೆಯುವವರೆಗೆ ಇದನ್ನು ಮಾಡಿ.

ರೋಸ್‌ವಾಟರ್ ಮತ್ತು ಹಾಲು

ಕಪ್ಪು ವರ್ತುಲಗಳನ್ನು ನಿವಾರಿಸಲು ಇದು ಅತ್ಯುತ್ತಮ ವಿಧಾನವಾಗಿದೆ. 1 ಚಮಚ ರೋಸ್‌ವಾಟರ್ ತೆಗೆದುಕೊಂಡು ಅದನ್ನು 1/2 ಚಮಚ ಹಸಿ ಹಾಲಿನಲ್ಲಿ ಮಿಶ್ರ ಮಾಡಿ ಎರಡನ್ನೂ ಜೊತೆಯಾಗಿ ಸೇರಿಸಿ. ಹತ್ತಿಯ ಉಂಡೆಯನ್ನು ತೆಗೆದುಕೊಂಡು ಅದನ್ನು ಈ ಮಿಶ್ರಣದಲ್ಲಿ ಅದ್ದಿ. ನಿಮ್ಮ ಕಣ್ಣಿನ ಕೆಳಭಾಗಕ್ಕೆ ಇದನ್ನು ಹಚ್ಚಿಕೊಳ್ಳಿ. 15 ನಿಮಿಷ ಕಾಯಿರಿ ನಂತರ ತಣ್ಣೀರಿನಿಂದ ಕಣ್ಣುಗಳನ್ನು ತೊಳೆದುಕೊಳ್ಳಿ. ದಿನವೂ ಇದನ್ನು ಮಾಡಿ.

ರೋಸ್‌ವಾಟರ್ ಮತ್ತು ಗ್ಲಿಸರಿನ್

1/4 ಚಮಚ ರೋಸ್‌ವಾಟರ್, 1/4 ಚಮಚ ಗ್ಲಿಸರಿನ್ ಮತ್ತು ತಾಜಾ ಲಿಂಬೆ ರಸವನ್ನು ಸೇರಿಸಿ. ಎಲ್ಲಾ ಸಾಮಾಗ್ರಿಗಳನ್ನು ಜೊತೆಯಾಗಿ ಬೆರೆಸಿಕೊಂಡು ನಿಮ್ಮ ಕಣ್ಣುಗಳ ಕೆಳಗೆ ಹಚ್ಚಿಕೊಳ್ಳಿ. 15 ನಿಮಿಷ ಕಾಯಿರಿ ಈ ಸಮಯದಲ್ಲಿ ಈ ಮಿಶ್ರಣ ಒಣಗುತ್ತದೆ. ನಂತರ ತಣ್ಣೀರಿನಿಂದ ಕಣ್ಣುಗಳನ್ನು ತೊಳೆದುಕೊಳ್ಳಿ. ನಿತ್ಯವೂ ಇದನ್ನು ಮಾಡಿ. ಮಲಗುವ ಮುಂಚೆ ಇದನ್ನು ಮಾಡಿ ವೇಗವಾದ ಫಲಿತಾಂಶಗಳನ್ನು ಪಡೆದುಕೊಳ್ಳಿ.

ರೋಸ್‌ವಾಟರ್ ಮತ್ತು ಶ್ರೀಗಂಧದ ಪೌಡರ್

ಈಗಿನ ದಿನಗಳಲ್ಲಿ ಶ್ರೀಗಂಧದ ಹುಡಿ ಹಲವಾರು ಪ್ರಸಾಧನ ಸಾಮಾಗ್ರಿಗಳಲ್ಲಿ ಬಳಕೆಯಾಗುತ್ತಿದೆ. 1/2 ಚಮಚ ಶ್ರೀಗಂಧದ ಹುಡಿಯನ್ನು ಕೆಲವು ಹನಿ ರೋಸ್‌ವಾಟರ್‌ನಲ್ಲಿ ಮಿಶ್ರ ಮಾಡಿಕೊಳ್ಳಿ ಮತ್ತು ಇದನ್ನು ಪೇಸ್ಟ್‌ನಂತೆ ಮಾಡಿ. ಇದನ್ನು ನಿಮ್ಮ ಕಣ್ಣುಗಳ ಕೆಳಗೆ ಹಚ್ಚಿಕೊಳ್ಳಿ. 15-20 ನಿಮಿಷ ಕಾಯಿರಿ ಮತ್ತು ತಣ್ಣೀರಿನಿಂದ ಕಣ್ಣುಗಳನ್ನು ತೊಳೆದುಕೊಳ್ಳಿ.

ರೋಸ್‌ವಾಟರ್ ಮತ್ತು ಅಲೊವೇರಾ

ಅಲೊವೇರಾದಿಂದ ಜೆಲ್ ಪ್ರತ್ಯೇಕಿಸಿ ಮತ್ತು ಅದನ್ನು ಒಂದು ಬೌಲ್‌ನಲ್ಲಿ ತೆಗೆದುಕೊಳ್ಳಿ ಇದಕ್ಕೆ 1 ಚಮಚ ರೋಸ್‌ವಾಟರ್ ಮಿಶ್ರ ಮಾಡಿ. ಇದನ್ನು ನಿಮ್ಮ ಕಣ್ಣುಗಳ ಕೆಳಗೆ ಹಚ್ಚಿ ನಂತರ ಇದನ್ನು ಹಾಗೆಯೇ ಬಿಡಿ. ತಣ್ಣೀರಿನಿಂದ ಕಣ್ಣುಗಳನ್ನು ತೊಳೆದುಕೊಳ್ಳಿ ಮತ್ತು ಒರೆಸಿ. ಉತ್ತಮ ಫಲಿತಾಂಶಕ್ಕಾಗಿ ಇದನ್ನು ಎರಡು ಬಾರಿ ಬಳಸಿ ನೋಡಿ.