ಒಂದೇ ವಾರದಲ್ಲಿ ಸೌಂದರ್ಯ ಹೆಚ್ಚಿಸಿಕೊಳ್ಳಬೇಕೆ? 'ಅರಿಶಿನ ಪ್ಯಾಕ್' ಬಳಸಿ

ಮೊಡವೆಯಿಂದ ಕೂಡಿದ ತ್ವಚೆಗೆ

ಅರಿಶಿನವು ಬ್ಯಾಕ್ಟೀರಿಯ ಮತ್ತು ಉರಿಯೂತದ ಗುಣ ಲಕ್ಷಣವನ್ನು ನಿವಾರಿಸುವುದರಿಂದ ಮೊಡವೆ ಪೀಡಿತ ಚರ್ಮಕ್ಕೆ ಅತ್ಯುತ್ತಮ ಆರೈಕೆ ನೀಡುವುದು. ಕಡ್ಲೇ ಹಿಟ್ಟು ಚರ್ಮದ ಮೇಲಿರುವ ಸತ್ತ ಜೀವಕೋಶವನ್ನು ತೆಗೆದುಹಾಕುತ್ತದೆ. ಮೊಸರಿನಲ್ಲಿ ಲ್ಯಾಕ್ಟಿಕ್ ಆಮ್ಲ ಇರುವುದರಿಂದ

ಅದು ಮೊಡವೆ ಹಾಗೂ ಬ್ಯಾಕ್ಟೀರಿಯಾಗಳ ನಿವಾರಣೆಗೆ ಸಹಾಯ ಮಾಡುವುದು.

- ಕಡ್ಲೇ ಹಿಟ್ಟು, ಮೊಸರು, ಅರಿಶಿನವನ್ನು ಸೇರಿಸಿ, ಮಿಶ್ರಗೊಳಿಸಿ.

- ಮಿಶ್ರಣವನ್ನು ಮುಖಕ್ಕೆ ದಪ್ಪವಾಗಿ ಅನ್ವಯಿಸಿ, ಮಸಾಜ್ ಮಾಡಿ.

- 20 ನಿಮಿಷಗಳ ಕಾಲ ಮುಖದ ಮೇಲೆ ಆರಲು ಬಿಡಿ.

- ಬಳಿಕ ಇನ್ನೊಮ್ಮೆ ಮೃದುವಾಗಿ ಮಸಾಜ್ ಮಾಡಿ ತಣ್ಣೀರಿನಿಂದ ಸ್ವಚ್ಛಗೊಳಿಸಿ.

- ನೀವು ಬಿಳುಪಾದ ಚರ್ಮವನ್ನು ಹೊಂದಿದ್ದರೆ ಸ್ವಲ್ಪ ಹಳದಿ ಬಣ್ಣಕ್ಕೆ ತಿರುಗಿರುವಂತೆ ಕಾಣುವುದು.

- ಗಣನೀಯವಾಗಿ ಇದನ್ನು ಬಳಸುವುದರಿಂದ ಉತ್ತಮ ಫಲಿತಾಂಶವನ್ನು ಪಡೆಯಬಹುದು.

ಶುಷ್ಕ ತ್ವಚೆಗೆ

ಅರಿಶಿನವನ್ನು ಬಳಸುವಾಗ ಶುಷ್ಕ ತ್ವಚೆಯವರು ಬಹಳ ಎಚ್ಚರಿಕೆಯನ್ನು ವಹಿಸಬೇಕು. ಏಕೆಂದರೆ ಅರಿಶಿನವು ತ್ವಚೆಯನ್ನು ಇನ್ನಷ್ಟು ಒಣಗಿಸುವುದು. ಹಾಗಾಗಿ ಶುಷ್ಕ ತ್ವಚೆಯವರು ಅರಿಶಿನದ ಮುಖವಾಡ ಹೊಂದುವಾಗ ತೆಂಗಿನೆಣ್ಣೆ ಹಾಗೂ ಹಾಲಿನ ಕೆನೆ ಸೇರಿಸುವುದನ್ನು ಮರೆಯಬಾರದು. ಇವು ಚರ್ಮವನ್ನು ಶುಷ್ಕವಾಗದಂತೆ ತಡೆಯುತ್ತವೆ.

- ಒಂದು ಟೀ ಚಮಚ ತೆಂಗಿನ ಎಣ್ಣೆ, ಒಂದು ಟೀ ಚಮಚ ಹಾಲಿನ ಕೆನೆ ಹಾಗೂ ಅರಿಶಿನವನ್ನು ಸೇರಿಸಿ, ಮಿಶ್ರಗೊಳಿಸಿ.

- ಮಿಶ್ರಣವನ್ನು ಮುಖಕ್ಕೆ ಹಾಗೂ ಕತ್ತಿನ ಭಾಗಕ್ಕೆ ಅನ್ವಯಿಸಿ.

- ಒಣಗಿದ ಬಳಿಕ ತಣ್ಣೀರಿನಿಂದ ಸ್ವಚ್ಛಗೊಳಿಸಿ.

- ನಿಯಮಿತವಾಗಿ ಈ ಮುಖವಾಡ ಹೊಂದುವುದರಿಂದ ತ್ವಚೆಯು ಹೊಳಪಿನಿಂದ ಕೂಡಿರುತ್ತದೆ.

ಸುಟ್ಟ ತ್ವಚೆಗೆ

ಭಾರತೀಯರು ಸಾಮಾನ್ಯವಾಗಿ ಸೂರ್ಯನ ಕಿರಣಗಳಿಗೆ ಅಧಿಕವಾಗಿಯೇ ತೆರೆದುಕೊಳ್ಳುತ್ತಾರೆ. ಹಾಗಾಗಿ ಚರ್ಮವು ಸೂರ್ಯನ ಕಿರಣಕ್ಕೆ ಕಪ್ಪಾಗುವುದು ಅಥವಾ ಕಂದು ಬಣ್ಣಕ್ಕೆ ತಿರುಗುವುದು ಸಹಜ. ಹಾಗಾಗಿ ಅರಿಶಿನ ಹಾಗೂ ನಿಂಬೆಯನ್ನು ಸೂರ್ಯನ ಕಿರಣದಿಂದ ಸುಟ್ಟ ಕಲೆಯನ್ನು ತೆಗೆಯುತ್ತವೆ. ನಿಂಬೆ ನೈಸರ್ಗಿಕವಾಗಿ ಬ್ಲೀಚ್ ಮಾಡುತ್ತದೆ.

-ನಿಂಬೆ ರಸ ಮತ್ತು ಅರಿಶಿನ ವನ್ನು ಬೆರೆಸಿ, ಮಿಶ್ರಗೊಳಿಸಿ

- ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ.

- ಒಣಗಿದ ಬಳಿಕ ತಣ್ಣೀರಿನಿಂದ ಸ್ವಚ್ಛಗೊಳಿಸಿ.

- ನಿಯಮಿತವಾಗಿ ಈ ಮುಖವಾಡ ಹೊಂದುವುದರಿಂದ ತ್ವಚೆಯು ಬಿಳುಪಿನಿಂದ ಕೂಡಿರುತ್ತದೆ.

ಎಣ್ಣೆಯುಕ್ತ ಚರ್ಮಕ್ಕೆ

ಎಣ್ಣೆಯುಕ್ತ ಚರ್ಮದವರಲ್ಲಿ ಮೇದೋಗ್ರಂಥಿಗಳ ಸ್ರಾವವನ್ನು ಸಮತೋಲನದಲ್ಲಿ ಇಡುವುದು ಸ್ವಲ್ಪ ಕಷ್ಟ. ಇಂತಹ ತ್ವಚೆಯವರು ಶ್ರೀಗಮಧ ಹಾಗೂ ಅರಿಶಿನದ ಸಂಯೋಜನೆಯ ಮುಖವಾಡ ಹೊಂದುವುದು ಸೂಕ್ತ. ಶ್ರೀಗಂಧ ಉತ್ತಮ ಖನಿಜವನ್ನು ಹೊಂದಿರುತ್ತದೆ. ಇದು ಮೇದೋಗ್ರಂಥಿಗಳ ಸ್ರಾವವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಜೊತೆಗೆ ಚರ್ಮವನ್ನು ಸಾಮಾನ್ಯ ಸ್ಥಿತಿಯಲ್ಲಿ ಇರುವಂತೆ ಮಾಡುತ್ತದೆ.

- ಗುಲಾಬಿ ನೀರು, ಶ್ರೀಗಂಧದ ಪುಡಿ ಮತ್ತು ಅರಿಶಿನ ಪುಡಿಯನ್ನು ಸೇರಿಸಿ ಮಿಶ್ರಗೊಳಿಸಿ.

- ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ.

- ಸ್ವಲ್ಪ ಸಮಯದ ಬಳಿಕ ತಣ್ಣೀರಿನಿಂದ ಸ್ವಚ್ಛಗೊಳಿಸಿ.

- ನಿಯಮಿತವಾಗಿ ಈ ಮುಖವಾಡ ಹೊಂದುವುದರಿಂದ ತ್ವಚೆಯು ತಾಜಾತನದಿಂದ ಕೂಡಿರುತ್ತದೆ.

ಸೂಕ್ಷ್ಮ ತ್ವಚೆಗಾಗಿ

ಸೂಕ್ಷ್ಮ ತ್ವಚೆಯವರಿಗೆ ಚರ್ಮವು ಬಹುಬೇಗ ಹಾನಿಗೆ ಒಳಗಾಗುತ್ತದೆ. ದದ್ದು, ಉರಿಯೂತ, ಮೊಡವೆ, ಸೂರ್ಯನ ಕಿರಣದಿಂದ ಉಂಟಾಗುವ ಹಾನಿ ಬಹುಬೇಗ ಉಂಟಾಗುವುದು. ಈ ಬಗೆಯ ಚರ್ಮದವರಿಗೆ ಅಲೋವೆರಾ ಮತ್ತು ಅರಿಶಿನದ ಮಿಶ್ರಣ ಉತ್ತಮ ಉಪಯೋಗಕಾರಿಯಾಗಿರುತ್ತದೆ. ಅಲೋವೆರಾ ಚರ್ಮದ ಎಲ್ಲಾ ಸಮಸ್ಯೆಗಳನ್ನು ನಿವಾರಿಸಿ, ತಂಪಾಗಿರುವಂತೆ ಮಾಡುತ್ತದೆ.

- ಅಲೋವೆರಾ ಮತ್ತು ಅರಿಶಿನ ಪುಡಿಯನ್ನು ಸೇರಿಸಿ, ಮಿಶ್ರಗೊಳಿಸಿ

- ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ.

- ಸ್ವಲ್ಪ ಸಮಯದ ಬಳಿಕ ತಣ್ಣೀರಿನಿಂದ ಸ್ವಚ್ಛಗೊಳಿಸಿ.

- ನಿಯಮಿತವಾಗಿ ಈ ಮುಖವಾಡ ಹೊಂದುವುದರಿಂದ ತ್ವಚೆಯು ತಾಜಾ ಹಾಗೂ ಆಕರ್ಷಣೆಯಿಂದ ಕೂಡಿರುತ್ತದೆ.