Just In
Don't Miss
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- Movies Puttakkana Makkalu:ಪುಟ್ಟಕ್ಕಗೆ ಮಗಳ ಜೀವನ ಹಾಳಾಗುವ ಆತಂಕ: ಬಂಗಾರಮ್ಮನಿಗ್ಯಾಕೆ ಬೇಸರ?
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮುಖದ ಸೌಂದರ್ಯ ಹೆಚ್ಚಿಸಲು 'ಓಟ್ಮೀಲ್' ಪ್ರಯತ್ನಿಸಿ ನೋಡಿ
ಮನೆಮದ್ದುಗಳನ್ನು ಹೆಚ್ಚಿನವರು ತಿರಸ್ಕಾರ ಭಾವದಿಂದ ನೋಡುವುದೇ ಹೆಚ್ಚು. ಯಾಕೆಂದರೆ ಅವರಿಗೆ ವೇಗವಾಗಿ ಫಲಿತಾಂಶ ಬೇಕು. ಮನೆಮದ್ದುಗಳು ಫಲಿತಾಂಶ ನೀಡುವುದು ಸ್ವಲ್ಪ ನಿಧಾನವಾದರೂ ಇದು ಪರಿಣಾಮಕಾರಿ ಹಾಗೂ ಶಾಶ್ವತವಾಗಿರುವುದು. ಆದರೆ ಮಾರುಕಟ್ಟೆಯಿಂದ ತಂದಿರುವ ಸೌಂದರ್ಯವರ್ಧಕ ಉತ್ಪನ್ನಗಳು ನಿಮಗೆ ತಕ್ಷಣಕ್ಕೆ ಸೌಂದರ್ಯ ನೀಡಿದರೂ ಇದನ್ನೇ ಬಳಸುತ್ತಾ ಇದ್ದರೆ ಕೆಲವೇ ವರ್ಷಗಳಲ್ಲಿ ನೀವು ವಯಸ್ಸಾದವರಂತೆ ಕಾಣುವುದರಲ್ಲಿ ಸಂಶಯವೇ ಇಲ್ಲ.
ಈ ಲೇಖನದಲ್ಲಿ ತ್ವಚೆಯ ಸೌಂದರ್ಯವನ್ನು ಕಾಪಾಡುವುದು ಹೇಗೆ. ಅದು ಕೂಡ ಮನೆಮದ್ದನ್ನು ಬಳಸಿಕೊಂಡು ಎನ್ನುವುದರ ಬಗ್ಗೆ ಹೇಳಲಿದ್ದೇವೆ. ಇದು ತುಂಬಾ ನೈಸರ್ಗಿಕ ವಿಧಾನವಾಗಿದೆ. ಈ ಸಾಮಗ್ರಿಯನ್ನು ನೀವು ಬೆಳಗ್ಗಿನ ಉಪಾಹಾರಕ್ಕೆ ಬಳಸುತ್ತಿರಲೂಬಹುದು. ಇದನ್ನೇ ಬಳಸಿಕೊಂಡು ತ್ವಚೆಯ ಸೌಂದರ್ಯ ವೃದ್ಧಿಸಿ. ಅದೇ ಓಟ್ ಮೀಲ್. ಇದು ಚರ್ಮದ ಸತ್ತ ಕೋಶಗಳನ್ನು ತೆಗೆಯಲು ನೆರವಾಗುವುದು ಮತ್ತು ಚರ್ಮಕ್ಕೆ ಕಾಂತಿ ನೀಡುವುದು. ಇದರಲ್ಲಿರುವಂತಹ ಆ್ಯಂಟಿಆಕ್ಸಿಡೆಂಟ್ ಗುಣಗಳು ಹಾನಿಗೀಡಾದ ಚರ್ಮವನ್ನು ಸರಿಪಡಿಸಲು ನೆರವಾಗುವುದು.ತ್ವಚೆಗೆ ಓಟ್ ಮೀಲ್ ಬಳಸಿಕೊಳ್ಳುವುದು ಹೇಗೆ ಎಂದು ತಿಳಿಯುವ...
ಓಟ್ಮೀಲ್ ಮತ್ತು ಮೊಸರು
ಬೇಕಾಗುವ ಸಾಮಗ್ರಿಗಳು
*3 ಚಮಚ ಓಟ್ ಮೀಲ್
*3-4 ಚಮಚ ಮೊಸರು
Most Read: ಅಕ್ಟೋಬರ್ 15 ರಿಂದ 21ರ ವರೆಗಿನ ವಾರ ಭವಿಷ್ಯ
ತಯಾರಿಸುವ ವಿಧಾನ
ಓಟ್ ಮೀಲ್ ನ್ನು ಮಿಕ್ಸಿಗೆ ಹಾಕಿಕೊಂಡು ಹುಡಿ ಮಾಡಿ. ಇದನ್ನು ಮೊಸರಿಗೆ ಹಾಕಿ, ಎರಡನ್ನು ಸರಿಯಾಗಿ ಮಿಶ್ರಣ ಮಾಡಿ. ಇದನ್ನು ಮುಖಕ್ಕೆ ಹಾಕಿ 15 ನಿಮಿಷ ಕಾಲ ಹಾಗೆ ಬಿಡಿ. ಬಳಿಕ ಸಾಮಾನ್ಯ ನೀರಿನಿಂದ ತೊಳೆಯಿರಿ. ವಾರದಲ್ಲಿ ಮೂರು ಸಲ ಇದನ್ನು ಬಳಸಿ.
ಓಟ್ ಮೀಲ್, ಜೇನುತುಪ್ಪ ಮತ್ತು ಮೊಸರು
ಬೇಕಾಗುವ ಸಾಮಗ್ರಿಗಳು
*5-6 ಬಾದಾಮಿ
*2 ಚಮಚ ಓಟ್ ಮೀಲ್
*2 ಚಮಚ ಮೊಸರು
*2 ಚಮಚ ಜೇನುತುಪ್ಪ
ತಯಾರಿಸುವ ವಿಧಾನ
ಬಾದಾಮಿಯನ್ನು ಮಿಕ್ಸಿಗೆ ಹಾಕಿ ಹುಡಿ ಮಾಡಿ. ಇದಕ್ಕೆ ಓಟ್ ಮೀಲ್ ಹುಡಿ, ಮೊಸರು ಮತ್ತು ಜೇನುತುಪ್ಪ ಹಾಕಿಕೊಳ್ಳಿ ಮತ್ತು ಸರಿಯಾಗಿ ರುಬ್ಬಿ. ಈ ಪೇಸ್ಟ್ ನ್ನು ಸ್ವಚ್ಛಗೊಳಿಸಿದ ಮುಖಕ್ಕೆ ಹಚ್ಚಿ ಮತ್ತು ಕೆಲವು ನಿಮಿಷ ಹಾಗೆ ಬಿಡಿ. ತಣ್ಣೀರಿನಿಂದ ತೊಳೆದ ಬಳಿಕ ಒರೆಸಿಕೊಳ್ಳಿ.
ಓಟ್ ಮೀಲ್ ಮತ್ತು ಬಾಳೆಹಣ್ಣು
ಬೇಕಾಗುವ ಸಾಮಗ್ರಿಗಳು
*1 ಕಪ್ ಓಟ್ ಮೀಲ್
*1 ಬಾಳೆಹಣ್ಣು
*1 ಚಮಚ ಗ್ಲಿಸರಿನ್
*ಕೆಲವು ಹನಿ ರೋಸ್ ವಾಟರ್
Most Read: ಗರ್ಭದಲ್ಲಿ ಬೆಳೆಯುತ್ತಿರುವ ಮಗು ಹೆಣ್ಣಾ? ತಿಳಿದುಕೊಳ್ಳುವ ಕುತೂಹಲವಿದೆಯೇ?
ತಯಾರಿಸುವ ವಿಧಾನ
ಓಟ್ ಮೀಲ್ ನ್ನು ಮಿಕ್ಸಿಗೆ ಹಾಕಿ ಹುಡಿ ಮಾಡಿ. ಬಾಳೆಹಣ್ಣನ್ನು ಹಿಚುಕಿ ಪೇಸ್ಟ್ ಮಾಡಿ. ಇದಕ್ಕೆ ಓಟ್ ಮೀಲ್ ಹುಡಿ ಹಾಕಿ. ಬಳಿಕ ಗ್ಲಿಸರಿನ್ ಹಾಕಿಕೊಂಡು ಅಂತಿಮವಾಗಿ ರೋಸ್ ವಾಟರ್ ಹಾಕಿ. ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿ. ಇದನ್ನು ಮುಖಕ್ಕೆ ಹಚ್ಚಿಕೊಂಡ ಬಳಿಕ 15-20 ನಿಮಿಷ ಹಾಗೆ ಬಿಡಿ. ಬಳಿಕ ತಣ್ಣೀರಿನಿಂದ ತೊಳೆಯಿರಿ. ಈ ಪ್ಯಾಕ್ ನ್ನು ನೀವು ತಿಂಗಳಿಗೆ ಒಂದು ಸಲ ಬಳಸಿದರೆ ಉತ್ತಮ ಫಲಿತಾಂಶ ಸಿಗುವುದು.
ಓಟ್ ಮೀಲ್ ಮತ್ತು ಮೊಟ್ಟೆಯ ಬಿಳಿ ಲೋಳೆ
ಬೇಕಾಗುವ ಸಾಮಗ್ರಿಗಳು
*2 ಚಮಚ ಓಟ್ ಮೀಲ್
*1 ಮೊಟ್ಟೆ
ತಯಾರಿಸುವ ವಿಧಾನ
ಓಟ್ ಮೀಲ್ ನ್ನು ಹುಡಿ ಮಾಡಿಕೊಂಡು ಅದನ್ನು ಒಂದು ಪಿಂಗಾಣಿಗೆ ಹಾಕಿ. ಮೊಟ್ಟೆಯ ಬಿಳಿಭಾಗ ತೆಗೆದು ಪ್ರತ್ಯೇಕಿಸಿ ಮತ್ತು ಇದನ್ನು ಓಟ್ ಮೀಲ್ ಹುಡಿಗೆ ಹಾಕಿ. ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು, ಅದನ್ನು ಸರಿಯಾಗಿ ತೊಳೆದ ಮುಖಕ್ಕೆ ಹಚ್ಚಿ. ಕೆಲವು ನಿಮಿಷ ಕಾಲ ಹಾಗೆ ಬಿಡಿ. ಸಾಮಾನ್ಯ ನೀರಿನಿಂದ ತೊಳೆಯಿರಿ. ವಾರದಲ್ಲಿ ಮೂರು ಸಲ ಬಳಸಿದರೆ ಇದು ಉತ್ತಮ ಫಲಿತಾಂಶ ನೀಡುವುದು.