ಸೌಂದರ್ಯವರ್ಧಕ ಉತ್ಪನ್ನವಾಗಿ ಶ್ರೀಗಂಧದ ಪುಡಿಯನ್ನು ಬಳಸಿ

By Divya Pandith

Updated: Monday, January 29, 2018, 15:47 [IST]

ಮುಖದ ಮೇಲಿರುವ ಕಪ್ಪು ಕಲೆ, ಮೊಡವೆಗಳು, ಸುಕ್ಕುಗಟ್ಟುವುದು ಸೇರಿದಂತೆ ಇನ್ನಿತರ ಸಮಸ್ಯೆಗಳು ನಮ್ಮ ಸೌಂದರ್ಯವನ್ನು ಹಾಳುಮಾಡುತ್ತವೆ. ಕಣ್ಣಿನ ಕೆಳಭಾಗದಲ್ಲಿ ಗೋಚರಿಸುವ ಕಪ್ಪು ಕಲೆಗಳು ಮುಖದ ಸೌಂದರ್ಯವನ್ನು ಮಂಕಾಗಿಸುತ್ತದೆ. ಇವುಗಳ ನಿವಾರಣೆಗೆ ಅನೇಕ ಔಷಧಗಳು ಹಾಗೂ ಮರೆ ಮಾಚುವಂತಹ ಸೌಂದರ್ಯ ಉತ್ಪನ್ನಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಆದರೆ ಅವುಗಳಿಂದ ಶಾಶ್ವತವಾದ ಪರಿಹಾರವನ್ನು ಕಂಡು ಕೊಳ್ಳಲು ಸಾಧ್ಯವಿಲ್ಲ. ಜೊತೆಗೆ ಒಂದಿಷ್ಟು ಅಡ್ಡ ಪರಿಣಾಮಗಳನ್ನು ಎದುರಿಸ ಬೇಕಾಗುವುದು.

ನೈಸರ್ಗಿಕ ಉತ್ಪನ್ನಗಳಲ್ಲಿ ಒಂದಾದ ಶ್ರೀಗಂಧವು ಸೌಂದರ್ಯದ ಆರೈಕೆಗೆ ಬಹು ಉಪಕಾರಿ ಉತ್ಪನ್ನ. ಇದು ಬ್ಯಾಕ್ಟೀರಿಯಾಗಳ ವಿರುದ್ಧ ಉತ್ತಮವಾಗಿ ಹೋರಾಡುತ್ತವೆ. ಚರ್ಮ ಸುಕ್ಕುಗಟ್ಟುವುದು, ಮಂಕಾಗುವುದು ಹಾಗೂ ಕಲೆಗಳ ನಿವಾರಕವಾಗಿ ಕೆಲಸ ನಿರ್ವಹಿಸುವುದು. ಶ್ರೀಗಂಧ ಆಯುರ್ವೇದದಲ್ಲಿ ಅತ್ಯುತ್ತಮ ಔಷಧೀಯ ಗುಣವನ್ನು ಹೊಂದಿರುವ ಉತ್ಪನ್ನ. ಇದನ್ನು ಗಣನೀಯವಾಗಿ ಬಳಸುವುದರಿಂದ ಅನೇಕ ರೋಗಗಳನ್ನು ಸಹ ನಿವಾರಿಸಬಹುದು.

ನೀವೂ ಸಹ ಸೌಂದರ್ಯಕ್ಕೆ ಅಥವಾ ಚರ್ಮಕ್ಕೆ ಸಂಬಂಧಿಸಿದ ಕೆಲವು ಸಮಸ್ಯೆಗಳಿಂದ ಬಳಲುತ್ತಿದ್ದೀರಿ ಎಂದಾದರೆ ಶ್ರೀಗಂಧದೊಡನೆ ಇನ್ನಿತರ ನೈಸರ್ಗಿಕ ಉತ್ಪನ್ನಗಳನ್ನು ಸೇರಿಸಿ ಆರೈಕೆ ಮಾಡಿ. ಆರೈಕೆಯ ವಿಧಿ ವಿಧಾನಗಳ ಪರಿಚಯವನ್ನು ತಿಳಿಯಲು ಈ ಮುಂದೆ ನೀಡಿರುವ ವಿವರಣೆಯನ್ನು ಪರಿಶೀಲಿಸಿ...

ಶ್ರೀಗಂಧದ ಪುಡಿ ಮತ್ತು ಹಾಲು

- ಒಂದು ಬೌಲ್‍ನಲ್ಲಿ 1/2 ಟೀಚಮಚ ಗಂಧದ ಪುಡಿ ಮತ್ತು 1 ಟೀಚಮಚ ಹಾಲನ್ನು ಸೇರಿಸಿ, ಮಿಶ್ರಗೊಳಿಸಿ.

- ಮಿಶ್ರಣವನ್ನು ಪೀಡಿತ ಪ್ರದೇಶ ಮತ್ತು ಮುಖಕ್ಕೆ ಅನ್ವಯಿಸಿ, 10 ನಿಮಿಷಗಳ ಕಾಲ ಆರಲು ಬಿಡಿ.

- ನಂತರ ಒಂದು ಒದ್ದೆ ಬಟ್ಟೆಯಿಂದ ಸ್ವಚ್ಛಗೊಳಿಸಿ, ಮಾಯಿಶ್ಚರೈಸ್ ಕ್ರೀಮ್‍ಅನ್ನು ಅನ್ವಯಿಸಿ.

ಶ್ರೀಗಂಧದ ಪುಡಿ ಮತ್ತು ಗುಲಾಬಿ ನೀರು

- 1/2 ಟೀ ಚಮಚ ಶ್ರೀಗಂಧದ ಪುಡಿಗೆ 2 ಟೀ ಚಮಚ ಗುಲಾಬಿ ನೀರನ್ನು ಸೇರಿಸಿ ಮಿಶ್ರಗೊಳಿಸಿ.

- ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ.

- 10-15 ನಿಮಿಷದ ಬಳಿಕ ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.