ಒಣ ತ್ವಚೆ ಸಮಸ್ಯೆಯನ್ನು ಹೋಗಲಾಡಿಸುವ ಪ್ರಮುಖ ಎಣ್ಣೆಗಳು

ಫ್ರಾಂಕಿನ್‌ಸೆನ್ಸ್ ಆಯಿಲ್

ಇಂದು ಲಭ್ಯವಿರುವ ಹಲವಾರು ಅವಶ್ಯಕ ತೈಲಗಳಲ್ಲಿ ಫ್ರಾಂಕಿಂನ್ಸೆನ್ ತೈಲವೂ ಒಂದಾಗಿದ್ದು ಹಲವಾರು ಆರೋಗ್ಯಕರ ಪ್ರಯೋಜನಗಳನ್ನು ಹೊಂದಿದೆ. ಇವುಗಳಲ್ಲಿರುವ ಗುಣಪಡಿಸುವ, ಸಂಕೋಚಕ, ಚಿಕಿತ್ಸಕ, ಜೀರ್ಣಕಾರಿ, ಅನಿಯಂತ್ರಿತ ಜೀವಕೋಶಗಳ ಬೆಳವಣಿಗೆ ತಡೆಯುವ, ಸೋಂಕುನಿವಾರಕ, ಶಾಂತಗೊಳಿಸುವ, ಕಫವನ್ನು ಸಡಿಲಗೊಳಿಸುವ, ನಿದ್ರಾಜನಕ, ಹುರಿಗಟ್ಟಿಸುವ ಹಾಗೂ ಗಾಯಗಳನ್ನು ಶೀಘ್ರವಾಗಿ ಮಾಗಿಸುವ ಗುಣಗಳು ಇದನ್ನೊಂದು ಅದ್ಭುತ ಔಷಧಿಯನ್ನಾಗಿಸಿವೆ. ಈ ಅವಶ್ಯಕ ತೈಲ ವಿಶ್ವದಾದ್ಯಂತ ಹಲವಾರು ವರ್ಷಗಳಿಂದ ಬಳಕೆಯಲ್ಲಿದೆ. ಮಧ್ಯಪ್ರಾಚ್ಯ ದೇಶಗಳಲ್ಲಿ ಈ ತೈಲವನ್ನು ಸುಗಂಧದ್ರವ್ಯ ಮತ್ತು ಗಾಯಗಳಿಗೆ ಸವರಲು ಬಳಸಲಾಗುತ್ತಿತ್ತು. ಈಜಿಪ್ಟ್ ನ ಮಹಿಳೆಯರು ಈ ಎಣ್ಣೆಯನ್ನು ಸುಟ್ಟು ಇದರ ಭಸ್ಮವನ್ನು ನುಣ್ಣಗಾಗಿಸಿ ಕಣ್ಣುಗಳಿಗೆ ಕಾಡಿಗೆಯ ರೂಪದಲ್ಲಿ ಹಚ್ಚಿಕೊಳ್ಳುತ್ತಿದ್ದರೆಂದು ಇತಿಹಾಸದಲ್ಲಿ ವಿವರಿಸಲಾಗಿದೆ. ಅಲ್ಲದೇ ಸೋಪು, ಲೋಷನ್, ಶವರ್ ಜೆಲ್ ಮೊದಲಾದ ಸುಗಂಧರಹಿತ ಪ್ರಸಾಧನಗಳಲ್ಲಿ ಸುಗಂಧ ಸೇರಿಸಲೂ ಬಳಸಲಾಗುತ್ತದೆ. ಇದು ತ್ವಚೆಗೆ ಹೈಡ್ರೇಶನ್ ಅನ್ನು ಒದಗಿಸುವುದರ ಜೊತೆಗೆ, ಇದು ನೆರಿಗೆ ಮತ್ತು ಗೆರೆಗಳನ್ನು ನಿವಾರಿಸುತ್ತದೆ. ತ್ವಚೆಯನ್ನು ತಾಜಾಗೊಳಿಸಲು ಇದು ಸಹಾಯಕ.

Most Read: ಎಣ್ಣೆಯುಕ್ತ ತ್ವಚೆಯ ಸಮಸ್ಯೆ ಇದ್ದರೆ, ಅಡುಗೆಮನೆಯ ಅರಿಶಿನ ಪ್ರಯತ್ನಿಸಿ!

ಯ್ಲಾಂಗ್ ಯ್ಲಾಂಗ್ ಆಯಿಲ್ (Ylang Ylang Oil)

ಮೊಡವೆಯನ್ನು ಹೋಗಲಾಡಿಸುವಲ್ಲಿ ಈ ಎಣ್ಣೆ ಸಹಕಾರಿಯಾದುದು. ತ್ವಚೆಗಳ ಕೋಶಗಳನ್ನು ರಿಪೇರಿ ಮಾಡಿ ಒಣ ತ್ವಚೆಯನ್ನು ಹೋಗಲಾಡಿಸುತ್ತದೆ.

ಗೆರೇನಿಯಮ್ ಎಣ್ಣೆ

ಮಾಯಿಶ್ಚರೈಸರ್‌ಗಳೊಂದಿಗೆ ಇದು ಅತ್ಯುತ್ತಮವಾಗಿದೆ. ಸ್ವಭಾವದಲ್ಲಿ ಎಣ್ಣೆಯುಕ್ತವಾಗಿರುವುದರಿಂದ ಒಣ ತ್ವಚೆಗೆ ಇದು ಸೂಕ್ತ ಪೋಷಣೆಯನ್ನು ಮಾಡಿ ಸಮಸ್ಯೆಯನ್ನು ನಿವಾರಿಸುತ್ತದೆ.

ಲ್ಯಾವೆಂಡರ್ ಎಣ್ಣೆ

ನೈಸರ್ಗಿಕವಾದ ಸುವಾಸನೆಯನ್ನು ಪಡೆದುಕೊಂಡಿರುವ ಈ ಎಣ್ಣೆ ಒಣ ತ್ವಚೆಯ ಸಮಸ್ಯೆಯನ್ನು ಚಿಟಿಕೆಯಲ್ಲಿ ನಿವಾರಿಸುತ್ತದೆ.

ರೋಸ್‌ಹಿಪ್ ಎಣ್ಣೆ

ನಿಮ್ಮ ತ್ವಚೆ ವಯಸ್ಸಾದಂತೆ ಕಾಣುತ್ತಿದೆ ಎಂದಾದಲ್ಲಿ, ನಿಮ್ಮ ತ್ವಚೆಯ ಕಾಳಜಿಯಲ್ಲಿ ಇದು ಸಹಕಾರಿಯಾದುದು. ರಾತ್ರಿ ವೇಳೆಯಲ್ಲಿ ಈ ಎಣ್ಣೆಯನ್ನು ಬಳಸಿಕೊಂಡು ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ.

ನೆರೋಲಿ ಎಣ್ಣೆ

ಮಾಯವಾಗಿರುವ ಮಾಯಿಶ್ಚರೈಸಿಂಗ್ ಅಂಶವನ್ನು ಈ ಎಣ್ಣೆ ಮರುಕಳಿಸುವಂತೆ ಮಾಡುತ್ತದೆ. ಇದರಲ್ಲಿ ವಿಟಮಿನ್‌ಗಳು ಮತ್ತು ಮಿನರಲ್‌ಗಳು ಇದ್ದು ಒಣ ತ್ವಚೆಗೆ ಮಾಯಿಶ್ಚರೈಸ್ ಅನ್ನು ಒದಗಿಸುತ್ತದೆ.

Most Read: ಮುಖದ ಕಾಂತಿ ಹೆಚ್ಚಿಸಲು ಹಾಗೂ ಇತರ ಸೌಂದರ್ಯ ಸಮಸ್ಯೆಗಳಿಗೆ 'ತುಳಸಿ ಎಲೆಗಳ' ಫೇಸ್ ಪ್ಯಾಕ್

ಜ್ಯುನಿಪರ್ ಎಣ್ಣೆ

ಒಣ ತ್ವಚೆಯಿಂದಾಗಿ ಮುಖದಲ್ಲಿ ಬಿರುಕು ಬಿಡುತ್ತಿದೆ ಎಂದಾದಲ್ಲಿ, ಒಣತ್ವವನ್ನು ಉಪಚರಿಸುವಲ್ಲಿ ಈ ಎಣ್ಣೆ ಸೂಕ್ತವಾದುದಾಗಿದೆ.

ಕ್ಯಾಮೊಮೈಲ್ ಎಣ್ಣೆ

ಈ ಎಣ್ಣೆ ನಿಮ್ಮ ತ್ವಚೆಗೆ ಅತ್ಯದ್ಭುತವನ್ನು ಉಂಟುಮಾಡಲಿದೆ. ಒಣತ್ವಚೆಗೆ ಇದು ಉತ್ತಮ ಉಪಚಾರವನ್ನು ನೀಡುತ್ತದೆ ಮತ್ತು ತ್ವಚೆಯ ಬಿರುಕಿನ ಸಮಸ್ಯೆಯನ್ನು ಹೋಗಲಾಡಿಸುತ್ತದೆ.