ವಯಸ್ಸಾಗುವ ಲಕ್ಷಣಗಳನ್ನು ತಡೆಯಲು ಸರಳ ಮನೆಮದ್ದು-ಪ್ರಯತ್ನಿಸಿ ನೋಡಿ

ಬೇಕಾಗುವ ಸಾಮಗ್ರಿಗಳು

*20 ಮಿ.ಲೀ. ತೆಂಗಿನೆಣ್ಣೆ

*5 ಮಿ.ಲೀ. ವಿಟಮಿನ್ ಇ ತೈಲ

*30 ಮಿ.ಲೀ. ಜೇನಿನ ಮೇಣ

*ಕೆಲವು ಹನಿ ಸಾರಭೂತ ತೈಲ

ತಯಾರಿಸುವುದು ಹೇಗೆ

*ವಯಸ್ಸಾಗುವ ಲಕ್ಷಣ ತಡೆಯುವ ಕ್ರೀಮ್ ಮಾಡಲು ಮೊದಲ ಹಂತವಾಗಿ ತೆಂಗಿನೆಣ್ಣೆ ಮತ್ತು ಜೇನಿನ ಮೇಣವನ್ನು ಮಿಶ್ರಣ ಮಾಡಿಕೊಂಡು ಎರಡು ಸಲ ಕುದಿಸಿ.

*ಮರದ ಸೌಟು ಬಳಸಿಕೊಂಡು ಇದನ್ನು ಮಿಶ್ರಣ ಮಾಡಿಕೊಳ್ಳಿ.

*ಈಗ ಬಿಸಿಯಿಂದ ತೆಗೆದು, ತಕ್ಷಣ ವಿಟಮಿನ್ ಇ ತೈಲ ಮತ್ತು ನಿಮ್ಮ ಆಯ್ಕೆಯ ಯಾವುದೇ ಸಾರಭೂತ ತೈಲ ಹಾಕಿಕೊಳ್ಳಿ.

*ಈ ಮಿಶ್ರಣವು ತಣ್ಣಗಾಗಲಿ ಮತ್ತು ಗಾಜಿನ ಡಬ್ಬದಲ್ಲಿ ಹಾಕಿಡಿ.

*ಇದನ್ನು ನೀವು ಹೆಚ್ಚಿನ ಬಳಕೆಗೆ ಫ್ರಿಡ್ಜ್ ನಲ್ಲೂ ಇಡಬಹುದು.

*ಈ ಕ್ರೀಮ್ ತೆಳುವಾಗಿ ಬೇಕಿದ್ದರೆ ಆಗ ನೀವು ಇದಕ್ಕೆ ಸ್ವಲ್ಪ ತೆಂಗಿನೆಣ್ಣೆ ಹೆಚ್ಚು ಹಾಕಿ ಮತ್ತು ಬಳಸಿ.

ಹಚ್ಚಿಕೊಳ್ಳುವುದು ಹೇಗೆ?

ಈ ಮಿಶ್ರಣವನ್ನು ಪಡೆಯಿರಿ ಮತ್ತು ಅದನ್ನು ನಿಮ್ಮ ಚರ್ಮದ ಮೇಲೆ ವೃತ್ತಾಕಾರದಲ್ಲಿ ಕೆಲವು ನಿಮಿಷ ಕಾಲ ಮಸಾಜ್ ಮಾಡಿಕೊಳ್ಳಿ. ಪ್ರತಿನಿತ್ಯ ಮಲಗುವ ಮೊದಲು ನೀವು ಇದನ್ನು ಹಚ್ಚಿಕೊಂಡ ಬಳಿಕ ರಾತ್ರಿಯಿಡಿ ಹಾಗೆ ಬಿಡಿ. ನಿಯಮಿತವಾಗಿ ಬಳಕೆ ಮಾಡಿದರೆ ಅದರಿಂದ ಒಳ್ಳೆಯ ಫಲಿತಾಂಶ ಪಡೆಯಬಹುದು.

ತೆಂಗಿನೆಣ್ಣೆ

ಕಾಸ್ಮೆಟಿಕ್ ಉತ್ಪನ್ನಗಳಲ್ಲಿ ಬಳಸುವಂತಹ ಹಲವಾರು ರೀತಿಯ ಗುಣಗಳು ತೆಂಗಿನೆಣ್ಣೆಯಲ್ಲಿ ಇದೆ. ಇದು ಚರ್ಮಕ್ಕೆ ತೇವಾಂಶ ನೀಡುವುದು, ಚರ್ಮವನ್ನು ಮೊಶ್ಚಿರೈಸ್ ಮತ್ತು ನಯವಾಗಿಡುವುದು. ಇದರ ಚರ್ಮದಲ್ಲಿ ತಾಜಾ ಸುವಾಸನೆ ಉಂಟು ಮಾಡುವುದು. ಇದರಲ್ಲಿ ಇರುವಂತಹ ಶಿಲೀಂಧ್ರ ವಿರೋಧಿ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ತೆಂಗಿನೆಣ್ಣೆಯು ಚರ್ಮವನ್ನು ಎಲ್ಲಾ ರೀತಿಯ ಸೋಂಕಿನಿಂದ ರಕ್ಷಿಸುವುದು.

ಜೇನಿನ ಮೇಣ

ಕ್ರೀಮ್ ನಲ್ಲಿ ಬಳಸುವ ಮತ್ತೊಂದು ಸಾಮಗ್ರಿಯೇ ಜೇನಿನ ಮೇಣ. ಇದು ಚರ್ಮದಲ್ಲಿರುವ ಯಾವುದೇ ರೀತಿಯ ಕೊಳೆ ಮತ್ತು ಕಲ್ಮಷವನ್ನು ತೆಗೆದುಹಾಕಿ ಚರ್ಮವು ಆರೋಗ್ಯಕರ ಹಾಗೂ ಶುದ್ಧವಾಗಿರುವಂತೆ ಮಾಡುವುದು. ಜೇನಿನ ಮೇಣವು ಕ್ರೀಮ್ ನ್ನು ದಪ್ಪ ಮಾಡುವುದು. ತೆಂಗಿನೆಣ್ಣೆಯು ಕೋಣೆಯ ತಾಪಮಾನದಲ್ಲಿ ದ್ರವ ರೂಪಕ್ಕೆ ಬರುವ ಕಾರಣದಿಂದ ಜೇಣಿನ ಮೇಣವನ್ನು ಇದಕ್ಕೆ ಹಾಕಲಾಗುತ್ತದೆ.

ವಿಟಮಿನ್ ಇ ತೈಲ

ವಿಟಮಿನ್ ಇ ತೈಲವನ್ನು ಸಾಮಾನ್ಯವಾಗಿ ಕ್ಯಾಪ್ಸೂಲ್ ಗಳ ರೂಪದಲ್ಲಿ ತೆಗೆದುಕೊಳ್ಳಲಾಗುತ್ತದೆ. ಇದನ್ನು ಹಚ್ಚಿಕೊಳ್ಳುವುದರಿಂದ ಚರ್ಮಕ್ಕೂ ಲಾಭವಿದೆ ಎಂದು ನಿಮಗೆ ತಿಳಿದಿದೆಯಾ? ವಿಟಮಿನ್ ಇ ತೈಲದಲ್ಲಿ ಇರುವಂತಹ ಆ್ಯಂಟಿಆಕ್ಸಿಡೆಂಟ್ ಗುಣವು ಫ್ರೀ ರ್ಯಾಡಿಕಲ್ ವಿರುದ್ಧ ರಕ್ಷಣೆ ನೀಡುವುದು ಮತ್ತು ಚರ್ಮವು ಪುನಶ್ಚೇತನ ಪಡೆಯಲು ನೆರವಾಗುವುದು. ವಿಟಮಿನ್ ಇ ತೈಲವನ್ನು ನೇರವಾಗಿ ಅಥವಾ ಕ್ಯಾಪ್ಸೂಲ್ ಗಳಿಂದ ತೆಗೆದು ಬಳಸಬಹುದು. ಎರಡು ಬದಿಯಿಂದಲೂ ಇದು ತುಂಬಾ ಪರಿಣಾಮಕಾರಿ.