ನೀವು ವಯಸ್ಸಾದಂತೆ ಕಾಣುತ್ತಿದ್ದೀರಾ? ಹಾಗಾದರೆ ಇವುಗಳ ಉಪಯೋಗ ಮಾಡಿ

Posted By: Divya
Subscribe to Boldsky

ಸಾಮಾನ್ಯವಾಗಿ ತ್ವಚೆಯ ಮೇಲೆ ಇರುವ ತೆರೆದ ರಂಧ್ರಗಳು ಅನೇಕ ಸಮಸ್ಯೆಗೆ ಕಾರಣವಾಗುತ್ತದೆ. ಅಷ್ಟೇ ಅಲ್ಲದೆ ತೆರೆದ ರಂಧ್ರಗಳಿಂದ ಹೆಚ್ಚು ವಯಸ್ಸಾದಂತೆ ಗೋಚರಿಸುತ್ತೇವೆ. ಇವುಗಳಲ್ಲಿ ಕೊಳೆಗಳು ತುಂಬಿಕೊಂಡು ಸೋಂಕು, ಉರಿಯೂತಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ. ಇವು ಕೇವಲ ಮುಖದ ಮೇಲಷ್ಟೇ ಅಲ್ಲ, ನಮ್ಮ ಶರೀರದ ಎಲ್ಲಾ ಭಾಗದಲ್ಲೂ ಕಾಣಿಸಿಕೊಳ್ಳಬಹುದು. ಈ ಸಮಸ್ಯೆಯಿಂದ ಪಾರಾಗಲೂ ಸಂಪೂರ್ಣವಾಗಿ ಸಾಧ್ಯವಾಗದಿದ್ದರೂ, ಮುಖದ ಭಾಗದಲ್ಲಾದರೂ ಆರೈಕೆ ಮಾಡಿಕೊಳ್ಳಬೇಕು.

ಸೆಲೆಬ್ರಿಟಿಗಳಂತಹ ದೋಷರಹಿತ ಮುಖವನ್ನು ಹೊಂದಬೇಕು ಎಂದು ನಾವು ಹಂಬಲಿಸುವುದು ಸಹಜ. ಅಂತಹ ತ್ವಚೆ ಹೊಂದಲು ಸ್ವಲ್ಪ ಕಷ್ಟ ಎನಿಸಿದರೂ ಕೆಲವು ಸೌಂದರ್ಯ ಚಿಕಿತ್ಸೆ ಹಾಗೂ ಲೇಸರ್ ಚಿಕಿತ್ಸೆಯ ಮೂಲಕ ಪರಿಹಾರ ಕಂಡುಕೊಳ್ಳಬಹುದು. ನಮ್ಮ ತ್ವಚೆಯ ಆರೈಕೆಯ ಬಗೆಯನ್ನು ಆಯ್ಕೆ ಮಾಡಿಕೊಳ್ಳುವುದು ನಮ್ಮ ಕೈಯಲ್ಲಿದೆ. ತೆರೆದ ರಂಧ್ರಗಳನ್ನು ಮುಚ್ಚಲು ಕೆಲವು ನೈಸರ್ಗಿಕ ಪರಿಹಾರಗಳಿವೆ. ಅವುಗಳಿಂದ ಸ್ವಲ್ಪ ಸಮಯ ಹಿಡಿಯಬಹುದು. ಆದರೆ ಚಿಕಿತ್ಸೆ ಮಾತ್ರ ಪರಿಣಾಮಕಾರಿಯಾಗಿರುತ್ತದೆ. ನಿಮ್ಮ ತ್ವಚೆಯೂ ಇದೇ ಸಮಸ್ಯೆಯಿಂದ ಬಳಲುತ್ತಿದೆ ಎಂದರೆ ತಡ ಮಾಡಬೇಡಿ. ಈ ಕೆಳಗಿನ ಆರೈಕೆ ವಿಧಾನವನ್ನು ಅನುಸರಿಸಿ, ನಿಮ್ಮ ಮೈಕಾಂತಿಯನ್ನು ಹೆಚ್ಚಿಸಿಕೊಳ್ಳಿ...

ಐಸ್ ಕ್ಯೂಬ್ಸ್

ಐಸ್ ಕ್ಯೂಬ್ಸ್

ತ್ವಚೆಯ ಮೇಲಿರುವ ತೆರೆದ ರಂಧ್ರಗಳನ್ನು ಮುಚ್ಚಲು ಐಸ್ ಕ್ಯೂಬ್ಸ್ ತ್ವರಿತ ಪರಿಹಾರವನ್ನು ನೀಡುತ್ತವೆ. ಒಂದು ಬಟ್ಟೆಯಲ್ಲಿ ಐಸ್ ಕ್ಯೂಬ್‍ಅನ್ನು ಸುತ್ತಿಕೊಂಡು, ಮುಖದ ಮೇಲೆ ಮಸಾಜ್ ಮಾಡಿ. ಹೀಗೆ 5-10 ಸೆಕೆಂಡ್‍ಗಳ ಕಾಲ ಮಸಾಜ್ ಮಾಡುವುದರಿಂದ ತೆರೆದ ರಂಧ್ರಗಳು ಬಿಗಿಯಾಗುತ್ತವೆ. ತ್ವಚೆಯೂ ಸುಂದರವಾಗಿ ಕಾಣುವುದು.

ಟೊಮೆಟೊ ರಸ

ಟೊಮೆಟೊ ರಸ

ಟೊಮೆಟೊ ರಸ ಚರ್ಮದ ಆರೈಕೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ಟೊಮೆಟೊ ಚೂರನ್ನು ಮುಖದ ಮೇಲಿರುವ ರಂಧ್ರಗಳ ಮೇಲೆ ಮಸಾಜ್ ಮಾಡಿ, ಸ್ವಲ್ಪ ಸಮಯ ಆರಲು ಬಿಡಬೇಕು. ನಂತರ ತಣ್ಣನೆಯ ನೀರಿನಲ್ಲಿ ಮುಖವನ್ನು ತೊಳೆಯಿರಿ. ಇದು ರಂಧ್ರವನ್ನು ಮುಚ್ಚುವುದರ ಜೊತೆಗೆ ತ್ವಚೆಯ ಕಾಂತಿಯನ್ನು ಹೆಚ್ಚಿಸುತ್ತದೆ.

ಸ್ಟೀಮ್

ಸ್ಟೀಮ್

ಸೌಂದರ್ಯ ಚಿಕಿತ್ಸೆಗೆ ಪಾರ್ಲರ್‌ಗಳಿಗೆ ಹಣವನ್ನು ವ್ಯಯಿಸುವ ಬದಲು, ಮನೆಯಲ್ಲೇ ಕೆಲವು ಚಿಕಿತ್ಸೆಯನ್ನು ನಾವೇ ಮಾಡಿ ಕೊಳ್ಳಬಹುದು. ವಾರಕ್ಕೆರಡು ಬಾರಿ ಅಥವಾ ಒಮ್ಮೆ ಬಿಸಿನೀರಿನ ಉಗಿಯನ್ನು ಮುಖಕ್ಕೆ ತೆಗೆದುಕೊಳ್ಳಿ. ಇದರಿಂದ ರಂಧ್ರವು ಮುಚ್ಚುವುದಲ್ಲದೆ ತ್ವಚೆಯ ಮೇಲಿರುವ ಕೊಳೆಗಳು ನಿವಾರಣೆಯಾಗುತ್ತವೆ.

ಬೇಕಿಂಗ್ ಸೋಡಾ

ಬೇಕಿಂಗ್ ಸೋಡಾ

ಇದು ತ್ವಚೆಯ ಮೇಲೆ ಧನಾತ್ಮಕ ಪರಿಣಾಮವನ್ನುಂಟುಮಾಡುತ್ತದೆ. ಬೆಚ್ಚಗಿನ ನೀರಿನಲ್ಲಿ 2 ಚಮಚ ಬೇಕಿಂಗ್ ಸೋಡವನ್ನು ಬೆರೆಸಿ, ಮಿಶ್ರಣ ತಯಾರಿಸಿಕೊಳ್ಳಬೇಕು. ಆ ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ, ವೃತ್ತಾಕಾರದಲ್ಲಿ ಮಸಾಜ್ ಮಾಡಬೇಕು. 5 ನಿಮಿಷದ ಬಳಿಕ ತಣ್ಣೀರಿನಲ್ಲಿ ತೊಳೆದರೆ ರಂಧ್ರಗಳು ಬಹು ಬೇಗ ಕೂಡಿಕೊಳ್ಳುತ್ತವೆ.

ಶ್ರೀಗಂಧ

ಶ್ರೀಗಂಧ

ಇದು ಬಸವಳಿದ ತ್ವಚೆಗೆ ಮರು ಜೀವ ತುಂಬುತ್ತದೆ. ಒಂದು ಚಮಚ ಶ್ರೀಗಂಧದ ಪುಡಿ, ಒಂದು ಚಮಚ ಅರಿಶಿನ ಪುಡಿ, ಸ್ವಲ್ಪ ಬಾದಾಮಿ ಎಣ್ಣೆ ಎಲ್ಲವನ್ನೂ ಒಟ್ಟಿಗೆ ಸೇರಿಸಿ ಮಿಶ್ರಣ ತಯಾರಿಸಿ. ಇದನ್ನು ಮುಖಕ್ಕೆ ಅನ್ವಯಿಸಿ 20 ನಿಮಿಷ ಆರಲು ಬಿಡಿ. ನಂತರ ತಣ್ಣೀರಿನಲ್ಲಿ ತೊಳೆದರೆ ರಂಧ್ರಗಳು ಮುಚ್ಚಿಕೊಳ್ಳುವವು.

ರೋಸ್ ವಾಟರ್

ರೋಸ್ ವಾಟರ್

ತ್ವಚೆಗೆ ಸಾಕಷ್ಟು ಆರೈಕೆ ಮಾಡುವ ಉತ್ತಮ ಉತ್ಪನ್ನ ರೋಸ್ ವಾಟರ್. ನಿತ್ಯವೂ ರೋಸ್ ವಾಟರ್‌ನಿಂದ ಮುಖವನ್ನು ಸ್ವಚ್ಛಗೊಳಿಸುವುದು ಅಥವಾ ಮಸಾಜ್ ಮಾಡುವುದರಿಂದ ರಂಧ್ರಗಳ ಗಾತ್ರ ತಗ್ಗುವುದು.

ಅಲೋವೆರಾ

ಅಲೋವೆರಾ

ಚರ್ಮ ಹಾಗೂ ಕೂದಲ ಆರೈಕೆಗೆ ಉತ್ತಮ ಆಯ್ಕೆ ಅಲೋವೆರಾ. ಅಲೋವೆರಾ ಜೆಲ್‍ನಿಂದ ಮುಖವನ್ನು ಮಸಾಜ್ ಮಾಡಿ, 15 ನಿಮಿಷ ಆರಲು ಬಿಡಿ. ಹೀಗೆ ಮಾಡುವುದರಿಂದ ತ್ವಚೆಯ ಮೇಲಿರುವ ರಂಧ್ರಗಳು ಮುಚ್ಚಿಕೊಳ್ಳುವವು.

For Quick Alerts
ALLOW NOTIFICATIONS
For Daily Alerts

    English summary

    Remedies To Shrink Open Pores Naturally

    Open pores is the most common skin problem we face. These pores can be a result of many factors like age, skin, genetics and exposure to sunlight. People with oily skin are more prone to having large pores rather than people with dry skin. These open pores are clearly visible and may make you look older. Here are a few easy-on-pocket home remedies that will help in tightening your skin and minimize the appearance of open pores.
    Story first published: Thursday, July 20, 2017, 8:32 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more