ನೀವು ವಯಸ್ಸಾದಂತೆ ಕಾಣುತ್ತಿದ್ದೀರಾ? ಹಾಗಾದರೆ ಇವುಗಳ ಉಪಯೋಗ ಮಾಡಿ

ಐಸ್ ಕ್ಯೂಬ್ಸ್

ತ್ವಚೆಯ ಮೇಲಿರುವ ತೆರೆದ ರಂಧ್ರಗಳನ್ನು ಮುಚ್ಚಲು ಐಸ್ ಕ್ಯೂಬ್ಸ್ ತ್ವರಿತ ಪರಿಹಾರವನ್ನು ನೀಡುತ್ತವೆ. ಒಂದು ಬಟ್ಟೆಯಲ್ಲಿ ಐಸ್ ಕ್ಯೂಬ್‍ಅನ್ನು ಸುತ್ತಿಕೊಂಡು, ಮುಖದ ಮೇಲೆ ಮಸಾಜ್ ಮಾಡಿ. ಹೀಗೆ 5-10 ಸೆಕೆಂಡ್‍ಗಳ ಕಾಲ ಮಸಾಜ್ ಮಾಡುವುದರಿಂದ ತೆರೆದ ರಂಧ್ರಗಳು ಬಿಗಿಯಾಗುತ್ತವೆ. ತ್ವಚೆಯೂ ಸುಂದರವಾಗಿ ಕಾಣುವುದು.

ಟೊಮೆಟೊ ರಸ

ಟೊಮೆಟೊ ರಸ ಚರ್ಮದ ಆರೈಕೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ಟೊಮೆಟೊ ಚೂರನ್ನು ಮುಖದ ಮೇಲಿರುವ ರಂಧ್ರಗಳ ಮೇಲೆ ಮಸಾಜ್ ಮಾಡಿ, ಸ್ವಲ್ಪ ಸಮಯ ಆರಲು ಬಿಡಬೇಕು. ನಂತರ ತಣ್ಣನೆಯ ನೀರಿನಲ್ಲಿ ಮುಖವನ್ನು ತೊಳೆಯಿರಿ. ಇದು ರಂಧ್ರವನ್ನು ಮುಚ್ಚುವುದರ ಜೊತೆಗೆ ತ್ವಚೆಯ ಕಾಂತಿಯನ್ನು ಹೆಚ್ಚಿಸುತ್ತದೆ.

ಸ್ಟೀಮ್

ಸೌಂದರ್ಯ ಚಿಕಿತ್ಸೆಗೆ ಪಾರ್ಲರ್‌ಗಳಿಗೆ ಹಣವನ್ನು ವ್ಯಯಿಸುವ ಬದಲು, ಮನೆಯಲ್ಲೇ ಕೆಲವು ಚಿಕಿತ್ಸೆಯನ್ನು ನಾವೇ ಮಾಡಿ ಕೊಳ್ಳಬಹುದು. ವಾರಕ್ಕೆರಡು ಬಾರಿ ಅಥವಾ ಒಮ್ಮೆ ಬಿಸಿನೀರಿನ ಉಗಿಯನ್ನು ಮುಖಕ್ಕೆ ತೆಗೆದುಕೊಳ್ಳಿ. ಇದರಿಂದ ರಂಧ್ರವು ಮುಚ್ಚುವುದಲ್ಲದೆ ತ್ವಚೆಯ ಮೇಲಿರುವ ಕೊಳೆಗಳು ನಿವಾರಣೆಯಾಗುತ್ತವೆ.

ಬೇಕಿಂಗ್ ಸೋಡಾ

ಇದು ತ್ವಚೆಯ ಮೇಲೆ ಧನಾತ್ಮಕ ಪರಿಣಾಮವನ್ನುಂಟುಮಾಡುತ್ತದೆ. ಬೆಚ್ಚಗಿನ ನೀರಿನಲ್ಲಿ 2 ಚಮಚ ಬೇಕಿಂಗ್ ಸೋಡವನ್ನು ಬೆರೆಸಿ, ಮಿಶ್ರಣ ತಯಾರಿಸಿಕೊಳ್ಳಬೇಕು. ಆ ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ, ವೃತ್ತಾಕಾರದಲ್ಲಿ ಮಸಾಜ್ ಮಾಡಬೇಕು. 5 ನಿಮಿಷದ ಬಳಿಕ ತಣ್ಣೀರಿನಲ್ಲಿ ತೊಳೆದರೆ ರಂಧ್ರಗಳು ಬಹು ಬೇಗ ಕೂಡಿಕೊಳ್ಳುತ್ತವೆ.

ಶ್ರೀಗಂಧ

ಇದು ಬಸವಳಿದ ತ್ವಚೆಗೆ ಮರು ಜೀವ ತುಂಬುತ್ತದೆ. ಒಂದು ಚಮಚ ಶ್ರೀಗಂಧದ ಪುಡಿ, ಒಂದು ಚಮಚ ಅರಿಶಿನ ಪುಡಿ, ಸ್ವಲ್ಪ ಬಾದಾಮಿ ಎಣ್ಣೆ ಎಲ್ಲವನ್ನೂ ಒಟ್ಟಿಗೆ ಸೇರಿಸಿ ಮಿಶ್ರಣ ತಯಾರಿಸಿ. ಇದನ್ನು ಮುಖಕ್ಕೆ ಅನ್ವಯಿಸಿ 20 ನಿಮಿಷ ಆರಲು ಬಿಡಿ. ನಂತರ ತಣ್ಣೀರಿನಲ್ಲಿ ತೊಳೆದರೆ ರಂಧ್ರಗಳು ಮುಚ್ಚಿಕೊಳ್ಳುವವು.

ರೋಸ್ ವಾಟರ್

ತ್ವಚೆಗೆ ಸಾಕಷ್ಟು ಆರೈಕೆ ಮಾಡುವ ಉತ್ತಮ ಉತ್ಪನ್ನ ರೋಸ್ ವಾಟರ್. ನಿತ್ಯವೂ ರೋಸ್ ವಾಟರ್‌ನಿಂದ ಮುಖವನ್ನು ಸ್ವಚ್ಛಗೊಳಿಸುವುದು ಅಥವಾ ಮಸಾಜ್ ಮಾಡುವುದರಿಂದ ರಂಧ್ರಗಳ ಗಾತ್ರ ತಗ್ಗುವುದು.

ಅಲೋವೆರಾ

ಚರ್ಮ ಹಾಗೂ ಕೂದಲ ಆರೈಕೆಗೆ ಉತ್ತಮ ಆಯ್ಕೆ ಅಲೋವೆರಾ. ಅಲೋವೆರಾ ಜೆಲ್‍ನಿಂದ ಮುಖವನ್ನು ಮಸಾಜ್ ಮಾಡಿ, 15 ನಿಮಿಷ ಆರಲು ಬಿಡಿ. ಹೀಗೆ ಮಾಡುವುದರಿಂದ ತ್ವಚೆಯ ಮೇಲಿರುವ ರಂಧ್ರಗಳು ಮುಚ್ಚಿಕೊಳ್ಳುವವು.