ಹೊಟ್ಟೆ ಮೇಲಿನ ಗುರುತು ನಿವಾರಣೆಗೆ ಮನೆಮದ್ದುಗಳು

ಸಕ್ಕರೆ

ನಾವು ಚಾ, ಕಾಫಿ ಮತ್ತು ಇತರ ಖಾದ್ಯಗಳಿಗೆ ಬಳಸುವಂತಹ ಸಕ್ಕರೆಯು ನೈಸರ್ಗಿಕವಾಗಿ ಸತ್ತ ಚರ್ಮ ತೆಗೆದುಹಾಕುವಂತಹ ಗುಣ ಹೊಂದಿದೆ. ಸಕ್ಕರೆಯನ್ನು ಚರ್ಮಕ್ಕೆ ಹಚ್ಚಿಕೊಳ್ಳಲು ಇದರ ಸ್ಕ್ರಬ್ ಮಾಡಿಕೊಳ್ಳಬೇಕು. ಎರಡು ಚಮಚ ಸಕ್ಕರೆಗೆ ಐದು ಚಮಚ ಬಾದಾಮಿ ಎಣ್ಣೆ ಹಾಕಿಕೊಂಡು ಹೊಟ್ಟೆಯಲ್ಲಿ ಮೂಡಿರುವ ಗುರುತು ನಿವಾರಿಸಲು ಸ್ಕ್ರಬ್ ತಯಾರಿಸಬಹುದು. ಬಾದಾಮಿ ಎಣ್ಣೆಯ ಬದಲಿಗೆ ಲಿಂಬೆರಸ ಬಳಸಿಕೊಳ್ಳಬಹುದು. ವಾರದಲ್ಲಿ ಮೂರು ಸಲ ಸ್ಕ್ರಬ್ ಮಾಡಿದರೆ ಅದರಿಂದ ಒಳ್ಳೆಯ ಫಲಿತಾಂಶ ಕಾಣಬಹುದು.

ಹರಳೆಣ್ಣೆ

ಕೂದಲಿನಿಂದ ಹಿಡಿದು ದೇಹದ ತನಕ ಪ್ರತಿಯೊಂದು ಭಾಗಕ್ಕೂ ಹರಳೆಣ್ಣೆಯು ತುಂಬಾ ಉಪಯುಕ್ತವಾಗಿದೆ. ಹೊಟ್ಟೆಯ ಗುರುತು ಇರುವ ಭಾಗಕ್ಕೆ ನೇರವಾಗಿ ಹರಳೆಣ್ಣೆ ಹಚ್ಚಿಕೊಂಡರೆ ಅದರಿಂದ ಹೆಚ್ಚಿನ ಪರಿಣಾಮವಾಗುವುದು.

ಹರಳೆಣ್ಣೆ

ಹರಳೆಣ್ಣೆ ಹಚ್ಚಿಕೊಂಡು ವೃತ್ತಾಕಾರದಲ್ಲಿ ಮಸಾಜ್ ಮಾಡಿಕೊಂಡರೆ ಅದರಿಂದ ಮೂಡಿರುವಂತಹ ಗುರುತುಗಳು ಮಾಯವಾಗುವುದು. ಹೊಟ್ಟೆ ಮೇಲಿನ ಗುರುತುಗಳಿಗೆ ಹೆರಳೆಣ್ಣೆಯಿಂದ 15 ನಿಮಿಷ ಕಾಲ ಮಸಾಜ್ ಮಾಡಿಕೊಂಡ ಬಳಿಕ ಬಿಸಿ ನೀರಿನ ಬ್ಯಾಗ್ ಗಳನ್ನು ಅದರ ಮೇಲಿಡಿ. ಬಿಸಿ ನೀರಿನ ಬ್ಯಾಗ್ ಗಳು ಚರ್ಮದ ಮೇಲೆ ಪ್ರತಿಕ್ರಿಯೆ ಉಂಟು ಮಾಡಬಹುದು. ಇದರಿಂದ ಮಸಾಜ್ ಮಾಡಿದ ಜಾಗವನ್ನು ಒಳ್ಳೆಯ ಬಟ್ಟೆಯಿಂದ ಒರೆಸಿಕೊಂಡು ಆ ಜಾಗಕ್ಕೆ ಬಿಸಿಯನ್ನಿಡಿ. ರಾತ್ರಿ ಮಲಗುವ ಮೊದಲು ಹೀಗೆ ಮಾಡಿ. ಇದರಿಂದ ನಿಮಗೆ ನಿದ್ರೆ ಕೂಡ ಬೇಗನೆ ಬರುವುದು.

ಅಲೋವೆರಾ

ಅಲೋವೆರಾದ ಬಹುಮುಖ ಅಂಶಗಳು ಹೊಟ್ಟೆ ಮೇಲಿನ ಗುರುತುಗಳನ್ನು ನಿವಾರಣೆ ಮಾಡಲು ತುಂಬಾ ಸಹಕಾರಿ. ಅಲೋವೆರಾ ಲೋಳೆಯನ್ನು ತೆಗೆದು ನೇರವಾಗಿ ಗುರುತು ಇರುವ ಭಾಗಕ್ಕೆ ಹಚ್ಚಿಕೊಳ್ಳಿ. ಅಲೋವೆರಾವು ಗುರುತು ನಿವಾರಣೆ ಮಾಡಲು ಹೋಮಿಯೋಪಥಿ ಚಿಕಿತ್ಸೆಯಾಗಿದೆ. ಅಲೋವೆರಾ ಹಚ್ಚಿಕೊಂಡ ಬಳಿಕ ಚರ್ಮವು ಸ್ವಲ್ಪ ಅಂಟಿಕೊಂಡಂತೆ ಆಗಬಹುದು. ಆದರೆ ಇದನ್ನು ಬಿಸಿ ನೀರಿನಿಂದ ತೊಳೆದರೆ ಸಮಸ್ಯೆ ನಿವಾರಣೆಯಾಗುವುದು.

ತೆಂಗಿನ ಎಣ್ಣೆ

ತೆಂಗಿನ ಎಣ್ಣೆಯು ತುಂಬಾ ಹಿಂದಿನಿಂದಲೂ ಹೊಟ್ಟೆಯ ಮೇಲಿನ ಗುರುತು ನಿವಾರಣೆ ಮಾಡಲು ಬಳಸಿಕೊಂಡು ಬರುತ್ತಿರುವಂತಹ ಮನೆಯೌಷಧಿಯಾಗಿದೆ. ಇದು ಶೇ.100ರಷ್ಟು ನೈಸರ್ಗಿಕವಾಗಿರುವುದು ಮಾತ್ರವಲ್ಲದೆ ಸುಲಭದಲ್ಲಿ ಸಿಗುವ ಹಾಗೂ ಆಗ್ಗದ ಸಾಮಗ್ರಿಯಾಗಿದೆ. ದಿನದಲ್ಲಿ ಎರಡು ಸಲ ತೆಂಗಿನೆಣ್ಣೆಯಿಂದ ಮಸಾಜ್ ಮಾಡಿಕೊಂಡರೆ ಹೊಟ್ಟೆ ಮೇಲಿನ ಗುರುತು ನಿವಾರಣೆಯಾಗುವುದು. ಒಂದು ತಿಂಗಳಲ್ಲಿ ಹೊಟ್ಟೆ ಮೇಲಿನ ಗುರುತು ಕಡಿಮೆಯಾಗುವುದು ಮತ್ತು ಎರಡನೇ ತಿಂಗಳಲ್ಲಿ ಇದು ಮಾಯವಾಗುವುದು. ಪ್ರತೀ ದಿನ ಎರಡು ಸಲ ತೆಂಗಿನೆಣ್ಣೆ ಮಸಾಜ್ ಮಾಡಿದರೆ ಇದು ಸಾಧ್ಯ.

ಕೋಕಾ ಬೆಣ್ಣೆ

ಚಿಕಿತ್ಸಕ, ನೆರಿಗೆ ನಿವಾರಣೆ ಹಾಗೂ ವಯಸ್ಸಾಗುವುದನ್ನು ತಡೆಯುವ ಗುಣಗಳು ಇರುವಂತಹ ಕೋಕಾ ಬೆಣ್ಣೆಯು ಹೊಟ್ಟೆ ಮೇಲಿನ ಗುರುತು ನಿವಾರಣೆಗೆ ಮ್ಯಾಜಿಕ್ ನಂತೆ ಕೆಲಸ ಮಾಡಲಿದೆ. ಕೋಕಾ ಬೆಣ್ಣೆಯನ್ನು ನೇರವಾಗಿ ಚರ್ಮದ ಮೇಲೆ ಹಚ್ಚಿಕೊಂಡಾಗ ನಿಮಗೆ ಒಂದು ಒಳ್ಳೆಯ ಅನುಭವವಾಗುವುದು. ಒಳ್ಳೆಯ ಫಲಿತಾಂಶ ಪಡೆಯಬೇಕೆಂದರೆ ಗುರುತು ಇರುವಂತಹ ಜಾಗಕ್ಕೆ ದಿನದಲ್ಲಿ ಎರಡು ಸಲ ಕೋಕಾ ಬೆಣ್ಣೆಯನ್ನು ಸವರಬೇಕು. ಕೋಕಾ ಬೆಣ್ಣೆಗೆ ವಿಟಮಿನ್ ಇ ಎಣ್ಣೆ ಸೇರಿಸಿಕೊಂಡರೆ ಗುರುತು ಮಾಯವಾಗುವ ಪ್ರಕ್ರಿಯೆ ವೇಗವಾಗುವುದು.