ಮುಖದ ಅಂದ-ಚೆಂದ ಹೆಚ್ಚಿಸುವ ಅರಿಶಿನ-ಅಲೋವೆರಾ ಫೇಸ್ ಪ್ಯಾಕ್‍

ವಯಸ್ಸಾದಂತೆ ಕಾಣದು

ಮುಖ, ಕುತ್ತಿಗೆ ಮತ್ತು ಕೈಗಳ ಮೇಲೆ ವಯಸ್ಸಾದ ಚಿಹ್ನೆಯನ್ನು ಬಹಳ ಬೇಗ ಗುರುತಿಸಬಹುದು. ಇದು ನಾವು ಸೇವಿಸುವ ಕಳಪೆ ಆಹಾರ, ಎಣ್ಣೆ ಪದಾರ್ಥಗಳ ಸೇವನೆ ಹಾಗೂ ಅಸಮರ್ಪಕವಾದ ದೈಹಿಕ ವ್ಯಾಯಾಮಗಳಿಂದಲೂ ಉಂಟಾಗಬಹುದು. ಇದಕ್ಕಾಗಿ ಹೆಚ್ಚು ಚಿಂತಿಸುವ ಅಗತ್ಯವಿಲ್ಲ. ಬದಲಿಗೆ ಒಂದು ಚಮಚ ಅಕ್ಕಿ ಹಿಟ್ಟು, ಒಂದು ಚಮಚ ಅಲೋವೆರಾ ಜೆಲ್, ಒಂದು ಚಮಚ ತೆಂಗಿನ ಹಾಲು ಮತ್ತು ಸ್ವಲ್ಪ ಅರಿಶಿನ ಬೆರೆಸಿ, ಒಂದು ಮಿಶ್ರಣ ತಯಾರಿಸಿಕೊಳ್ಳಬೇಕು. ಈ ಮಿಶ್ರಣವನ್ನು ನಿತ್ಯವೂ ಮುಖಕ್ಕೆ ಹಚ್ಚಿ, 20 ನಿಮಿಷ ಆರಲು ಬಿಡಬೇಕು. ಆಗ ತ್ವಚೆಯು ಸುಕ್ಕುಗಟ್ಟುವುದು ಮತ್ತು ಸೋಂಕಿಗೆ ಒಳಗಾಗುವುದನ್ನು ತಡೆಯಬಹುದು

ಎಸ್ಜಿಮಾಕ್ಕೆ ಔಷಧಿ

ಇದು ಸಾಮಾನ್ಯವಾಗಿ ರೋಗಿಯ ವಯಸ್ಸನ್ನು ಅವಲಂಭಿಸಿರುತ್ತದೆ. ಮಕ್ಕಳಿಗೆ ಮುಖ, ಕಿವಿ, ಕತ್ತು, ಮೊಣಕೈ, ತೋಳುಗಳು, ಮಣಿಕಟ್ಟು ಮತ್ತು ಕಣ್ಣಿನ ಸುತ್ತಲಿನ ಚರ್ಮಗಳ ಮೇಲೆ ಕಾಣಿಸಿಕೊಳ್ಳುತ್ತದೆ. ವಿಪರೀತ ಬೆವರಿನಿಂದ ಈ ಸಮಸ್ಯೆ ಉಂಟಾಗುವುದು. ಇದಕ್ಕೆ ಪರಿಹಾರದ ಔಷಧಿಯೆಂದರೆ, 1 ಚಮಚ ಅರಿಶಿನ ಪುಡಿ, 1 ಚಮಚ ಅಲೋವೆರಾ ಜೆಲ್ ಅಥವಾ ತೆಂಗಿನ ಎಣ್ಣೆಯನ್ನು ಬೆರೆಸಿ ಒಂದು ಮಿಶ್ರಣ ತಯಾರಿಸಿಕೊಳ್ಳಬೇಕು. ಈ ಮಿಶ್ರಣವನ್ನು ಪೀಡಿತ ಜಾಗಕ್ಕೆ ಹಚ್ಚಿ, 30 ನಿಮಿಷದ ಬಳಿಕ ತಣ್ಣೀರಿನಲ್ಲಿ ತೊಳೆಯಬೇಕು.

ಮೈ ಬಣ್ಣದ ಸಮಸ್ಯೆ

2 ಚಮಚ ಅಲೋವೆರಾ ಜೆಲ್, 1 ಚಮಚ ಅರಿಶಿನ ಪುಡಿ, 1 ಚಮಚ ಹಾಲು, 1 ಚಮಚ ಜೇನುತುಪ್ಪ ಮತ್ತು 2-3 ಹನಿ ಗುಲಾಬಿ ನೀರು. ಇವುಗಳ ಮಿಶ್ರಣವನ್ನು ಸೂರ್ಯನಿಂದ ಸುಟ್ಟ ಕಲೆಗಳ ಜಾಗ, ಮುಖ ಮತ್ತು ಕತ್ತಿಗೆ ಅನ್ವಯಿಸಿ, 15 ನಿಮಿಷದ ಬಳಿಕ ತೊಳೆಯಬೇಕು. ಆಗ ಕಳೆದುಕೊಂಡ ಮೈ ಬಣ್ಣ ಮರಳಿ ಬರುವುದು.

ಮೃದುವಾದ ತ್ವಚೆಗೆ

1 ಚಮಚ ಅಲೋವೆರಾ ಜೆಲ್, 1 ಚಮಚ ಅರಿಶಿನ, 1 ಚಮಚ ಮೊಸರು ಮತ್ತು 1 ಚಮಚ ಸೌತೆಕಾಯಿ ರಸ. ಇವುಗಳ ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ 15-20 ನಿಮಿಷಗಳ ಕಾಲ ಬಿಡಬೇಕು. ನಂತರ ತಣ್ಣೀರಿನಲ್ಲಿ ತೊಳೆಯಬೇಕು. ಹೀಗೆ ಮಾಡುವುದರಿಂದ ಶುಷ್ಕ ಮತ್ತು ಒರಟು ಚರ್ಮವು ಮೃದುವಾಗುವುದು.

ಬಹುಪಯೋಗಿ ಲೋಳೆಸರದ ಲಾಭಗಳು ಒಂದೇ, ಎರಡೇ?

ಹಾರ್ಮೋನ್ ವ್ಯತಾಸದ ಕಲೆ

2 ಚಮಚ ಅಲೋವೆರಾ ಜೆಲ್, 1 ಚಮಚ ಮುಲ್ತಾನಿ ಮಿಟ್ಟಿ ಮತ್ತು ಸ್ವಲ್ಪ ಅರಿಶಿನ. ಇವುಗಳ ಮಿಶ್ರಣವನ್ನು ಮುಖಕ್ಕೆ ಬಳಿದುಕೊಳ್ಳುವುದರಿಂದ ಹಾರ್ಮೋನ್ ವ್ಯತ್ಯಾಸದಿಂದ ಉಂಟಾಗುವ ಪಾತರಗಿತ್ತಿ ಕಲೆ(ಪಿಗ್ಮೆಂಟೇಷನ್) ಮತ್ತು ಉರಿಯೂತಗಳನ್ನು ಕಡಿಮೆ ಮಾಡಬಹುದು.